rKTs

e-texts navigator

Volume

Page

96b₁ dum bu bcu gnyis su dus drug dang zla ba bcu gnyis dang phyogs nyi shu rtsa bzhi byed te khyim gyi 'khor lo 'khor ba'i dbang gis so/ /'dir lhun po'i phyogs kyi cha thams cad du khyim gyi 'khor lo 'khor ba'i dbang gis me la reg pa gang yin pa de ni bdun
96b₂ pa'i phyogs thob pa na lhun po'i rwa la reg cing gangs gyi ri'i steng du 'gro'o zhes pa'i rigs pas nyi ma khyim so sor gnas pa'i dus kyi tshogs la sogs pa mtha' dag ste thams cad rig par bya'o/ /dum bu dum bu dag tu zla bar 'gyur te sa
96b₃ gzhi bcu gnyis rtsibs rnams la ni rim pas so zhes pa ni 'dir sa gzhi rtsibs bcu gnyis pa la dum bu so so dag tu zla ba so sor 'gyur ro/ /nyi ma khyim gcig la gnas pa'i rnam pa gang gis yin pa de ltar brjod par bya ste 'dir khyim gcig nges par bstan
96b₄ pas khyim thams cad rig par bya'o/ /lhun po'i lho 'dzam bu'i gling chung ngu 'dir lug la sogs pa'i khyim rnams dang / dpyid la sogs pa'i dus rnams dang / nag pa la sogs pa'i zla ba rnams dang / de bzhin du phyogs rnams thams cad rab tu grags
96b₅ so/ /de'i phyir lug gi khyim de la nyi ma gnas pas dum bu bcu gnyis su dus kyi tshogs la sogs pa thams cad byed pa ji lta ba de bzhin du brjod par bya ste/ lhun po'i lho'i dum bu 'dir lug la nyi ma gnas pas dpyid kyi dus su sa ga'i zla ba byed do/ /me'i
96b₆ zur gyi phyed dum bu gnyis pa la snron gyi zla ba byed do/ /de bzhin du me'i zur gyi phyed gzhan gyi dum bu gsum pa la chu stod kyi zla ba byed do/ /de bzhin du bzhi pa la lhun po'i shar gyi dum bu la shar lus 'phags por gro bzhin gyi zla ba byed do/ /lnga pa dbang ldan
96b₇ gyi phyed kyi dum bur khrums kyi zla ba byed do/ /dbang ldan gyi zur gyi phyed gzhan la dum bu drug par tha skar gyi zla ba byed do/ /lhun po'i byang dum bu bdun par smin drug gi zla ba byed do/ /rlung gi zur gyi phyed la dum bu brgyad par mgo'i zla ba byed do/ /rlung gi zur
96b₈ gyi phyed gzhan la dum bu dgu par rgyal gyi zla ba byed do/ /lhun po'i nub tu dum bu bcu par mchu'i zla ba byed do/ /bden bral gyi zur gyi phyed kyi dum bu la dbo'i zla ba byed do/ /bden bral gyi zur gyi phyed gzhan gyi dum bu la nag pa'i zla ba byed do/ /de bzhin du zla ba
96b₉ mngon par phyogs shing sbyar ba bstan par bya ste de bstan na legs par 'ongs sam du 'gyur ro/ /rnal 'byor pa la rnal 'byor mas sam rnal 'byor ma la rnal 'byor pas so/ /gnyis kyis te 'dzub mo dang gung mo rgyab
96b₁₀ tu yang dag par ldan pa dag gis shin tu legs par 'ongs pa brjod par 'gyur ro/ /de bzhin du g.yon pa'i mthe bo khu tshur bcings pas skal bzang dge ba rab tu brjod par 'gyur ro/ /de bzhin du sor mo'i se gol rdebs
96b₁₁ pa mthe bo dang 'dzub mo dag gis khyod ni 'di ru sngags pa mchog tu nges par brjod par 'gyur ro/ /mthe bo dang ni ming med dag gis se gol byas na dam tshig bcas pa'i chang gis khyod ni tshim par byed pa'o zhes brjod par
96b₁₂ 'gyur ro/ /de bzhin du phyag 'tshal ba'i sbyor bas sor mo thams cad rtse mo brkyang bas skal bzang legs par 'ongs pa brjod 'gyur rnal 'byor pa la yang / /de bzhin du g.yon gyi yan lag reg pas rtag tu khyod ni
96b₁₃ bdag gi gnyen gcig pu dag rab tu gsal bar byed do/ /de bzhin du skye gnas la reg pas khyo bo ste de bzhin du mchu dang nu ma 'am sen mo 'debs pas kyang khyo bor brjod pa'o/ /sor mo phan tshun bcings pa zhes pa ni
96b₁₄ lag pa dag sbyar ba byas nas mthe chung la sogs pa sor mo phan tshun bcings te bcings pa de las 'dzub mo dang ming med bcings shing mthe bo dang gung mo rab tu brkyang bas dam tshig la 'dus pa rjod par byed do/ /phebs par
96b₁₅ smra ba'i phyag rgya'o/ /da ni mchu dang zhes pa la sogs pas smod pa'i phyag rgya gsungs te 'dir gang gi tshe gang dang gang du pho nya mos mthong bar gyur na sgrub pa po mthong nas mchu la sogs pa yo ba ston par byed do/ /
96b₁₆ der mchu yo ba dang smin ma yo ba dang mig yo ba dang de bzhin du mgo bo la 'phrug par byed na khyod shin du cher rmongs pa rjod par byed te gang gi tshe phyag rgya'i brda mi shes pa'i phyir ro/ /de bzhin du gal te des mche ba'i dbus
96b₁₇ dus dang zla ba 'dzin pa la mtshan mo'i dus su te 'chad par 'gyur ro/ /sgra gcan dag gis bltas pa'i sman rnams gang yin de rnams grub pa ster zhes pa 'dzin pa'i dus su shing la sogs pa mtshon gyis bsnun pa rnams 'bras
96b₁₈ bu smin par 'gyur ro/ /'dir man ngag ni zla ba so sor nyi ma'i longs spyod la skar ma gnyis dang chu tshod bcu gcig byin pas zla ba drug la skar ma bcu gnyis dang chu tshod drug bcu rtsa drug tu 'gyur ro/ /zla ba'i cha nyin zhag
96b₁₉ gsum gyi chu tshod bcu gsum phri ba nyid kyis lhag ma lnga bcu rtsa gsum mo/ /'dzin pa'i gnam stong gi longs spyod la nyi ma'i rkang pa sbyin pa 'am dor bar bya'o/ /de nas sgra gcan gyi longs spyod la chu tshod bzhi bcu rtsa lnga
96b₂₀ dman par byas nas lhag mas skar ma'i longs spyod la sbyang bar bya'o/ /gang gi tshe snga mar gdong gis nyi ma bzung ba de'i tshe phyi mar mjug ma'i longs spyod kyis 'gyur ro/ /de bzhin du zla ba yang nya la'o zhes pa 'dzin
96b₂₁ pa'i mtshan nyid grub pa'o/ /phyi rol la ji lta ba de bzhin du nang du nyin zhag so sor dus sbyor drug pa la rig par bya'o zhes pa rnal 'byor pa rnams kyis so/ /'di ni byis pa rnams kyis rtogs par bya ba ma yin te bstan
96b₂₂ bcos kyi sgo nas ni brjod par mi nus so/ /da ni bkra shis la sogs pa rnams kyi zhing rnams gsungs pa sa skyes zhes pa la sogs pa'o/ /'dir sa skyes la sogs pa'i gza' rnams ni lug la sogs pa'i khyim
96b₂₃ l a zhing can te lug la sa skyes dang glang la pa sangs dang 'khrig pa la gza' lag dang kar ka Ta la zla ba dang seng ge la nyi ma dang bu mo la slar yang gza' lag dang srang la pa sangs dang sdig pa la sa skyes dang gzhu la sngags pa
96b₂₄ z hes pa phur bu dang chu srin la nyi skyes zhes pa spen pa dang bum pa la yang spen pa zhes pa slar yang spen pa dang nya la sngags pa ste nyin zhag so so'i dus su dus sbyor bcu gnyis 'char ba la zhing can rnams ni dus kun du longs spyod

_{iiif viewer powered by OpenSeadragon}

96a - 97a

Texts on this page