rKTs

e-texts navigator

Volume

Page

95b₁ gsum par bu mo'i nyi mas so/ /bzhi par srang gi nyi mas te lhun po'i nub tu lhor bgrod par 'gyur ro/ /lnga pa la sdig pa'i nyi mas so/ /drug pa la gzhu'i nyi mas so/ /bdun pa la chu srin gyi nyi mas
95b₂ te lhun po'i byang du'o/ /brgyad pa la bum pa'i nyi mas so/ /dgu pa la nya'i nyi mas so/ /bcu pa la lug gi nyi mas so/ /bcu gcig pa la glang gi nyi mas so/ /sa'i
95b₃ dum bu bcu gnyis pa la 'khrig pa'i nyi mas te/ khyim bcu gnyis kyis dbye bas 'jig rten rnams kyi lhor bgrod par 'gyur ro/ /da ni sa'i dkyil 'khor la nyi ma steng du 'gro ba'i tshad gsungs pa steng du drug
95b₄ dang klu'i grangs zhes pa ste/ 'dir bdun pa sa'i dkyil 'khor las steng du dpag tshad stong phrag brgyad bcu rtsa drug gi grangs ni/ nyi ma'i gdung byed dag kyang byang du 'grod pa dag gi mthar te lhor bgrod pa'i dang po la'o/ /
95b₅ rang rang gi dum bur kar ka Ta la sogs pa rang rang gi lhor bgrod pa'i/ 'pho ba'i nyin zhag la 'gyur te dum bu bcu gnyis po rnams la rim pa bzhin no/ /de nas g.yas phyogs su yang zad par 'gyur te mi yi bdag
95b₆ po stong phrag dag ni drag po'i grangs zhes pa ni/ lhor bgrod pa'i 'pho ba'i nyin zhag de nas g.yas su bgrod pa la/ byang du bgrod pa'i bar du stong phrag bcu gcig zad par 'gyur te/ nyi ma'i gdung bar byed pa ni steng
95b₇ du stong phrag bdun bcu rtsa lngar rig par bya'o/ /stong phrag brgyad bcu rtsa gcig mda' ni ste lnga brgya dang bral bar gyur pa dbus nas 'go la'i ri mor gyur te dpag tshad kyi tshad do/ /
95b₈ 'go la'i ri mo de las gang zhig nyi ma'i 'phel dang / 'grib par gyur pa de ni mkha' mkha' mda' dang / mda' zhes pa dpag tshad lnga brgya lhag pa'i stong phrag lnga ste/ ri mo las byang dang
95b₉ de bzhin du lag pa dag gis dung gi phyag rgya sbyar ba cod pan du 'gyur te steng du 'dzub mo gnyis sbyar ba'o/ /lag pa gnyi ga'i 'thil gyi phyi phyogs sbyar te rgyab tu sor mo lnga po rnams ni rna rgyan la ni rna rgyan gyi phyag rgya'o/ /
95b₁₀ de bzhin du lag pa'i rgyab tu sor mo rnams ni rim par yongs su bkod cing phan tshun bcings pa mgul pa'i rgyan la ste de ltar mgul rgyan gyi phyag rgya'o/ /de bzhin du ske rags la g.yon pa dang g.yas pa dag gi sor mo
95b₁₁ gsum ni ming med dang gung mo dang 'dzub mo dag ste sor mo rtse mo sbyar zhing mthe chung dang mthe bos khu tshur bcings pa ni ske rags kyi phyag rgya'o/ /de bzhin du lag pa gnyi ga'i mthe bo gnyis dang gung mo gnyis sbyar te de dag gis
95b₁₂ zlum skor lta bur byas shing sor mo lhag ma rnams kyis khu tshur bcings pa ni rkang gdub la ste rkang gdub kyi phyag rgya'o/ /de bzhin du dpung rgyan nam gdu bu la mthe bo sbyar ba dang 'dzub mo sbyar ba zlum skor lta bur 'gyur zhes
95b₁₃ ste bcom ldan 'das kyi mtshan ma'i phyag rgya'o/ /da ni mthe bo zhes pa la sogs pas rigs kyi phyag rgya gsungs te 'dir rdo rje khu tshur gyi steng du mthe bo bstan pa ni mkha' 'gro ma
95b₁₄ thams cad kyi thun mong du rigs kyi phyag rgyar 'gyur ro/ /de bzhin du rdo rje khu tshur gyi steng du 'dzub mo rab tu brkyang ba ni gsang ba pa ste gnod sbyin rnams kyi rigs kyi phyag rgya'o/ /de bzhin du khu tshur bcings pa las gung mo rab
95b₁₅ tu brkyang ste bstan pa ni dri za rnams kyi rigs su 'gyur ro/ /de bzhin du ming med ni gdengs can rnams kyi rigs su 'gyur te mthe chung bstan pa ni 'byung po rnams kyi rigs su 'gyur ro/ /de bzhin nyid du steng du sor mo bzhi
95b₁₆ po rnams kyis khu tshur bcings te lag pa'i 'thil rab tu gsal bar bstan pa ni srin po rnams kyi rigs su 'gyur ro/ /khu tshur bcings te bstan pa ni grub pa rnams kyi rigs su 'gyur ro/ /de bzhin du dpung pa dang
95b₁₇ su rang gi lam ni dgag pa byas nas de rnams bsgrub par bya ste de rnams kyi srog dang thur sel 'gags pas thig le bzhi 'gag go zhes pa ni nges pa'o/ /ji srid ces pa la sogs pa tshigs su bcad pa gnyis pas
95b₁₈ gsungs pa ni go sla'o/ /da ni zla ba'i rkang pa la sgra gcan 'jug pa gsungs pa nyi ma zhes pa la sogs pa ste 'dir nyi ma'i rkang pa ni ro dang dus dang ri bong can zhes pa sngar brjod pa bcu gcig po rnams so/ /zla ba'i
95b₁₉ rkang pa ni 'byung dang 'byung ba mda' zhes pa la sogs pa nyi shu rtsa lnga ste 'di rnams gcig tu brdos pa ni sum bcu rtsa drug tu 'gyur ro/ /de rnams yon tan brgyad kyis bsgyur ba ni nyis brgya brgyad bcu rtsa brgyad du 'gyur te de ltar
95b₂₀ sred pas bsnun pa rnams zhes pa ni brgyad kyis so/ /yan lag rnams kyis zhes pa dus sbyor bcu gnyis kyis bgos pas thob pa nyi shu rtsa bzhi ni zla ba'i rkang pa rnams su 'gyur ro/ /lhag ma'i rkang pa nyi shu rtsa lnga pa ni
95b₂₁ sgra gcan 'jug pa la yang mjug rings za zhes pa ni nang du yid kyi dbang po dang khu ba'i khams kyi rkang pa stong pa'i yan lag gang yin pa'o/ /thun 'tshams bzhi po kun dang thun brgyad po rnams dang nyin zhag so so'i
95b₂₂ dus su srog chags rnams kyi yan lag bcu gnyis rnams zhes pa ni de rnams dus sbyor bcu gnyis so zhes pa'i don to/ /dus sbyor re re la ni dbugs rnams dag kyang nyis 'gyur dgu brgya zhes pa brgya phrag
95b₂₃ bcwa brgyad kyi srog rnams 'bab pa de rnams yan lag gcig tu gsungs so/ /de ltar phyi rol du zla ba gcig dang dbyugu brgya phrag bcwa brgyad kyis yan lag gcig go/ zla ba gnyis dang brgya phrag sum bcu rtsa drug gis
95b₂₄ dus so/ /de ltar yan lag gnyis gnyis kyis dus drug rnams so/ /dus gsum gyi 'dzin pa ste zla ba dang nyi ma dang sgra gcan gyi longs spyod kyi dbang gis so/ /de ltar yan lag gnyis gnyis rnams la

_{iiif viewer powered by OpenSeadragon}

95a - 96a

Texts on this page