rKTs

e-texts navigator

Page

136a₁ kun nas gnas// kun gzhi de phyir 'byung ba ste// bag chags rnams kyi ri khrod gnas// yid kyi gnas ngan len gis g.yogs// yid kyi rnam shes pyod pa yis// yid ni phyin logs rgyas par byas// rnam shes
136a₂ lnga po yul can dag/ 'byung zhing phyir yang ldog pa yin// rnam shes lnga'i yul rnams ni// sems can bzhin gnas lus can la// kun gzhir grags pa'i chu klung las// dpa' rlab bzhin du rab tu 'byung // nam shes kun gzhi
136a₃ mtshor gnas pa// bag chags rnams kyis brnyogs pa'i rnams// yul gyi rlung gis bskyod pa dag/ rnam par rgyun chad myed par rgyu// chos la bdag myed mkhas pa yi// sangs rgyas rnams dang sangs rgyas sras// bde bar
136a₄ gshegs pa'i gnas thob ste// mngon sangs rgyas kyis chos ston to// phung po gang zag bdag myed par// rab tu rnam phye mthong bar mi// chos kyi dngos yod ma bshig par// nyan thos de dag mngon rtogs 'gyur//
136a₅ bdag myed gnyis la mkhas pa nyid// rgyal ba'i sras rnams sko/ bar byed// rnam par bsgoms shing spong ba ni// tshul bshad bzhi/ na du yang dag mtha'// yang dag mtha'i bde myong zhing // snying rje
136a₆ myed pa'i sras rnams ni// sems can dgos pa'i rgyun bcad pas de dag sangs rgyas myi 'tho'o// bsam yas kye ma ye shes 'di// sems can rnams kyi bde ba skyed// mkhyen cing rgyal ba rgyal sras
136a₇ rnams// blo chung rnams la tshul ston to// ji ltar 'dam las byung ba yi// dgeg pa'i mtshan ldan pad mo dag/ thub pa rnams dang lha dag gi// nye ba'i longs 'apyod rgyu yin no// de bzhin 'khor ba'i 'dam mtsho las//
136a₈ rgyal ba'i sras rnams 'byung ba ni// sangs rgyas dri myed rab rnyed cing // lha la yid du 'ong ba yin// byang chub sems dpa' myi rnams dang // lha'i khrod du khyad par du// rgyal po'i zhu mchog 'gyur ba ste// 'khor lo can du khyad par
136a₉ du'o// lnga yul gnas pa'i bdag po dang // dri za rnams kyi de bzhin te// theg chen yon tan ldan pa yi// lus can rnams kyis rtag tu 'thob// de phyir rgyal ba'i sras rnams kyis// theg pa che la brtson par gyis//

_{iiif viewer powered by OpenSeadragon}

135b - 136b

Texts on this page