| e-texts navigator |
| བོད་ཡིག |
91a1 'khor de nyid du 'dus par gyur te/ bcom ldan 'das kyi zhabs dang phyag na rdo rje la mgo bos phyag 'tshal nas phyogs gcig tu 'dug go// de nas gdol pa'i rgyal po thul bu gsum pa yang 'khor de nyid du 'dus
91a2 par gyur to/ / rgyal po chen po bzhi yang g.yog 'khor bye ba phrag du mas kun nas bskor te 'khor de nyid du 'dus nas bcom ldan 'das kyis zhabral mgo bos phyag byas te phyogs gcig tu 'dug go// de nas byang chub
91a3 sems dpa' lag na rdo rjes bla gos phrag pa gci tu gzar te/ pus mo g.yas pa'i lha nga sa la btsugs nas bcom ldan 'das ga la ba der logs su thal mo sbyar ba btung ngo de/ bcom ldan 'das la 'di skad ces gsol to//
91a4 bcom ldan 'das sems can thams cad kyi don gyi slad du bdag gsang sngags kyi tshig 'chad par gnang bar mdzad du gsol// bcom ldan 'das kyis byang chub sems dpa' lag na rdo rje la 'di skad ces bka' stsal to//
91a5 lag na rdo rje khyod ni shin du ma rungs pa/ lag na rdo rje khyod ni shin tu brtsam pa med pa/ shin du gtum pa yin na/ ci ltar sems can rnams kyi don gyi phyir gsang sngags 'chang / lag na rdo rje khyod ni dam tshig shes pa yin
91a6 na/ sems can gang dag dam tshig mi shes par brjod pa rnams ni rdo rjes mthar byed pa yin na/ khyod ci ltar gsang sngags 'chang / gsol ba bcom ldan 'das de de lta lags mod kyi/ bcom ldan 'das gang dag rig pa
91a7 mchog 'di'i don 'don pa dang 'chang ba dang / mchod pa bgyid pa de dag na bdag gi dam tshig 'tshal ba lags// bdag gi dkyil 'khor du zhugs pa lags pas bcom ldan 'das kyis gnang ba mdzad du gsol/
91a8 de nas bcom ldan 'das la gnod sbyin gyi bdag po lag na rdo rjes 'di skad ces gsol to// bcom ldan 'das bdag gi yi ge bzhi pa zhes bgyi ba 'di ni rig pa'i tshogs thams cad kyi snying por gyur pa la mang po rab tu
iiif viewer powered by OpenSeadragon
Texts on this page
Q402 - 'phags pa rig pa mchog gi rgyud chen po