| e-texts navigator |
| བོད་ཡིག |
59b1 gsang chen dang bcas pa bdag gis bshad lags kyis/ bcom ldan 'das rgyal po'i pho brang lcang lo can du mchis la sems can rnams gdul bar 'tshal lo// de skad ces gsol nas/ bcom ldan 'das kyis
59b2 gsang ba'i bdag po lag na rdo rje la 'di skad ces bka' stsal to/ / lag na rdo rje gang khyod kyis rig pa mchog gi cho ga rgyas pa chen po 'di bshad pa ni/ khyod gdum pa yin bsten par dka' ba yin shin tu thub par
59b3 dka' ba yin/ 'phags pa'i tshul med pa yin te/ lag na rdo rje khyod kyis rig pa mchog gi cho ga rgyas pa chen po bshad pa gang yin pa de dag thams cad ni gsang ba med par las mi byed do// lag na rdo rje de bas na
59b4 rdo rje'i rigs 'di dang / rig pa mchog gi cho ga rgyas pa chen po 'di bde blag du 'grub par bya ba'i phyir khyod kyi ming brgyad pa gsang ba gsang sngags kyi 'khor dang bcas pa gang thos na mtshams med pa lnga byed
59b5 pa yang sdig pa 'byang bar 'gyur ba dang / lag na rdo rje khyod kyang mthong bar 'gyur ba dang / bgegs dang log 'dren thams cad kyang 'byer bar 'gyur ba dang / log 'dren bye ba khrag khrig brgya stong phrag brgyad bcu rtsa
59b6 bzhi rnams kyang phyogs bcur 'byer bar 'gyur ba dang / gang thos na tshangs par ma spyad pa yang tshangs par spyod par 'gyur ba dang / thub par ma byas pa yang thub par byas par 'gyur ba dang / bsnyung ba ma byas pa
59b7 yang bsnyung ba byas par 'gyur ba dang / dge sbyong ma yin pa yang dge sbyong gi 'bras bu dang ldan par 'gyur ba dang / sangs rgyas dang byang chub sems dpa' thams cad kyang de la srung bar mdzad pa dang / las kyi dngos
59b8 grub kyang stsol bar 'gyur ba bshad par bya'o/ / de nas bcom ldan 'das lag na rdo rjes bcom ldan 'das kyi zhabs gnyis la gtugs nas/ bcom ldan 'das la 'di skad ces gsol to// bcom ldan 'dra
iiif viewer powered by OpenSeadragon
Texts on this page
Q405 - 'phags pa lag na rdo rje mtshan brgyad pa gsang sngags dang bcas pa