| e-texts navigator |
| བོད་ཡིག |
230a1 mthong ngam/ de dang de nye bar gnas par gyur na/ tha na de'i grib ma phog gam/ de'i rdul rlung gis btab pas phog na/ yang lha'i dbang po sems can de la sdig pa thams cad dang / ngan 'gror 'gro ba'i 'jigs pa
230a2 thams cad mi 'byung ngo / / sems can dmyal ba dang dud 'gro'i skye gnas dang / gshin rje'i 'jig rten dang yi dgas dang / lha ma yin gyi ris thams cad du mi skye bar 'gyur ro// lha'i dbang po sems can de ni de bzhin gshegs
230a3 pa thams cad kyis lung bstan cing / bla na med pa yang dag par rdzogs pa'i byang chub las phyir mi ldog par rig par bya'o// lha'i dbang po mchod pa dang rim gro byed cing me tog dang / bdug pa dang spos dang / me tog phreng ba dang
230a4 bug pa dang gdugs dang / rgyal mtshan dang ba dan dang / rgyan rnams kyis brgyan par byed pa dang / lam gyi bzhi mdor mchod rten byas te/ gzungs 'di bzhag pa la thal mo sbyar ba 'am phyag 'tshal ba 'am skor ba byed pa
230a5 lta ci smos te/ lha'i dbang po sems can de ni sems can chen por rig par bya'o// de bzhin gshegs pa'i sras su rig par bya'o// chos kyi gnas su rig par bya'o// de bzhin gshegs pa'i mchod rten du rig par
230a6 bya'o/ / de nas chos kyi rgyal po gshin rje nub mo nam langs nas/ bcom ldan 'das ga la ba der song ste/ bcom ldan 'das la lha'i me tog dang / gos dang rgyan la sogs pas mchod pa dang / sti stang byas nas/ des bcom
230a7 ldan 'das la lan bdun bskor ba byas nas/ bcom ldan 'das kyi zhabs la gtugs nas 'di skad ces gsol to// bcom ldan 'das gzungs 'di ni mthu che zhing phan yon che ba lags te/ bcom ldan 'das bdag
230a8 kyang rtag tu rgyun mi 'chad par sems can de'i slad bzhin du 'brang zhing kun du bsrung ba dang / yongs su bskyab pa'i slad du gnas par bgyi'o// sems can dmyal ba thams cad las de bzlog par bgyi'o// bcom ldan 'dra
iiif viewer powered by OpenSeadragon
Texts on this page
Q198 - 'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs