rKTs

e-texts navigator

Volume

Page

103b₁ pas 'bar ba'i dkyil 'khor me ltar mchod/ / pang ka de'u yi glu blangs pas// drag po gtum po lhan ner 'gyur// phreng ba yi gru blangs pas// sprul pa'i tshe 'phrul thams cad 'gyed// dung de ba yi glu blangs pas// srid rje
103b₂ bu mo dbang du sdud / / yi ge 'bru dgu'i rang bzhin la// phyag brgya'i dkyil 'khor thams cad rdzogs// de bzhin 'khor lo mu khyud bcas// khyams dang sgo khyud gsal ba'o// srid pa mthong yod snang grangs kyang // thasa?
103b₃ cad sngags kyi tshig tu rdzogs/ / yi ge rgyal ba kun dang bral// 'khor lo'o sa la nye ba'o// yi ges dmigs pa thams cad 'grub// chags med lhan grub don pa che// rnam bzhi las kyi khyad par yang // bya ba med par don du 'gyur/ yi
103b₄ ge gsang ba'i 'phro 'dra yis/ / rgyal ba dpa' bo thams cad mnyes// de kun yi ges rnam sprul yang // rang bzhin dngos med chos kyi dbyings// yi ge 'bru 'bar ba'i cho 'phrul las// dam pa'i ngo mtshar sna tshogs 'byung // de bzhin
103b₅ sgrib pa'i bud shing bsregs/ / gti mug mun sel ye shes 'bar// rig pa'i nyi ma gsal bar 'bebs// bdag nyid dpal chen 'bar ba'i thugs// tsid ta dpal be'u zur brgyad 'bar// rin chen yi ge 'bru brgyad gsal// dpal/
103b₆ chen rin chen 'bar ba'i thugs// dpal be'u smug po zur brgyad las// gser gyi nyi ma dgu shar ba// 'od zer ru lu yig 'bru brgyad// rdo rje 'bar ba'i rlung sgrom du// shin du 'bar 'phro 'khrug byas te// spros pas rnal 'byor dbang
103b₇ phrug gi/ nas g.yas su drang bar bya// ge re tsana'i gzhal yas su// sen zlu ma tsam gyi rgya khyon la// gser gyi nyi ma ga'u dgu// shar ba'i dkyil na yig 'bru dgu// gsal bas 'od kyi gzhal yas khang // dngos po'i bag
103b₈ chags kun bsregs te/ / sems ni gser chu zhun ma bzhin// lte ma la 'tsher zhing 'od 'bar ba// rtsal las gyur pa'i zla dkyil 'khor// nyi ma'i steng na dpal be'u 'bar// de la ru lu 'phro zhing 'du// dpal be'u

_{iiif viewer powered by OpenSeadragon}

103a - 104a

Texts on this page