| e-texts navigator |
| བོད་ཡིག |
224a1 bshad par bya/ / gser dang in dra ni la dang / dngul dang pad ma rag la sogs pa'i rang bzhin mang po'i rin po ches sbas pa sor bcu gnyis kyi tshad pad ma'i steng du bzhugs pa/ de'i logs bzhir 'jig rten
224a2 skyong ba bzhi lag na rgyal mtshan bsnams pa'o/ / me tog dang bdug pa dang dri lag na bzung ba'i gnas gtsang ma'i lha'i bu rnams dang lha rnams kyi dbang po brgya byin lag na gdugs thogs pa dang g.yas dang g.yon gyi
224a3 logs gnyis na spyan ras gzigs dang rdo rje 'chang gnyis rnga yab dkar po phyag na bsnams pa gnyis bya'o/ / de lta bu'i tshogs mchod rten la g.yas bskor gyi sbyor bas pad ma'i 'dab ma la bri bar bya'o// de bzhin
224a4 gshegs pa thams cad kyi gtsug tor rnam par rgyal ba zhes bya ba'i gzungs bris la/ de'i ring srel gyi snying po can du byas la dri zhim po dang bsres pa'i chu gtor zhing dri zhim po'i me tog gis mchod la stong phrag gcig gi
224a5 mchod pa chen po byas te/ dkar po'i phyogs kyi tshes brgyad kyi nyin zhag la bsnyung bar gnas shing / sems can thams cad la phan pa'i blos tshe dang blo ster ba'i yon byin te stong phrag gcig bzlas par bya'o// zla ba re re zhing byas na
224a6 zla drug gis tshe lo stong thub par 'gyur ro/ / rtag tu lo gcig tu byas na tshe lo 'bum thub par 'gyur ro// rtag tu byas na tshe lo mi zad par thub cing stobs dang ldan pa dang / gang gis kyang mi thub cing lha dang lha ma yin dang mi mnyam
224a7 pa'i mkha' spyod kyi gtsug tor mchog tu 'gyur ro/ / de nas gzhan yang cho ga ni rab tu dge ba'i gnas su sa blangs la/ dri zhim pos bsres la mchod rten bya'o// stong phrag gcig nas brtsams te ji srid lnga 'am gcig
224a8 gi bar du'o/ / nyi ma re re zhing mchod rten du gtogs pa gtsug tor rnam par rgyal ba yang dag par bzhugs su gsol la// ji skad gsungs pa'i mchod pa rgya chen po byas la stong phrag gcig nas brtsams te/ lan bdun
iiif viewer powered by OpenSeadragon
Texts on this page
Q197 - de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa