| e-texts navigator |
| བོད་ཡིག |
289a1 de nas 'phags pa lag na rdo rje gos sngon po can la 'khor thams cad kyis gsol pa/ gos sngon po can khyod ci bde gshegs kun gyi sprul pa'am// gal te bsdus pa'i sku yin nam/ las kyi khro
289a2 dbang bskur ram/ / bdag cag 'khor dang bcas pa rnams// ci lta bu yi rus gsum bka' nyan te/ las dang bya ba thams cad bka' stsal mdzod// drag po'i ting nge 'dzin bstan du gsol// zhes gsung so//
289a3 gleng gzhi'i le'u ste dang po'o// // de nas lag na rdo rje drag po zhes bya ba'i ting nge 'dzin du zhugs te 'di skad ces gsungaso// phyag rgya gsang sngags mthu sbyor las// khro bo'i rgyal po bsam par bya// khro bo'i
289a4 rje'i ting 'dzin gyis/ / byin brlabs ya mtshan sna tshogs ldan// ting 'dzin de la dbang thob nas// las rnams sgrub la thogs pa med// zhi rgyas dbang dang drag po dang // gsang rmongs sna tshogs nges par 'grub// de nyid
289a5 grub par gnod mi za/ rang bzhin 'phags dang bla ma dang / shin du bla ma dam pa yang // mchod nas dngos grub myur du 'byung // gal te gzhan la phan 'dogs na// sku de sna tshogs sku ru snang // snang ba sgyu ma'i sku yin
289a6 yang / / gdug pa 'dul phyir rigs par snang // sna tshogs de nyid bsam bral ba'i// dngos bzhi yang dag thar pa gcig/ le'u gnyis pa'o// // gzhan yang gsang sngags sbyor ba ni// da ha bsreg sogs
289a7 gsang sngags kyis/ / thogs med las rnams grub pa yin// gnyis kyi 'og mas gsum pa rgyan// ra yi mtha' ni gsum pa'i mtha'// de la gnyis kyi gong ldan pa// zung dang rab zung ming dang ldan// yang ming
289a8 skal ldan bsam gtan ni/ / lcags kyu'i sbyor ba rab tu bya// oM badz+ra pA Ni ma hA yak+Sha ni lA ma ba ra hU~M phaT// mjug rdzog gong dang gsum pa'i mtha'// lan gnyis gong bzhin bdegs sngags shes// gsum
iiif viewer powered by OpenSeadragon
Texts on this page
Q91 - lag na rdo rje gos sngon po can gyi cho ga rdo rje be con gyi rgyud