rKTs

e-texts navigator

Volume

Page

229b₁ 'dilta ste bram ze'i rigs shings la chen po lta bu'am/ rgyal rigs shing sa la chen po lta bu 'am/ tshong dpon gyi rigs shing sa la chen po lta bur skye'o zhes nga smra'o// lha'i dbang po de ltar na gzungs 'di'i mthus byang chub
229b₂ kyi snying po la mthar thug gi bar du skye ba yongs su dag pa chen po 'thob ste/ lha'i dbang po gzungs 'di ni de ltar mthu che ste/ lha'i dbang po gzungs 'od ltar mthu che ba phan yon che ba mthu stobs che ba dge zhing shis pa yin te/
229b₃ lha'i dbang po sems can rnams kyi don gyi phyir/ gtsug tor rnam par rgyal zhes bya ba'i gzungs ngan 'gro thams cad yongs su sbyor ba 'di bzhag go/ 'di lta ste dper na nor bu rin po che nyi ma'i snying po shin du dri ma med pa nam mkha'
229b₄ ltar yongs su dag pa 'od gsal ba ni 'od zer gyi snang bas 'bar zhing 'dug go/ lha'i dbang po de bzhin du sems can de yang gos pa med par shes par bya'o// 'di lta ste dper na 'dzam bu'i chu bo'i gser ni dri ma med pa shin tu
229b₅ yongs su dag pa dang shin du mnyen pa shin du sdug pa'o/ / lha'i dbang po de bzhin du sems can de yang shin du yongs su dag par rig par bya ste/ tshe rabs gzhan du yang de bzhin du skye bar 'gyur ro// lha'i dbang po gang na gzungs
229b₆ 'di rab tu ston pa dang / bye brag tu na yi ger 'drir 'jug pa dang / 'dzin pa dang / klog pa dang / 'don pa dang / kha ton du byed pa dang mchod pa dang / kun chub par byed pa dang / nyan pa dang 'dzin par 'gyur ba der 'gro ba thams cad
229b₇ yongs su dag par 'gyur/ sems can dmyal ba thams cad rgyun chad par 'gyur ro// lha'i dbang po gzungs 'di yi ger bris te rgyal mtshan gyi rtse mor gzhag par bya// ri mthon po 'am khang pa mthon po 'am mchod rten gyi
229b₈ srog shing gi steng du gzhag par bya'o/ / lha'i dbang po dge slong ngam/ dge slong ma'am/ dge bsnyen nam/ dge bsnyen ma'am/ de las gzhan pa'i rigs kyi bu'am rigs kyi bu mo gang gis rgyal mtshan gyi rtse mor bzhag pa

_{iiif viewer powered by OpenSeadragon}

229a - 230a

Texts on this page