rKTs

e-texts navigator

Volume

Page

172b₁ ma mthong ba thams cad mthong bar 'gyur ro/ / dgon par mchod rten gyi logs la shing rta bris la ji srid zla ba phyed kyi nang du 'gul bar 'gyur ba de srid nyin mtshan bzlas la de la zhon na kun tu 'gro bar 'gyur ro// bab bla blangs te dben pa'i mchod rten
172b₂ nam dgon pa 'am ri la sogs pa la ji srid dngos grub gsum grub par gyur pa de srid du bzlas par bya'o/ / de bzhin du gi wang dang mig sman la sogs pa la bsgrub par bya'o// dge slong gis rtag tu lhung bzed dang chos gos dang mkhar bsil
172b₃ la sogs pa blangs la bzlas pa bya zhing / 'jog pa na bsrung ba byas te bzhag par bya'o// de lta bu la sogs pa'i las su bya ba byed pa na yid la 'dod pa'i cho ga bsgrub pa'am de bzhin gshegs pa thams cad kyi rtog pa'i tshogs bsgrubs na/
172b₄ sangs rgyas bcom ldan 'das kyi snying po 'di 'dod pa phun sum tshogs par byed par 'gyur ro// thogs pa med pa don yod pa'i yid la 'dod pa'i tshogs ji ltar 'dod pa bzhin bsgrub par bya'o// byang chub sems dpa' dang bcas pa'i
172b₅ de bzhin gshegs pa thams cad 'di ltar bdag por khas blangs nas phyag 'tshal ba dang dmigs pa dang bzlas pas sangs rgyas dang byang chub sems dpar bcas pa rjes su dran zhing bzlas pa goms par bya'o/ / gal te dkyil dkrung ma
172b₆ bshig par mtshan mo gcig pu ri la sogs pa dri zhim pa dben pa na dben par 'dug ste/ bzlas pa byed na nyi ma shar ba'i dus kyi che bsnyen pa ma byas par yang rig pa 'dzin pa nges par mtshan gcig gis 'grub po// cog pur 'dug nas byas
172b₇ na gdon mi za bar zla ba phyed kyi nang du lus yongs su 'gyur bar byed do/ / dkyil 'khor me tog la sogs pas mngon par gtor bar byas la// mchod rten la mngon par phyogs pa 'am lugs sku la mngon du phyogs pas sangs rgyas dang byang
172b₈ chub sems dpa' thams cad la bdag 'bul zhing stong phrag brgyad bzlas na dam pa'i chos spong ba dang 'khor ba thog ma med pa'i las kyi sgrib pa rnams spong bar byed do/ / chu bo'i ngogs su mchod rten byas la chu bo de nyid du ske ba nub tsam

_{iiif viewer powered by OpenSeadragon}

172a - 173a

Texts on this page