rKTs

e-texts navigator

Volume

Page

98a₁ yud tsam ni thun tshod phyed kyi phyed kyis 'khor ro/ /chu tshod ni chu srang drug bcus 'khor ro/ /chu srang so so ni dbugs drug gis 'khor te/ de ltar na nyin mtshan du lus can rnams kyi dbugs kyi dbye ba dang dus sbyor gyi dbye bas dus rnams
98a₂ 'khor zhing bgrod do/ /da ni lhun po'i phyogs thams cad du nyi ma 'khor ba'i tshad gsungs pa chu tshod dus la dpag tshad stong phrag drug ni rkang pa dang bcas nyin mor byed pa 'gro ba ste zhes pa ste chu tshod dus la zhes pa ni dbugs sum brgya drug bcu'i grangs kyi dus
98a₃ la'o/ /drug ni rkang pa dang bcas zhes pa ni dpag tshad nyis brgya lnga bcu lhag pa'i stong phrag drug ste khyim la gnas pa'i nyin mor byed pa 'di nam mkha' la 'gro ba'o/ /de'i phyir 'khor ba'i shugs 'di ni khyim gyi yin gyi gzhi la gnas pa'i nyi ma yin ni ma yin
98a₄ no/ /'dir khyim gyi 'khor lo ni g.yas skor gyis 'khor te gza' rnams ni khyim dag la g.yas min gyis rgyu'o/ /ji ltar khyim gyi 'khor lo 'khor ba de bzhin du sgra gcan yang nub tu mngon par phyogs nas ri rab la g.yas skor byed cing yang dag par rgyu'o/ /
98a₅ shar du phyogs pa'i gza' rnams ni lhun po la g.yas min tu skor ba byed cing khyim gyi 'khor lo la yang dag par bgrod par byed do/ /de ltar na don dam pa'i rigs pas sgra gcan ni bsod nams dang ldan pa yin zhing nyi ma la sogs pa rnams ni gdug pa ste sdig pa'i gzar
98a₆ brjod do/ /drug bcu la ni me 'bum dag dang zhes pa ni chu tshod drug bcu'i dus kyi yun la ste dbugs drug brgya lhag pa'i stong phrag nyi shu rtsa gcig gi grangs kyi dus la'o/ /me 'bum ste 'bum phrag gsum dang lnga dang ri bo'i pa stong phrag bdun bcu rtsa lnga'i dpag tshad gyi grangs
98a₇ 'khor te nyin dang mtshan mo dag tu zhes pa ni nyin mtshan du'o/ /nyin dang mtshan mor 'go la phyed la mkha' me chu tshod bgrod te zhes pa ni 'dir nyin mtshan mnyam pa'i 'pho ba'i nyin zhag la lngar brjod pa'i 'go la'i ri mo las mkha' me ste sum bcu'i chu tshod nyi
98a₈ mas nyin mo bgrod cing sum bcu'i chu tshod mtshan mo bgrod de nyin mtshan mnyam mo zhes pa'i don to/ /'go la dag la g.yas dang ni g.yas min dag tu 'grib dang 'phel ba lnga ste zhes pa ni 'go la'i phyed de las g.yas dang g.yas min dag tu ste g.yas su zla ba
98a₉ phyag gi mtshan ma gang yin pa de'i rang bzhin ni phyag rgya rnams so/ /de las kyang phan tshun du phyag rgya dang phyag rgya'i lan te rdo rje dang rdo rje dril bu dag dang ral gri dang phub dag dang rtse gsum dang kha T+wA~M ga dag dang gri gug
98a₁₀ d ang thod pa dag dang mda' dang gzhu dag dang lcags kyu dang zhags pa dag dang Da ma ru dang rin po che dag dang tho ba dang pad ma dag dang 'khor lo dang dung dag dang mdung dang me long dag dang dbyug pa dang lcags sgrog dag dang dgra sta
98a₁₁ d ang tshangs pa'i mgo dag dang glang po che'i lpags pa dang sdigs 'dzub dag dang dbu rgyan dang rna rgyan dag dang mgul rgyan dang lag gdub dag dang ske rags dang rkang gdub dag dang rwa can dang sen mo can dag dang klu dang mkha' lding
98a₁₂ d ag dang lag pa dang rkang pa dag dang kha dang bshang lam dag dang b+ha ga dang rtags dag dang nu ma dang mchu dag dang mig dang smin ma dag dang thig le dang mig sman dag dang rab tu khro ba dang gtsug pud dgrol ba dag dang pus mo dang brla dag
98a₁₃ dang mgrin pa dang dpral ba dag dang lte ba dang snying kha dag dang skra 'tshams dang sin d+'u ra dag dang mche ba dang mthe chung dag dang mthe bo dang ming med dag dang 'dzub mo dang gung mo dag go/ de ltar phyag rgya du ma bstan pa na phyag rgya'i
98a₁₄ lan du mar 'gyur te shes rab dang thabs kyi chos dang sa la sogs pa'i de nyid kyi dbye bas thams cad du rnal 'byor pas rig par bya'o zhes pa ni nges pa'o/ ! /da ni sgeg pa la sogs pa'i phyag rgya mtha' yas pa rnams
98a₁₅ te de rnams kyi rang bzhin shes nas de rnams thams cad rig par bya'o/ /'di lta ste/ sgeg pa'i sbyor ba yis ni sgeg par 'gyur ste mi yi bdag po bzhad pa'i sbyor bas bzhad pa'o/ /gar gyi sbyor ba yis ni gar du
98a₁₆ 'gyur te rnam pa mang po'i rol mo'i sbyor bas rol mo'o/ /glu yi sbyor ba yis ni glu ste mchog gi yon tan rnam mang dri yi sbyor ba dag gis dri/ /phreng ba'i sbyor ba yis ni phreng bar 'gyur te yon tan dbang gis spos kyi
98a₁₇ snying stobs dang rdul dang mun pa'i rang bzhin de rnams so sor yul lnga'i yon tan gyi dbye bas re re la rnam pa lngar 'gyur te des na tshes zhes bya ba zhes pa bcwa lnga'o/ /de rnams slar yang lus dang
98a₁₈ ngag dang sems kyi dbye bas sum 'gyur ni 'byung ba chu gter grangs 'gyur zhes pa bzhi bcu rtsa lnga'o/ /slar yang de nas rgyu ba'i dbye ba rnams kyis bsnun pa de dag rnams zhes pa ni zla ba dang nyi ma'i rgyu ba rnam pa
98a₁₉ bzhi ste myur ba dang dal ba dang 'khyog po dang 'byung ba'i rkang pa rnams kyi nor 'phel ba dang 'grib pa dang bu lon 'phel ba dang 'grib pa'i dbye bas so/ /bzhi po rnams kyis bsnun pa rnams ni chu tshod phyed kyi dbugs kyi grangs
98a₂₀ zhes pa brgya brgyad bcu'i grangs so/ /slar yang nyis 'gyur rnams ni dbugs kyi grangs te chu tshod kyi dbugs kyi grangs sum brgya drug bcu rnams su 'gyur te shes rab dang thabs kyi rang bzhin las so/ /chu tshod gcig
98a₂₁ po de ni byis pa'i g.yon nam g.yas nas dkyil 'khor gcig 'bab par byed pa'o/ /de nas gnyis pa dang gsum pa ste gnyis gsum chu gter mda' zhes pa la sogs pa bcu rnams kyis dus kyi rtsa dbu ma
98a₂₂ 'phel bar 'gyur te dkyil 'khor bcu 'bab pa ni g.yon dang g.yas su 'phel bas zhag gcig la dkyil 'khor drug bcu'i bar du'o/ /'tshams de nas sde yi rab dbye rnams kyis zhes pa ka yig la sogs
98a₂₃ p a'i sde pa rnams dang chu srin la sogs pa'i dus sbyor sngar brjod pa rnams kyis rnam gnyis lam la gnas pa dus kyi rtsa ni 'jig rten gsum zhes pa lus na kun nas gang bar byed de rtsa stong phrag bdun
98a₂₄ bcu rtsa gnyis po gang bar byed do/ /bde mnyam 'bras bu ster ba gang yin pa de ni zla ba nyi ma'i rab tu rgyu ba las zhes pa la la nA dang ra sa nA'i rab tu rgyu ba las te dkyil 'khor lnga 'bab pa las so/ /dbugs 'byung

_{iiif viewer powered by OpenSeadragon}

97b - 98b

Texts on this page