rKTs

e-texts navigator

Volume

Page

226a₁ bgang do/ dang pa chag rgyas par ni// dmas theg sar rab shad pa yin// rigs gsum dbang bkur chog yang / mdor bsdus nas ni 'dir bshad do// slob ma lha'i rigs mthong ba/ dag sngags gang la zlos 'dod pa/
226a₂ de yis brgya rtsa brgyad bzlas pa'i// bum pas mngon par dbang bskur bya// de nyid kyis kyang sbyin bsreg bya// de nyid du ni de yang bzlas// de ltar gang zhig dbang bskur ba// dbang bskur cho ga gnyis pa yin// sems ni bgegs kyis
226a₃ brlams pa dag/ zhi bar bya ba gang yin pa// de ni dbang bskur gsum pa ste// phan dang bde ba thob par bshad// dpal la sogs pa'i dkyil 'khor du// rgyal srid thob phyir dbang bskur dang // blar ni med par bya ba dang // dpal yang skyed
226a₄ par bya ba dang / / nor dang bu tsha 'phan pa dang // de la sogs pa dbang bskur gang // de ni bzhi pa'i mi rnams la// 'byor pa sbyin par shes par bya// dbang bskur dang po thob pa ni// sangs rgyas rnams kyang dgongs par 'gyur// de'i sras
226a₅ gsang sngags spyod pa la/ / brtson pa rnams kyis bskur bar 'gyur// rig sngags gsang sngags mang po dang // 'phags pa spyan ras gzigs dbang dang // dpa' bo rdo rje 'dzin pa dag/ nyid kyis byin gyis brlabs par 'gyur//
226a₆ de yis sbyar na sgrub pa po// las rnams thams cad 'grub par 'gyur// de ni cis kyang mi tshugs shing // lha rnams kyis kyang mchod par 'gyur// 'khor ba na ni 'khor ba na// de ni ngan song lhung mi 'gyur// yan lag nyams dang /
226a₇ dbul ba dang // smad pa rnams su skye mi 'gyur// tshe rabs dran zhing longs spyod che// tshul khrims ldan zhing gzugs kyang bzang // rtag tu lha dang mi rnams kyi// mtho ris rnams su skye bar 'gyur// de yi bsod nams mthu yis ni//
226a₈ sangs rgyas byang chub las mi ldog/ des ni ring po ma thogs par// byang chub tshogs ni rdzogs par 'gyur// de la sogs pa'i yon tan ni// mang po rgya chen dag dang ldan// rigs sngags rnams kyang rigs skye zhing // de ni byang

_{iiif viewer powered by OpenSeadragon}

225b - 226b

Texts on this page