rKTs

e-texts navigator

Page

110a₁ rgya ga skad du/ a n+ya dam ma a nA bi n+ya yan na ma la ga ya na suH/ bod skad du/ 'phags pa chos dang do rngam par byed pa zhes bya ba'i theg pa chen po'i mdo// sangs rgyas dang / byang chub
110a₂ sems dpa' thams cad la phyag 'tshal lo// 'di skad bdag gis thos po'i dus cig na/ bcom ldan 'das mnyan du yod pa na/ rgyal bu rgyal byed kyi 'tshal 'gon myed zas sbyin gyi kun dga' ra ba na dge slong gi
110a₃ dge 'dun chen po dang thabs gcig go// de nas bcom ldan 'das kyis byang chub sems dpa' sems dpa' chen po rgyal bas dga' la bka' stsal pa/ rigs kyi bu sngon byung ba 'das pa'i dus skal pa grangs myed pa'i
110a₄ yang ches grangs myed cing tshad myed par gyur pa de'i tshe de'i dus na/ 'jig rten gi khams mye tog gyi 'byung gnas zhes bya ba/ 'byor da pa rgyas pa/ bde ba lo legs pa/ nyams dga' ba/ skye bo yang
110a₅ po dang myi rnams kyis gang ba lag mthil ltar mnyam par gyurang pa zhig byung ngo // rigs kyi bu 'jig rten gyi khams me tog gi 'byung nas de na/ de bzhin gshegs pa dgra bcom pa yang dag
110a₆ par rdzogs pa'i sangs rgyas me tog las byung ba zhes bya ba da ltar yang bzhugs te/ 'tsho zhing bzhes la 'khor rnam pa bzhi dang / lha dang / klu dang / gnod sbyin dang / dri za dang / lha ma yin dang / nam
110a₇ mkha'i lding dang / myi 'am ci dang / lto 'phye chen po dang / myi dang myi ma yin pa rnams la chos kyang stond to// rigs kyi bu 'jig rten gau khams me tog gi 'byung nas de na/ mye'i dbang po 'khor los bsgyur ba'i rgyal po stong
110a₈ gsum gi stong chen po'i 'jig rten gi khams la dbang byed pa/ rgyal ba thob pa zhes bya ba zhig byung ngo // rigs kyi bu rgyal po rgyal ba thob pa de'i tshig rab la/ sems can de dag bde zhing yid bde ba skyes la/ dge ba bcu'i las
110a₉ kyi lam dang ldan zhing / bdag gi chung mas mngon par dga'o// sems can de dag thams cad kyang theg pa gcig la yang dag par zhugs pa sha stag ste/ 'di lta ste theg pa chen po la yang dag par zhugs pa theg pa mchog

_{iiif viewer powered by OpenSeadragon}

109b - 110b

Texts on this page