| e-texts navigator |
| བོད་ཡིག |
220a1 tam yang na klog byed pa/ / tshe rabs nyi shu rtsa gcig tu// de ni tshe rabs dran par 'gyur// gzungs sngags 'di bdod byed de la// mi min gang yang rung ba dang // gnod sbyin grul bum srin po dag/ nams kyang bar
220a2 tshad mi byed do/ / gzungs sngags 'di brjod byed de la// 'dod khams dbang phyug gang yin pa// sdig can bdud de nam du yang // bar chad byed par mi 'gyur ro// gzungs sngags 'di 'dzin byed de yi// pha ma dang ni phu nu dang /
220a3 sring mo mdza' shes gnyen dag kyang // log par ldang bar mi 'gyur ro// de phyir gzungs sngags mdo sde 'di// 'jigs med gang gis thos gyur nas// gzungs sngags 'di rjod byed pa des// nams kyang 'jigs par mi bya'o//
220a4 gzungs sngags 'di 'dzin byed de yi// bskal pa bye ba stong rnams su// sgrib pa'i las ni gang byas pa// zhag bdun gyis ni byang bar 'gyur// byang chub sems dpa'i bsod nams gang // bskal pa bye bar bsgrubs pa kun//
220a5 gzungs sngags 'di 'dzin byed pa des// zhag bdun gyis ni zil gyis non// phyogs bzhi'i 'jig rten skyong ba po// rgyal po chen po bzhi po dag/ lus ngan dang ni yul 'khor srung // mig mi bzad dang 'phags skyes
220a6 po/ kha dog ldan zhing grags dang ldan// 'khor bcas blon bcas de dag kyang // gzungs sngags 'di ni rjod byed pa// de la rtag tu srung bar byed// de nas bcom ldan 'das kyis de skad ces bka' stsal nas// tshe dang ldan /
220a7 ba kun dga' bo dang / nyan thos chen po de dag dang / 'phags pa byams pa dang / 'jam dpal la sogs pa byang chub sems dpa' sems dpa' chen po rnams dang / rgyal po chen po bzhi dang / lha dang mi dang lha ma yin/
220a8 dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags ma rigs sngags kyi rgyal po sgrog ma mchog gi gzungs rdzogs s+ho// /
iiif viewer powered by OpenSeadragon
Texts on this page
Q195 - 'phags pa rig sngags kyi rgyal po sgron ma mchog gi gzungs