| e-texts navigator |
| བོད་ཡིག |
70a1 sdom pa'i rgyud kyi rgyal po rdzog s+ho/ / rgya gar gyi mkhan po gA ya d+ha ra dang / lo tsA ba dge slong shAkya ye shes kyis sgyur cing zhus pa'o// rgya gar skad du/ shrI ma hA ba la dz+nyA na rA dza tan tra rA dzA/ bod skad
70a2 dpal stobs chen ye shes rgyal po'i rgyud kyi rgyal po/ / dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das de kho na nyid btsun mo'i b+ha ga la 'khor
70a3 dpa' bo rdo rje la sogs pa mkha' 'gro ma dang / ma mo'i tshogs kyis bskor te bzhugs pa'i dus su/ dpa' bo rdo rje mkha' 'gro la sogs pas g.yon phyogs su skor ba lan gsum byas nas phyogs gcig
70a4 tu 'khod do/ / dpa' bo rdo rjes bcom ldan 'das la spyi bos gtugs te/ ha ha zhes pa gsum brjod nas bcom ldan 'das la gsol pa/ rtsa ni gang lags rlung gang lags// thig le gang lags grangs ni du// de la
70a5 sems bzung ji ltar lags/ / 'khor lo ji ltar lags pa dang // de yi grangs ni du zhig mchis// rtsa rnams rang bzhin ji ltar lags/ yi ge dgod thabs ji ltar lags// de rnams dbus kyi lte bar ni// yi ge
70a6 dgod pa gang dang gang / / gtum po sbar ba ji ltar lags// zla ba nyi ma ji ltar lags// gnas ni gang du gzung bar bgyi// rkyen gnyis 'khor lo ji ltar lags// go bzlog tshul ni ji ltar lags// gsang pa'i
70a7 'khor lo bzhi gang lags/ / de rnams kyi ni dgongs pa dang // de la dga' sogs ji ltar 'byung // stong pa bcu drug ji ltar lags// sa yi rim pa ji ltar lags// de rnams kyi ni dgongs pa dang // dgos pa'i
70a8 dgongs pa ji ltar lags/ / bcom ldan 'das kyis bka' stsal pa// nyon cig dpa' bo rdo rje khyod// khyod la bshad kyis legs par zung // rtsa rnams kyi ni rang bzhin ni// nam mkha' gnyis med thams cad snyed//
iiif viewer powered by OpenSeadragon
Texts on this page
Q55 - dpal rdo rje grub pa dra ba'i sdom pa'i rgyud kyi rgyal po
Q56 - dpal stobs chen ye shes rgyal po'i rgyud kyi rgyal po