rKTs

e-texts navigator

Volume

Page

182b₁ kyang 'gro ba'i thos ni bram ze dang / / 'di ni mangs rigs yin zhes brtags par zad// bden pa'i lami dmigs dge ba'i rjes 'brangs na// mangs rigs dag kyang skye shi med par 'gro// log pa'i lam zhugs nyes par spyod ldan na// bram ze gang
182b₂ mid mi bzad dmyal bar lhurang/ / lus can shin tu drim ldan pa dag/ 'di na gzhan gyis dag par mi 'gyur te// de ni sdig pa rnam par bsal ba dang // bsod nams ma lus yongs su bzung bas 'dag/ dper na ma ni gso dang bsal ba'i phyir//
182b₃ nad padag la sman pa sbyin pa ltar// de bzhin 'dir yang bsgres pa'i sdug bsngal dag/ bsal phyir rgyal bas kha zas bza' bar gsungs// la la lam gyis dub cing 'gro ba'i tshe// bkres bsgom gdungs pas rang gi bu yi sha/ za ba bzhin du/
182b₄ rnal 'byor sems dman bzhin// tshe dang rgyags phyir bza' bar mi bya'o// mang du blugs na rtsol med ma tho ba dang // de bzhin nyu dus srang ni dma'agyur la// ran pas skad cig mnyam par 'gro ba ltar// lus can kha zas de ltar bza' bar bya/
182b₅ dper na khang rnying mi zhig bya ba'i phyir// mi yis ka ba brtan po btsugs pa ltar// de bzhin lus kyi 'khrul 'khor gnas pa dang // shing rta'i mig bsku bzhin du kha zas bza'// 'dod pa'i khams ni kha zas kyis gnas shes// rgyal bas
182b₆ chos gcig tu ni bka' stsal pas/ / lus ni chu shing bzhin du rig byas te// sems ni bza' gtung tshogs la chags mi bya// dbang po drug po yul la 'phro ba dag/ bde gshegs gsungs pa'i shes pas bsrung bar bya// lhung bzed de dag
182b₇ las ni gcig thogs nas/ / gnya' shing gang du lta zhing bsod snyoms spyad// 'dzum zhing 'gro la smra zhing zur mig can// yan lag thams cad yid 'phrog byed pa'i gzugs// bud med gzugs ni mtshon cha 'jebs 'dra bas// skyes pa'i sems ni
182b₈ mngon du 'phrog par byed/ / lcags kyi thod lcags rab tu 'bar ba yis// mig ni rnam par bkab pa ches sla yi// nyes na dran pa nyams byed bud med kyi// dkyus ring mig can bzhin ni ma mthong sla// gang du dga' bar 'gro zhing 'dzin med la// sems

_{iiif viewer powered by OpenSeadragon}

182a - 183a

Texts on this page