rKTs

e-texts navigator

Volume

Page

179a₁ gis kun nas bskor ba bri bar bya'o/ / de lta bu'i ras ris kyi mdun du chog 'dis ci ltar 'dod par ram// rtog pa gzhan gyi cho ga dang yang sbyar bar bya'o// rig pa mchog gi ras ris gzhan yang ting nge 'dzin la snyoms par
179a₂ zhugs pa pad ma dmar po la rab tu bzhugs pa bri bar bya'o/ / de'i 'og tu mngag gzhug pa mtha' med lag pa na ral gri dang zhags pa thogs pa de dang 'angadra ba bri bar bya'o// ngas ris 'di yang las de dag kun bya'o// cho ga gzhan yang ri
179a₃ l a sogs pa stong zhing dben pa'i phyogs cig tu dkyil mo dkrung bcas nas byang chub sems dpa' dang bcas pa'i de bzhin gshegs pa dmigs nas mtshan thog thag dkyil mo dkrung ma bshig par bzlas pa byas na sngon du bsnyen pa
179a₄ ma byas kyang tho rangs sam nam phyed na rig pa 'dzin par 'gyur ro/ / mthu mtshungs pa med pa dang ldan pas phyir mi ldog pa'i rig pa 'dzin pas mchod par 'gyur/ sems can thams cad kyis mchod par 'gyur ro// rig pa'i mchog 'di
179a₅ gang gi lag tu thob pa de ni sangs rgyas thams cad kyis byin gyis brlabs par 'gyur ro/ / rdo rje'i rigs thams cad kyis yang dag par bsrungs par 'gyur ro// sbyin bsreg la sogs pa'i sbyor bas lha dang klu la sogs pa dgug pa
179a₆ dang / gzhan yang yid la gang 'dod pa rtog pa gzhan gyi cho ga bzhin du bsgrub par bya'o// de bzhin gshegs pa'i snying po'i cho ga gang yin pa'i dam pa nyis 'gyur du sbyar bar bya'o// de bzhin gshegs pa yang dag par 'byung ba
179a₇ zhes bya ba rig pa'i mchog rdzogs s+ho/ / de nas byang chub sems dpa' sems dpa' chen po 'khor lo rdo rje zhes bya ba sangs rgyas thams cad kyi yul la rnam par lta ba zhes bya ba'i ting nge 'dzin la snyoms par zhugs so// de nas de
179a₈ bzhin gshegs pa thams cad kyi byini gyis brlabs kyis rdo rje shugs kyi yi ge zhes bya ba byung bar gyur to/ / de las ni rig pa'i mchog gi rdo rje'i tshig 'di 'byung bar gyur to// na maHsarba bud d+ha bo d+hi satwA nA/ oM bi ra dzI bi ra dzI ma hA bai ra

_{iiif viewer powered by OpenSeadragon}

178b - 179b

Texts on this page