rKTs

e-texts navigator

Volume

Page

10b₁ de bzhin sa gzhi chen po ltar// bla med byang chub myu gu skyed// me yi rang bzhin ltar snang bas// rmongs pa'i bud shing sreg par byed// rlung gi rang bzhin yin pas na// mi shes pa yi rdul kun sel// chu yi rang bzhin yin pas//
10b₂ na/ nyon mongs gdung ba kun sim byed// sman gyi rang bzhin yin pas na// 'khor ba'i gcod rnying rnam par 'byin// de ltar rtsi'i rang bzhin pas// 'tsho ba rnams kyis gsos su 'bab// de bzhin rno dpal rang bzhin pas/ sdug
10b₃ bsngal rgya mtsho rnam par gcod/ / nyi ma lta bur snang ba yis// mun khang snang ston sel bar byed// ri rab lta bu'i rang bzhin pas// brtan po mi 'gyur g.yo ba med// rgya mtsho lta bu'i rang bzhin pas// mi g.yo ba la byin rlabs
10b₄ che/ sems ni 'di ltar cho 'phrul pas// de phyir 'khor dang mya ngan 'das// gnyis su snang ba ma yin te// sems kyi rang bzhin bzang ngan las// gnyis kyi 'du shes phye ste bstan// sems las yang dag ye shes 'byung //
10b₅ de bzhin bde dang sdug bsngal 'byung // chos dang sangs rgyas ye shes 'byung // dge 'dun yang ni de bzhin no// 'di las pha rol phyin tshogs dang // byang chub dang ni pad mo 'byung // 'di las rdo rje sems dpa' dang // dri med
10b₆ rin chen dpa' byin 'byung / / de bzhin rdo rje dpag med dang // sna tshogs rgyal ba 'di las byung // 'di las phyag rgya sna tshogs dang // rig pa'i snying po thams cad 'byung // 'di las 'dod chags zhe sdang dang // sdug
10b₇ bsngal nga rgyal phrag dog 'byung / / gti mug dag kyang de bzhin te// 'di las khams gsum thams cad dang // skyes pa bud med ma ning 'byung // 'di las 'dod dang 'dod gzir dang // nyon mongs gdung 'dod chags pa
10b₈ 'bring / ri dang skye bo de bzhin du// nam mkha' dang ni rlung dag dang // sred pa'i me ni rab tu 'byung // 'di las sa dang chu dang ni// rdo dang sa bon myu gu 'byung // de bzhin glog dang skar ma dang // nyi ma zla ba sprin rnams 'byung //

_{iiif viewer powered by OpenSeadragon}

10a - 11a

Texts on this page