| e-texts navigator |
| བོད་ཡིག |
68a1 rgya gar skad du/ shrI badz+ra sid d+ha dz+wa la saM ba ra ta na tra rA dzA/ bod skad du// dpal rdo rje grub pa dra ba'i sdom pa'i rgyud kyi rgyal po// dpal rdo rje mkha' 'gro la phyag 'tshal lo// 'di skad bdag gis thos
68a2 pa dus gcig na/ bcom ldan 'das dga' ldan gyi gnas rin po che'i khang bzang gi nang na byang chub sems dpa' byams pa dang / dga' ba'i 'od dang dri ma med pa'i 'od la sogs pa dpa' bo dang rnal 'byor ma'i
68a3 'khor dpag tu med pa dang / de bzhin gshegs pa thams cad kyi de kho na btsun mo'i b+ha ga la snyoms par zhugs pa'i dus su rigs sgyu ma'i dbang du mdzad de/ thams cad kyi lha'i phyi nang gsang ba blan med pa'i mchod
68a4 bas mchod pa'i dus su byang chub sems dpa' byams pas bcom ldan 'das kyi zhabs la mgo bos phyag 'tshal te/ thal mo sbyar nas gsol pa// mgon po thugs rje che ldan pa// de nyid don dam gang yin pa//
68a5 dpal dang rdo rje don dang ni// dra ba sdom pa rgyud kyi don// nges bstan don ni gang yin pa// de nyid bdag la bshad du gsol// bcom ldan 'das kyis bka' stsal pa// byams pa la sogs 'khor rnams kun// phyi rol
68a6 don la g.yeng ba'i sems/ / nang du sdus la rtse gcig nyon// dpal ni gnyis med ye shes te// de nyid mchod pa'i 'os yin la// gnyis med bde bas mchod par bya// rdo rje zhes bya ye shes lnga// gzung 'dzin rtog
68a7 pas mi phyed phyir/ / rdo rje zhes ni bstan pa yin// de nyid don la rtse gcig pas// chos sku rdo rje 'chang chen po'i// sa ni nges par thob pa'o// dra ba zhes pa mang po'i don// kun rdzob gzhan rig tu bstan pa// grangs med
68a8 rgya cher bstan pa ni/ / nam mkha' dang mtshungs sdom pa'i don// nam mkha' dang mtshungs rang rig ni// sems kyi de nyid stong pa'i ro// skad cig de'i rgyun nyid la// rgyud ces bya bar bstan pa yin// dpal rdo rje grub pa
iiif viewer powered by OpenSeadragon
Texts on this page
Q55 - dpal rdo rje grub pa dra ba'i sdom pa'i rgyud kyi rgyal po