rKTs

e-texts navigator

Page

183b₁ sa ga la ba der gshegs te byon nas// dge slong gi dge 'dun gi gung la/ bdan bshams pa de nyid la bzhugs so// de nas yangs pa can gyi tshong pa rab tu mang po dag gyis/ bcom ldan 'das kyi zhabs la mgo bos
183b₂ phyag 'tshal te/ phyogs gcig tu 'khod pa dang / bcom ldan 'das kyis yangs can gyi tshong pa rab tu mang po phyogs gcig tu 'khod pa dag la 'di skad ces bka' stsal da to// tshong pa dag gal te khyed cag dgon par song ba na
183b₃ 'jigs pa 'am/ bag tsha ba 'am/ spu zing zhes byed pa skye bar gyur pa na/ de'i tshe khyed kyis 'di ltar bcom ldan 'das 'di ni/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su
183b₄ ldan pa/ bde bar gshegs pa/ 'jig rten mkhyend pa/ skyes bu 'dul ba'i kha lo sgyur ba/ bla na myed pa/ lha dang myi rnams kyi ston pa/ sangs rgyas bcom ldan 'das yin no zhes pa rnam pa las yang dag par rjes su dran par
183b₅ gyis shig/ tshong pa dag de'i tshe khyod kyis nga rnam pa las yang dag/ bar rjes su dran par byas na/ 'jigs pa 'am/ bag tsha ba 'a// ma/ spu zing zhes byed pa 'byung bar 'gyur ba yin pa de myed par 'gyur
183b₆ ro// gal te nga myi dran na yang bcom ldan 'das kyis chos ni legs par gsungs pa/ yang dag par mthong ba// nad myed pa/ dus chad pa myed pa/ nye bar gtod pa 'di mthong la yod pa/ mkhas pa
183b₇ rnams kyis rang gis rig par bya ba ma yin no zhes chos rnam pa las yang dag par rjes su dran par gyis shig/ tshong pa dag de'i tshe khyed kyis chos rnam pa las yang dag par rjes su dran par byas nas// 'jigs pa 'am/
183b₈ bag tsha ba'am/ spu zing zhes byed pa 'byung bar 'gyur ba gang yin pa de myed par 'gyur ro// gal te chos myi dran na yang bcom ldan 'das kyi nyan thos kyi dge 'dun ni legs par zhugs pa drang por zhugs pa/ mthun par
183b₉ zhugs pa/ chos kyi rjes su mthun pa'i chos la zhugs pa/ chos kyi rjes su mthun par spyod pa ste/ dge 'dun la rgyun tu zhugs pa'i 'bras bu mngon gsum du bya ba'i phyir zhugs pa dag kyang yod do// dge 'dun la

_{iiif viewer powered by OpenSeadragon}

183a - 184a

Texts on this page