rKTs

e-texts navigator

Volume

Page

198a₁ bshad/ / kha cig nga yi rigs su gtogs pa ste// kha cig kyang ni pad mo'i rigs su gtogs// kha cig nor gyi rigs su gtogs pa yin// gzhan yang kha cig gnas med rnam par 'khyam// nor spyod ces bya nor gyi rigs su gsung
198a₂ de ni rdo rje rigs shes rab tu bstan/ / spyan ras gzigs dbang pad ma'i rigs yin te// rigs bzhi pa ni 'di yang lnga rtsen yin// gsang sngags mdo sder ngas bshad gang yin te// bzhi po 'dir ni rnam par sbyar bar bya// gzhan yang 'di ni khacig
198a₃ gnas med par/ / bde bar gshegs la bsten cing yongs 'khyam pa// mdo sde 'dir ni de dag thams cad kyang // 'byor pa 'dod pa'i mis ni rnam par sbyar// la ma 'di nyid du zhugs pa'i sngags pas ni// yid dang mthun pa'i dngos grub thob par
198a₄ 'gyur/ / srid gsum nang na rgyal ba dkon mchog ste// de yi 'og tu de las byung ba'i chos// de yi dge 'dun skyes chen brgyad po ste// srid pa gsum na dkon mchog gsum po gtso// 'di gsum bsod nams nam 'phel rgyu yin pas// dngos grub
198a₅ 'dod pas gsang sngags mgo la gdon/ / bsod nams ched dang log 'dren rmongs byed phyir// phyag na rdo rje gtum mchog phyag 'tshal zhes// gsang sngags rnams kyi mgo la sbyar bya bar// gnod sbyin mgon po ngas ni bshad pa yin// nor gyi
198a₆ rigs dang pad ma'i rigs la yang / / rang gi gsang sngags bdag por ldan par bya// bde bar gshegs min nyan thos lam zhugs dang // nga rgyal rnams kyi lam la gnas pa dang // dad pa med cing tshul 'chos 'jungs pa yis// nga yi rdo rje nam yang
198a₇ bcad mi bya/ / gang zhig theg pa mchog la sdang ba dang // bdud kyis bshad pa yin zhes zer ba dang // rmongs pa ngal gnod sbyin zhes smra dang // byang chub sems dpa' la ni mi 'dud pa'i// dge slong dge slong ma dang dge bsnyen dang // dge bsnyen ma dang 'jig
198a₈ rten pa rnams kyis/ / yi rigs kyi gsang sngags bzlas brjod na// de dag rnams kyis lus ni myur du 'jig/ gang zhigang rigs rjes su 'brang ba'i gdon// 'byung po gnod sbyin krung shaH yis// yi sngags brjod rdo rje thogs bdag

_{iiif viewer powered by OpenSeadragon}

197b - 198b

Texts on this page