rKTs

e-texts navigator

Volume

Page

99b₁ tshad du 'gyur ro/ /'dir nyin zhag so so la rtsa gsum gyi dbugs brgya phrag bcu drug lhag pa'i khri phrag gnyis kyi grangs la lo brgya'i nyin zhag gis bsgyur ba ni 'bum phrag bdun bcu rtsa drug lhag pa'i bye ba phrag bdun bcu rtsa bdun du 'gyur ro/ /de dag
99b₂ las sum bcu rtsa gnyis kyi chas thob pa 'bum phrag bzhi bcu rtsa gsum lhag pa'i bye ba phrag gnyis kyi grangs ni dbu ma a ba d+hU tI'i dbugs su 'gyur ro/ /lhag ma 'bum phrag sum bcu rtsa gsum lhag pa'i bye ba phrag bdun bcu rtsa lnga ni la la nA
99b₃ dang ra sa nA dag gi dkyil 'khor lnga las 'bab ste cha mnyam par gyur pa las g.yon dang g.yas nas phyed la la nA nas 'bab cing phyed ra sa nA nas 'bab ste lo brgya'i 'tshams kyi'o/ /stong dus me yis rab tu phye ba dag ni chu tshod du 'gyur zhes pa ni
99b₄ dbugs kyi phung po de las sum brgya drug bcus rab tu phye ba'i rnyed pa ni chu tshod kyi phung por 'gyur ro/ /drug bcu'i cha yis nyin zhag kyang zhes pa ni chu tshod kyi phung po de las drug bcu'i chas thob pa ni nyin zhag gi tshogs su 'gyur te stong phrag sum bcu rtsa drug
99b₅ las dbu ma'i nyi shu rtsa lnga lhag pa'i brgya phrag bcu gcig gi grangs so/ /lhag ma'i nyin zhag gi tshogs brgya phrag bzhi bcu rtsa brgyad dang bdun bcu rtsa lnga lhag pa'i khri phrag gsum ni la la nA dang ra sa nA dag gi lo brgya'i 'tshams kyi yin par rig par bya'o/ /
99b₆ da ni gza' brgyad kyi lo brgya'i tshad 'khor lo phyed dang bcas pa la longs spyod pa'i phyir gcig tu bsdus pa nyid kyis dus kyi 'khor lo dang bral ba gsungs pa zla ba'i phyogs zhes pa la sogs pa ste/ zla ba'i phyogs te zhes pa ni zla ba'i phyogs gcig dbyug gu sum
99b₇ bcu'i bdag nyid kyi mtshan mor 'gyur te khyim gyi 'khor lo phyed la nye bar longs spyod pa'i phyir ro/ /nyi ma'i bgrod pa zhes pa ni nyi ma'i bgrod pa nyid nyin mtshan phyed du 'gyur te 'khor lo phyed la nye bar longs spyod pa'i phyir ro/ /sa skyes zla ba dgu rnams
99b₈ dag gi mtshan mo'o zhes pa ni byed pa brjod par 'dod pas so/ /de bzhin du bla ma'i lo drug tu 'gyur ro/ /nyi ma'i ji lta ba de bzhin du pa sangs kyi yang bgrod pa ste zla skyes gza' lag gi yang bgrod pa'o/ /chos zhes bya ba'i lo ni ste lo bcwa lnga ni spen
99b₉ gang yin pa de'i yi ge dang pos de gzung bar rig par bya ste gnas skabs kyi dbang gis so/ /dper na sen d+ha pa khyer la shog ces brjod pa na khrus la gos dang zas la lan tshwa dang 'gro ba la rta dang g.yul la ral gri'o zhes
99b₁₀ pa'i rigs pas dang po'i yi ge'i brda yis dngos po'i chos thams cad rig par bya'o/ /tshogs kyi 'khor lo la sogs pa la dam tshig dang mi ldan pa'i sems can gyi nang du rnal 'byor pa 'am rnal 'byor mas dgongs
99b₁₁ pa'i skad gzhan nam brdas brjod par bya'o zhes pa ni thams cad du nges pa'o/ /da ni slob ma rnams kyi sbyin pa'i don du rang gi lus la sogs pa'i cha'i nges pa gsungs pa drug cha zhes pa la sogs pa ste 'dir gang gi tshe rdo rje
99b₁₂ slob dpon gyis khyim pa'am dge tshul lam dge slong la dbang bskur ba na des dam bca' ba 'di bya ste bdag gis dus thams cad du dngos po thams cad kyi drug cha sbyin par dbul bar bya'o zhes pa nges pa'o/ /de la dang
99b₁₃ p or re shig drug cha lus kyi nang nas lag pa rkang pa lus dag las zhes pa lag pa gnyis dang rkang pa gnyis dang lus te lnga po 'di rnams kyi nang nas drug pa yan lag mchog ni slob dpon la phyag btsal ba'i don du
99b₁₄ sbyin par rab tu dbul bar bya'o/ /sangs rgyas dang byang chub sems dpa' dang ldan pa'i bla ma la de phul na mchog gi phyag rgya rjes su rig pas 'bul ba po ni bde ba'i go 'phang thob par 'gyur ro/ /de bzhin du las
99b₁₅ k yi dbang po rnams kyi nang nas ngag dbul bar bya ste lag pa dang rkang pa dang bshang lam dang b+ha ga la sogs pa'i dbang po rnams las drug pa ngag gi dbang po ni bden par smra ba'i don du ngag dbul bar bya'o zhes pa bcom ldan
99b₁₆ 'das kyi nges pa'o/ /de bzhin du mig dang rna ba dang sna dang lce dang lus kyi dbang po rnams kyi nang nas drug pa yid te yon tan dang bcas g.yo sgyu'i spros pa dang bral ba sems can gyi don du dbul bar bya ste sbyin pa'i
99b₁₇ rkang la sa sde ste lugs las bzlog pas so/ /de ltar rkang gi mthar rtsibs bcu pa'i 'khor lo sum bcu rnams so/ /de nas rtsibs drug pa rnams te shar gyi rtsibs la la dang lhor laHdang byang du laM dang nub tu lA dang
99b₁₈ 'og tu lAHdang steng du lAM ste srog la sogs pa'i rtsa rnams la'o/ /de bzhin du wa ra ya ha'o/ /de bzhin du rdul la shar du al dang lhor alaHdang byang du a laM dang nub tu Al dang 'og tu AlaHdang steng du A laM ngo / /de bzhin du o
99b₁₉ ar e a'o/ /khu ba'i khams la bsrung ba ni shar du l-i dang lhor l-iHdang byang du l-iM dang nub tu l-i dang 'og tu l-IHdang steng du l-iM ste de bzhin du u r-i i a'o/ /ba spu la sogs pa khu ba'i mthar thug pa khams dgu rnams
99b₂₀ so/ /de nas zla ba'i dbus su rnam par shes pa'i khams te du ba la sogs pa stong pa rnams kyis bskor ba'o zhes pa'i don to/ /de la yul lnga'i stong pa dang yon tan gsum gyi stong pa ni du ba la sogs pa ste de nas
99b₂₁ cha dang thig le mthong ba dang de nas gzugs mthong ba'o zhes pa'i don to/ /de ltar nyi ma la gnas gtso bo mchog gi ri bong can gyi cha ni bcu drug pa ste de yis 'khyud par gyur pa dus thams cad du sna tshogs
99b₂₂ gzugs ni rnam pa thams cad pa nyid kyi phyir ro/ /lha mo zhes pa ni khams rnams te sangs rgyas zhes pa ni phung po rnams so/ /de rnams cis khyad par du 'phags zhe na 'chi med rnams te skye ba dang rga ba dang 'chi ba dang bral ba
99b₂₃ rnams dang yul dang yul can rnams dang sgra gcan dang zla ba dang nyi ma rnams kyis phyag 'os pa ste mi 'gyur ba'i bde ba chen po bcom ldan 'das dus kyi 'khor lo'o/ /'di'i rjes la tshigs su bcad pa bzhi ni go sla'o/ /
99b₂₄ da ni rdo rje'i dbugs la gza'i rgyu ba 'jug pa gsungs pa gtso bo'i zhes pa la sogs pa ste 'dir phyi rol la ji lta ba de bzhin du nang la'o zhes pa'i rigs pas phyi rol du nus pa'i dbugs ni lo'i chos so/ /

_{iiif viewer powered by OpenSeadragon}

99a - 100a

Texts on this page