rKTs

e-texts navigator

Volume

Page

42a₁ bar mi byed/ brtse bar mi byed/ bstan pa bsrung bar yang mi byed do// de nas srin mo de yi mug mar gyur pa dang / de la nag po chen po dbang du bya bar 'dod pas/ ku ru kul+le'i rtog pa 'di gsungs so//
42a₂ de nas bzung nas skal ba che zhing bzang ba dang ldan par 'gyur ro// rigs kyi bu de'i phyir sems can dbang du bya bar 'dod pas gsang sngags 'di nyid dang / rtog pa 'di nyid la goms par bya'o// gzhan yang shin tu
42a₃ dga' ba'i bu gzugs bzang zhing mdzes pa stobs che zhing mtshan dang ldan pa zhig skyes so/ / 'on kyang blo rdul bar gyur to// de nas shin tu dga' bas bcom ldan 'das la zhu ba zhus pa/ bcom ldan 'das
42a₄ bdag gi bu gzugs bzang zhing mdzes pa stobs che zhing mtshan dang ldan pa zhig skyes par gyur na/ 'on kyang blo brdul bar gyur to// bcom ldan 'das de ji ltar na de'i shes rab 'brel bar 'gyur/ gal te
42a₅ bdag gi bu de yi ge dang bcas par gyur na/ de blta na khyod kyis bstan pa rjes su bsrung bar bgyi'o// de ltar gsan nas bcom ldan 'das kyi dran pa sngon du zhugs nas rtog pa 'di dang gsang sngags 'di
42a₆ bka' stsal to/ / de bka' stsal gyis shin tu dga' ba'i bu gzhon nu sbar ma zhes bya ba 'di shes rab dang ldan par 'gyur ro// lo bcu gnyis kyis bsten bcos thams cad pa 'jigs pa med pa dang / bze'i
42a₇ gnas kyi thabs thams cad la mngon par shes pa dang ldan par gyur to/ / rigs kyi bu de'i phyir shes rab chen po 'phel bar bya ba'i phyir gsang sngags dang / rtog pa 'di la bslab par bya ba yin no// de
42a₈ nas bcom ldan 'das kyis mkha' spyod kyi dngos grub bka' stsal pa/ ro yi skyon dang bral ba yi// dngul chu legs par blangs nas su// rdo rje gtan bshod du byas nas/ 'jig rten mgon dang brtag par bya/

_{iiif viewer powered by OpenSeadragon}

41b - 42b

Texts on this page