rKTs

e-texts navigator

Volume

Page

299b₁ 'grogs pa dang /yongs su mi 'dri ba dang mi 'thun pa'i lung dang lug ltar lkug pa nyid dang sred pa can nyid dang bya ba mang ba nyid dang las kyi mtha' nyes par byas pa nyid dang /
299b₂ brtson pa btang ba nyid dang bar du gcod pa rnams thos na nyam nga ba dang /khengs pa dang mi mthun par 'dzin pa nyid dang brjed nges pa nyid dang bag med pa dang yul du mi gnas
299b₃ pa dang dbang po rnams kyi sgro ma bsrungs pa nyid dang zas kyi tshod mi rig pa nyid dang /nam gyi cha stad dang nam gyi cha smad la mi nyal bar sbyor ba'i rjes su mi brtson pa nyid nga dben pa la
299b₄ mngon par mi dga' dang ji lta ba bzhin la so sor mi rtog pa'o//tshe dang ldan pa dag bar du gcod pa ma bcom pa de dag yang dag por 'joms par 'gyur ba'i gces spras
299b₅ byed pa'i chos ni bcu gcig ste/'di lta ste/'dun pa 'thob pa dang phan yon mthong ba nyid dang mngon par smra ba nyid dang /rnam par 'gyed pa dang rgyal ba dang chos
299b₆ rnams kyi mtshan ma'i rjes su 'brang ba dang bdag la mi brnya spa dang gus par nyan pa dang yongs su 'dri ba dang dben pa la mngon par dga' ba dang ji lta ba bzhin la so sor rtog pa'o//
299b₇ tshe dang ldan pa dag 'phags pa nyan thos de ltar yang dag par tshul bzhin yid la byed pa'i bdag nyid kyi gces spras byed pa'i chos nyi shu ste/'di lta ste/brtson pa drang

_{iiif viewer powered by OpenSeadragon}

299a - 300a

Texts on this page