rKTs

e-texts navigator

Volume

Page

224b₁ gyi bar du bklag par bya'o/ / nyi ma re re zhing tshe dang blo ster bar byed pa'i gzungs kyi ched du byas te/ sems can thams cad la thun mong du dge ba'i rtsa ba sbyin par bya'o// sems can rnams la bcing ba dang brdung ba la sogs pa swa
224b₂ par bya'o/ / zla ba gzhan re re la mchod pa'i nyis 'gyur du byas la brgyad brgya'i bzlas pa bya ba ni rang ngam rang dang 'dra bas bya'o// cho ga 'di yis ni dus ma yin par 'chi ba brgyad med par 'gyur ro// blo rno ba dang na dmed pa dang tshe lo brgya
224b₃ thub cing 'gro ba thams cad kyi yid du 'ong ba dang skye ba dran par 'gyur ro/ / gang gi tshe 'chi ba'i dus byas pa'i tshe sbrul shun pa brjes pa dang 'dra bar rang gi lus bor te/ mdzes pa'i lus bde ba can gyi 'jig rten gyi khams su skye ba
224b₄ 'gyur ro/ / yang de ni dmyal ba dang byol song gi skye gnas dang / gshin rje'i 'jig rten gyi ngan 'gror skye ba ri mi 'gyur ro// rna ba'i bu gar dmyal ba'i sgra yang thos par mi 'gyur na 'bras bu smin par lta ga la 'gyur/ 'di rnam
224b₅ kyi gnas su 'gro ba med do/ / de nas bcom ldan 'das tshe dpag tu med pas gzhan yang sgrub pa'i thabs bka' stsal pa/ gang gis sems can tshe dpag tu med par 'gyur ba dang / nyam nga ba'i 'khor ba las grol bar byed
224b₆ pa ni gzhon nu mas bkal ba'i skud pa la tshad dang ldan pa'i mdzes pa'i ras mkhas pas bya'o/ / de nas gtsug tor rnam par rgyal ba zhes bya ba'i gzungs tshon snam lus pas gzungs kyi yi ge las sprul pa'i mchod rten
224b₇ gyi nang du bri bar bya'o/ / tshe dpag tu med pa 'od zer stong gi phreng ba can/ pad ma dang zla ba'i gdan la bzhugs pa/ ston ka'i zla ba lta bu'i 'od can/ rgyan thams cad kyis brgyan pa// zhal gsum pa spyan gsum pa/ phyag brgyad
224b₈ pa g.yas pa'i zhal zhi ba gser gyi 'od zer dang ldan pa'o/ / g.yon pa ni mche bas ma mchu mnan pa mi bzad pa ud pal sngon po'i 'od zer gyi 'od dang ldan pa'o// dbus ma ni sgeg pa dang bcas shing dkar ba'o// g.yas pa'i

_{iiif viewer powered by OpenSeadragon}

224a - 225a

Texts on this page