| e-texts navigator |
| བོད་ཡིག |
97b1 da ni dum bu bcu gnyis la gnas pa rnams kyi lhun po'i gnas pa gsungs pa ri'i rgyal po dag ni skye bo thams cad kyi yang byang na gnas par 'gyur ro mi yi bdag ces pa ste 'dir ri'i rgyal po lhun po ni dum bu bcu gnyis la gnas pa'i skye bo rnams kyi byang du 'gyur ro/ /
97b2 nyi ma 'char ba shar du 'gyur te zhes pa ni lhun po'i dum bu thams cad la gnas pa kun gyi gang nas nyi ma 'char ba de ni shar gyi phyogs su 'gyur te lho 'dzam bu'i gling la gnas pa rnams kyi shar lus 'phags po shar gyi phyogs so/ /nub ba lang spyod pa rnams kyi lho 'dzam bu'i gling
97b3 shar gyi phyogs so/ /byang sgra mi snyan na gnas pa rnams kyi nub ba lang spyod shar gyi phyogs so/ /shar lus 'phags po na gnas pa rnams kyi byang sgra mi snyan shar gyi phyogs te nyi ma 'khor zhing 'char ba'i dbang gis so/ /de bzhin du zur na gnas pa brgyad po rnams la shes
97b4 par bya ste dum bu so sor dbyug gu lnga lnga'i bar gyis nyi ma 'char bar 'gyur ro/ /ri dang mnyam pa bgrod pa dag dang zhes pa ni dum bu so sor ri dang mnyam pa lhun po la mngon du phyogs par nyi ma bgrod pa ni byang dang lho dag go/ de ni nub pa nub/ de bzhin du dum bu bcu
97b5 gnyis su ji ltar 'char ba shar yin pa de bzhin du de nub pa ni nub tu rig par bya'o/ /dus ni gsum ste snga dro dang nyin gung dang phyi 'phred do/ /thun 'tshams ni bzhi ste mtshan phyed kyi thun 'tshams dang / snga dro'i thun 'tshams dang / nyin gung gi thun 'tshams dang /
97b6 phyi 'bred kyi thun 'tshams so/ /thun tshod ni brgyad te nyin mo la bzhi dang mtshan mo la bzhi'o/ /nyin mo dang mtshan mo dus kun tu ni yang dag rgyu ba rnams/ de ltar dus la sogs pa rnams nyin mtshan dus thams cad du yang dag par rgyu ba ni dum bu nas dum bur lhun
97b7 po'i phyogs rnams su 'khor ro/ /rab gsal nyi ma'i sa la zhes pa ni rtsibs bcu gnyis pa'i sa la'o/ /dus sbyor dbye bas phye bar gyur pa zhes pa la dus sbyor ni bcu gnyis te de dag gi dbye bas phye bar gyur pa'i dus la sogs pa rnams 'khor te dus ni dus
97b8 sbyor bzhi bzhis 'khor ro/ /thun 'tshams so so ni dus sbyor gsum gyis 'khor ro/ /thun tshod so so ni dus sbyor phyed dang gnyis kyis 'khor ro/ /de bzhin du dus sbyor so so ni dbyug gu lngas 'khor ro/ /thun tshod phyed ni thun tshod phyed kyi 'khor ro/ /
97b9 dgongs pa'o/ /de bzhin du 'dzub mo lcags kyu'i rnam pas phan tshun bcings par gyur na rdo rje'i grogs po khyod ni de ring 'jigs pa 'phrog par byed ces pa ste de ltar dam tshig 'dus pa'i phyag rgya nges pa'o/ /da ni skra zhes pa
97b10 l a sogs pas shin tu khros pa rnams kyi phyag rgya gsungs pa 'dir gang gi tshe sgrub pa po log pa'i nga rgyal gyis brnyas pa byed dam nus pa dang ldan pa ma gtogs par phyag rgya'i lan ston par byed na de'i tshe nus pa
97b11 dang ldan pa rang gi skra rnams rang gi sos gcod par byed te de ltar skra ni rang gi so yir gcod par byed par gyur na phyag rgyas kye mi yi phyugs khyod bdag gis 'dir ni ltung bar bya zhes pa 'di brjod pa'o/ /de bzhin du so la
97b12 sos phan tshun 'dar bar byed ste de 'dar bar gyur na kye mi yi phyugs khyod kyi sha ni 'di dag de ring bdag gis bza' bar bya zhes pa 'di brjod pa'o/ /de bzhin du lce mchu g.yo bar byed par gyur na khyod kyi lus las khrag ni
97b13 btung bar bya'o zhes rjod par byed do/ /de bzhin du mchu la so yis 'debs par byed na khyod kyi rgyu ma lto bar gnas 'di bdag gis bza' bar bya kye mi yi phyugs khyod gang du 'gro zhes brjod par byed pa ste khros par
97b14 g yur pa phyag rgya ston par byed na nus pa dang phral ba des phyag rgya'i lan bstan par mi bya zhing de rnams la phyag byas nas snying khar lag pa g.yon pa'i 'thil bzhag la rang gi lus g.yon skor gyis yongs su bskor zhing
97b15 de nas lag pa g.yon pas steng du phyag byas nas 'gro bar bya ste de rnams dang lhan cig rtsod par mi bya'o/ /byis pa'i rnal 'byor pa rnams la nges pa gang byin pa de des bya'o rnam pa gzhan du na 'chi ba 'thob ste khros
97b16 pa'i pho nya mo nus pa dang ldan pa'o zhes pa ni bcom ldan 'das kyi nges pa'o/ /ra ni phan tshun phyag rgya bstan pa la lan gyi mtshan nyid gsungs te 'dir bcom ldan 'das dus kyi 'khor lo'i g.yon pa dang g.yas pa'i
97b17 bya'o/ /de bzhin du bsad pa la nag po'i zhal te ri bo la'o zhes pa mtshan mo phyed nas thun tshod bdun pa la'o/ /bskrad la nag dang dkar 'dir klu la zhes pa thun tshod brgyad pa la mtshan mo'i mtha' nas nyi ma 'char ba'i
97b18 mthar thug pa'o/ /de ltar gang gi tshe bcom ldan 'das dus kyi 'khor lo thun tshod 'khor ba'i dbye bas zhal brgyad pa yin pa de'i tshe thun 'tshams bzhi'i dbye bas zhabs bzhi dang thun phyed kyi dbye bas phyag bcu drug tu 'gyur ro zhes
97b19 grub bo/ /de ltar phyag gi dbye bas nyin mo la las brgyad po rnams dang mtshan mo la yang ste thun phyed kyi dbye bas so zhes pa ni nges pa'o/ /thun 'tshams bzhi'i dbye bas las bzhi ste snga dro'i thun 'tshams la zhi ba'o/ /
97b20 nyi ma gung la rengs pa dang nyi ma nub pa la dgug pa dang mtshan mo phyed la bsad pa'o/ /'dir yang zhal brgyad pa'i shes rab ni phyag gnyis ma ste snga dro dang phyi dro'i thun 'tshams ni zhabs gnyis so/ /nyi ma gung dang
97b21 mtshan mo phyed ni phyag gnyis so/ /nyin mtshan mtha' dag ni zhal lo zhes pa las bsgrub pa la sgom pa'i nges pa'o/ / /tshigs su bcad pa 'di nas tshigs su bcad pa gnyis pa gang yin pa ni go sla'o/ /
97b22 da ni byis pa skyes pa'i dbugs kyi mtshan nyid gsungs pa dang po zhes pa la sogs pa ste 'dir byis pa skyes pa'i dang po'i dbugs thog ma gang yin pa de ni yon tan med pa'i bdag nyid ces pa snying stobs la sogs pa
97b23 dang dri la sogs pa'i yon tan dang bral ba ste de'i chos la ma zhugs pa'i phyir ro/ /de nas rnam gsum yon tan dbang gis zhes pa snying stobs kyi dbang gis dbugs gnyis pa 'byung ngo / /rdu pa gyi dbang gis
97b24 gsum pa ste mun pa'i dbang gis bzhi pa'o/ /de rnams las snga ma yon tan med pa gzung bar mi bya'o/ /de dang lhan cig gsum gyi grangs su bgrang bar bya ste khyab par byed pa yin pa'i phyir ro/ /slar yang
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba