rKTs

e-texts navigator

Volume

Page

151b₁ shes rab mtshungs med shes rab can// dge ba rnam dag sa dang bral// chos gcig las byung snang ba po// 'jig rten 'das pa'i tshul chen lags// 'jig rten snang mdzad smra mkhas pa// 'jig rten chos las rnam par 'das
151b₂ 'jig rten mkhyen pa'i yon tan brnyes/ / brgyan par mdzad pa dkyil 'khor dag/ nyes pa ma lus bsal ba ste// phal chen skye bo kun la phan// sa 'dzin rnam par grags pa po// kun mkhyen khyod la phyag 'tshal lo// dga' mkhyen
151b₃ dga' la longs spyod pa/ / dga' ba'i rigs mchog rnams kyi mchog/ dga' bar mdzad pa'i rtog pa can// dga' la snang ba khyod phyag 'tshal// sgeg chen 'jam zhing dgongs par ldan// rnam par bsgeg la spyod pa brtan// rdo rje rig pa
151b₄ skrag pa'i mchog/ sgeg chen khyod la phyag 'tshal lo// sangs rgyas byang chub sems dpa'i mchog/ rdo rje mchog gi dkyil 'khor che// theg pa chen po'i tshul la gnas// bla med mchog khyod phyag 'tshal lo// dga' bo byang chub sems
151b₅ dpa'i mchog/ sgrib pa thams cad sel mdzad la// rdo rje'i dkyil 'khor rnams kyis ni// ming brgya rtsa brgyad kyis bstod nas// rdo rje'i bstan pa rnam grags pa// bcom ldan rdo rje can gyis gsungs// kyem 'byor chen snang ba yi// dkyil
151b₆ 'khor rgyal ba'i dkyil 'khor ba/ / gang zhig ming brgya rtsa brgyad pa// 'di dag so sor brjod byed na// da ni nyes pa kun zlog cing // rtag tu de yi phyi bzhin 'brang // nang par langs nas gtsang ma yi// sgrib pa thams cad sel ba la//
151b₇ ldan gang zhig bstod byed pa// de yi sdig pa med par 'gyur// gang zhig ming brgya rtsa brgyad mchog/ nang par langs nas rjod byed pa// sdang ba thams cad de dbang 'gyur// bgags rnams kyis kyang yongs su gtang // sdig pa dag
151b₈ pa 'thob pa dang / / de bzhin bsod nams 'phel ba dang // ye shes rgya mtsho longs spyod cing // sa chog chen po thob par 'gyur// gang zhig nges par gnas byas la// ming brgya rtsa brgyad mchog 'don pa// des ni 'byor chen sangs rgyas

_{iiif viewer powered by OpenSeadragon}

151a - 152a

Texts on this page