e-texts navigator
Collection
Volume
Page
བོད་ཡིག

279a1 nas rang gi snying gar stod pa'i tshul gyis 'dzin cing bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so// hUM de nas bcom ldan 'das de bzhin gshegs pa rnam par snang mdzad
279a2 kyis yang de bzhin gshegs pa thams cad kyi zhi ba'i chos nyid mngon par rdzogs par byang chub par sgrub pa zhes bya ba shes rab kyi pha rol tu phyin pa'i tshul 'di bshad do// rdo rje sra ba nyid kyi phyir rdo rje mnyam pa nyid mngon par rdzogs
279a3 par byang chub pa ni byang chub chen po'o// don cig pa'i phyir don gyi mnyam pa nyid mngon par rdzogs par byang chub pa ni byang chub chen po'o// ngo bo nyid kyi rnam par dag pa'i phyir chos kyi mnyam pa nyid mngon par rdzogs par byang chub pa
279a4 ni byang chub chen po'o// thams cad la rnam par mi rtog pa'i phyir thams cad kyi mnyam pa nyid mngon par rdzogs par byang chub pa ni byang chub chen po'o// lag na rdo rje sa la la chos mngon par sgrub pa bzhi po 'di dag nyan pa dang / 'dzin
279a5 pa dang klog pa dang / sgom pa de sdig pa thams cad spyod kyang byang chub kyi snying po la 'dug gi bar du ngan song thams cad las yang dag par 'das par 'gyur ro// myur du bla na med pa yang dag par rdzogs par 'tshang rgya bar yang 'gyur
279a6 ro// de nas de skad ces bka' stsal nas/ bcom ldan 'das ye shes kyi khu tshur yongs su 'dzin pa don gnas 'di nyid rgya cher ston cing bzhin rab tu 'dzum dmyal te chos thams cad kyi mnyam pa nyid kyi snying po 'di smras so// a/
279a7 de nas ma rungs pa thams cad 'dul ba bcom ldan 'das de bzhin gshegs pa shAkya thub pas kyang yang chos thams cad kyi mnyam pa nyid kyis rnam par rgyal ba bsdu ba zhes bya ba shes rab kyi pha rol tu phyin pa sgrub pa 'di bshad
279a8 de/ 'dod chags kyi spros pa med pa nyid kyis zhe sdang gi spros pa med pa nyid do// zhe sdang gi spros pa med pa nyid kyis gti mug gi spros pa med pa nyid do// gti mug gi spros pa med pa nyid kyis chos thams cad spros pa med pa nyid do//



iiif viewer powered by OpenSeadragon

278b - 279b

Texts on this page

Q121 - 'phags pa shes rab kyi pha rol tu phyin pa'i tshul brgya lnga bcu pa