| e-texts navigator |
| བོད་ཡིག |
175b1 mdzad par 'gyur ro/ / yid kyi las su bya ba ci 'dod pa la sbyor ba'ang rung rtog pa'i cho ga gzhan nam sngags 'di la rtog pa thams cad kyi tshogs sbyar bar bya'o// dmachog gsum gyi rgyal po las gsungs pa'i cho ga las/ de bzhin gshegs pa'i/
175b2 snying po'i le'u rdzogs s+ho// // yang de'i tshe bcom ldan 'das thams cad kyi mchog ting nge 'dzin gyi rgyal po zhes bya ba la snyoms par zhugs so// snyoms par zhugs ma thag tu sku'i yan lag thams cad las de bzhin gshegs pa'i
175b3 spyod yul thams cad kyi mchog ces bya ba'i rig pa'i rgyal po byung bar gyur to/ / na maHsarba bud d+ha bo d+hi satwa nAM/ A a ma la bkran tA te dzI ni ar dze swA hA// lag na rdo rje 'di ni chos kyi spyod yul mtha' dang dbus med pa'i de bzhin gshes
175b4 pa rnams kyi rig pa mchog thogs pa med pa don yod par grub pa'i rig sngags chen po rtog pa'i sbyor ba rab 'byam yangs pa mtha' med pa sngags kyi sgor zhugs pa'i byang chub sems dpa'i spyad pa spyod pa'i byang chub sems dpa' 'dis/ las rnams gang bag med pa'i sems dang po bskyed pa'i byang chub sems dpa' ni de bzhin gshegs pas byin gyis brlabs pa ma gtogs par spro bar 'gyur ro/
175b5 / mdor bstan na bzlas pa tsam gyis sangs rgyas kyi mdzad pa byed par
175b6 'gyur ro/ / gsang sngags kyi spyod pa rjes su thob pa nas rnam pa sna tshogs pa'i de bzhin gshegs pa'i sku dang / byang chub sems dpa'i sku sems can gyi khams thams cad la yang dag par ston par 'gyur ro// mos pa sna tshogs
175b7 pa rnams la 'tsham par 'khor ba la zlog pa'i phyir sgyu ma mkhan bzhin du thams cad du song ba thams cad la thogs pa med pa'i gsang sngags chen po 'dis sangs rgyas dang / byang chub sems dpa' thams cad kyi bsod nams dang ye shes
175b8 kyi tshogs las byung ba mtha' dang dbus med pa'i de bzhin gshegs pas byin gyis brlabs pa'i stobs dang / dge bas rgyas par byas pa'i sems kyi 'jug pas byin gyis brlabs pas de bzhin gshegs pa rnams kyi gsung gi 'khor lo
iiif viewer powered by OpenSeadragon
Texts on this page
Q134 - dam tshig gsum bkod pa'i rgyal po zhes bya ba'i rgyud