| e-texts navigator |
| བོད་ཡིག |
281b1 ces bya ba'i snying po 'di smras so// oM/ de nas bcom ldan 'das de bzhin gsheg pa sems can thams cad la 'dul nus pas yang ye shes kyi khu tshur yongs su 'dzin pa sems can thams cad 'dul ba shes pa'i snying po zhes bya
281b2 bshes rab kyi pha rol tu phyin pa'i tshul 'di bshad do// sems can thams cad mnyam pa nyid pas khro ba mnyam pa nyid de // sems can thams cad 'dul ba nyid pas khro ba 'dul ba nyid do// sems can thams cad
281b3 nyid pas khro ba chos nyid do// sems can thams cad rdo rje nyid pas khro ba rdo rje nyid do// de ci'i phyir zhe na/ 'di ltar sems can thams cad 'dul ba ni byang chub bo// de nas byang chub sems dpa' bdud kyi stobs thams cad
281b4 rab tu 'joms pa don de nyid rgya cher ston te/ bzhin rab tu 'dzum zhing rdo rje'i mche ba'i phyag rgya dang / rdo rje gnod sbyin gyi gzugs kyis rdo rje khro bo'i gad mo zhes bya ba'i snying po 'di smras so// ha/ de nas bcom ldan 'das de bzhin
281b5 gshegs pa chos thams cad kyi mnyam pa nyid la gnas pas yang chos thams cad kyi mchog ces bya ba shes rab kyi pha rol tu phyin pa'i tshul 'di bshad do// thams cad mnyam pa nyid pas shes rab kyi pha rol tu phyin pa mnyam
281b6 pa nyid do// thams cad don nyid pas shes rab kyi pha rol tu phyin pa don nyid do// thams cad chos nyid pas shes rab kyi pha rol tu phyin pa chos nyid do// thams cad las nyid pas shes rab kyi pha rol tu phyin pa las nyid du rig par bya'o//
281b7 denas bcom ldan 'das lag na rdo rje de bzhin gshegs pa dang byang chub sems dpa' thams cad kyi don yod pa'i dam tshig gi dkyil 'khor byin gyis rlob pa zhes bya ba'i ting nge 'dzin la snyoms par zhugs nas don yod pa thams
281b8 cad kyi dam tshig ces bya ba'i snying po 'di smras so// hUM/ de nas bcom ldan 'das de bzhin gshegs pa thams cad pa rnam par snang mdzad kyis yang sems can thams cad byin gyis rlob pa zhes bya ba shes rab kyi pha rol tu
iiif viewer powered by OpenSeadragon
Texts on this page
Q121 - 'phags pa shes rab kyi pha rol tu phyin pa'i tshul brgya lnga bcu pa