| e-texts navigator |
| བོད་ཡིག |
23b1 rgya gar skad du/ pa ra ma A di bu d+hod d+hi ta shrI kA la tsakra nA ma tan tra rA dzA// bod skad du/ mchog gi dang po'i sangs rgyas las phyung ba rgyud kyi rgyal po dpal dus kyi 'khor lo zhes bya ba// dpal dus
23b2 kyi 'khor lo la phyag 'tshal lo/ / thams cad mkhyen pa ye shes sku dang nyin mor byed pa'i sku ste pad ma'i 'dab ma rgyas pa'i spyan// sangs rgyas seng ge'i khri la bzhugs lha'i mchog rnams kyis ni btud la rgyal po
23b3 zla ba bzang po yis/ / mgo bos rab tu phyag 'tshal lag pa'i pad ma sbyar ba yan lag mchog la bzhag nas zhus pa ni// rnal 'byor dpal ldan dus 'khor ka phreng ldan pa'i a 'dus su ste mi rnams dgrol
23b4 ba'i don du'o/ / stong pa ye shes kyang ste thig le mchog dang rdo rje 'dzin pa sangs rgyas lha dang lha min yang // phyi dang lus dang gzhan la yang ste rang bzhin rnams dang skyes bu nyi shu lnga pa'i bdag nyid dang // lus la
23b5 sna tshogs tshad dang srid pa gsum gyi bkod pa lha dang lha min rnams kyi longs spyod dang / / dkyil 'khor dang ni dbang ste skabs gsum pa dang mi yi bla ma 'di rnams yang dag bshad du gsol// zla ba bzang po khyod
23b6 la bdag mgu gang zhig khyod kyis dris pa nyid ni rab mchog lha rnams dang / / mi dang srin po lha min klu dang chags bral thub mchog rigs rnams ngag gis shes pa min pas so// mya ngan 'das pa la sogs 'dzin pa'i
23b7 mthar thug tshig gi bgrod pa dang bcas sbyor ba mtha' dag ni/ / lus dbus su ste dkyil 'khor dag dang dbang ni bshad par bya yis mi yi bdag po bzang po nyon// dus kyis stong pa rnams las rlung dang 'bar byed chu
23b8 dang 'dzin ma gling dang ri bo rgya mtsho dang / / rgyu skar dang ni nyi zla skar ma gza' yi tshogs dang drang srong lha dang 'byung po klu rnams dang // dud 'gro skye gnas rnam pa bzhi dang / sna tshogs sa dang 'og tu mi rnams dang ni dmyal ba yang
iiif viewer powered by OpenSeadragon
Texts on this page
Q4 - mchog gi dang po'i sangs rgyas las phyung ba rgyud kyi rgyal po dpal dus kyi 'khor lo zhes bya ba