rKTs

e-texts navigator

Volume

Page

94b₁ dum bu gang du lug gi nyi ma la dpyid phyed kyi nyin mtshan mnyam par 'gyur na srang gi nyi ma la ston phyed du 'gyur ro/ /de'i phyir de bzhin du lug gi nyi ma la ston phyed du 'gyur na srang gi nyi ma la dpyid kyi dus phyed kyi nyin mtshan mnyam par 'gyur
94b₂ ro/ /de bzhin du phan tshun ltos pa las gang gi phyir sa'i dum bu dang po la ri zhes pa sa'i dum bu bdun pa la ste lhun po'i lho nas byang dang byang nas lhor sa'i dum bu bdun pa la nyin mtshan mnyam par 'gyur ro/ /de phyir gnyis brgyad dum bu
94b₃ d ag la nges par glang la gnas dang sdig pa la gnas de bzhin no zhes pa ni 'dir ji ltar sngar brjod pa la lhun po'i lho dang byang gi sa'i dum bur lug gi nyi ma dang srang gi nyi ma la nyin mtshan mnyam par 'gyur ba de bzhin du cung zad bden bral gyi zur du gnas
94b₄ pa dang dbang ldan gyi zur phyed kyi char gnas pa la yang nges par zhes pa gdon mi za bar nyi ma glang la gnas pa dang sdig pa la gnas pa la de bzhin du dpyid phyed dang ston phyed nyin mtshan mnyam par 'gyur ro/ /de bzhin du bug pa zhes bya dgu pa dang me grangs te
94b₅ gsum pa'i sa'i dum bur bden bral gyi zur gyi phyed gzhan la gnas pa dang dbang ldan gyi zur phyed la gnas pa la nyin mtshan mnyam par 'gyur te nyi ma 'khrig pa la gnas pa dang gzhu la gnas pa la dpyid phyed dang ston phyed du 'gyur ro/ /phyogs kyi tshad
94b₆ bcu pa dang bzhi pa dag la ni lhun po'i shar gyi sa'i dum bu dang nub kyi sa'i dum bur nyin mtshan mnyam par 'gyur te nyi ma kar ka Ta la gnas pa dag dang chu srin la gnas pa la dpyid phyed dang ston phyed du 'gyur ro/ /lnga pa la gnas pa dang bcu gcig pa
94b₇ la yang mdun gyi sa'i dum bur nyin mtshan mnyam par 'gyur te dpyid phyed dang ston phyed du 'gyur ro/ /seng ge bum par rab tu zhugs par gyur pa na ste nyi ma lnga pa rlung gi zur gyi phyed la gnas pa dang bcu gcig pa me'i zur gyi phyed la gnas pa la nyin
94b₈ mtshan mnyam par 'gyur te dpyid phyed dang ston phyed du 'gyur ro/ /bcu gnyis ro yi sar ni zhes pa bcu gnyis pa me'i zur gyi phyed gzhan la gnas pa dang ro rlung gi zur gyi phyed gzhan la gnas pa la ste sa zhes pa lung gi tshig go/ nyi ma nya la
94b₉ lcags kyu la rdo rje khu tshur bcings shing 'dzub mo khu tshur gyi steng du lcags kyu'i rnam par shin tu 'khyog po ni lcags kyu'i phyag rgya'o/ /de bzhin du mthe chung dang mthe bo dag gis khu tshur dang 'dzub mo dang ming med 'og tu mda'
94b₁₀ dang mtshungs par sbyar zhing de dag gi steng du gung mo ni mdung la ste de ltar mdung gi phyag rgya'o/ /de bzhin du thad kar khu tshur dang dpung pa rab tu brkyang ba dbyug pa la ste de ltar dbyug pa'i phyag rgyar 'gyur ro/ /de bzhin du lag
94b₁₁ mthil shin tu mnyam la steng du mthe bo rab tu brkyang zhing thad ka'i char 'dzub mo la sogs pa bzhi sbyar ba ste de ltar dgra sta'i phyag rgyar 'gyur ro/ /de bzhin du steng du khu tshur gnyis dang khu tshur gnyis kyi steng du yang 'dzub mor
94b₁₂ 'gyur te lha min bdag po glang chen ni log 'dren te de'i lpags pa dag la'o zhes pa glang po che'i lpags pa'i phyag rgya'o/ /de bzhin du mche ba la ni lag pa gnyi ga'i 'thil du khu tshur bcings shing mthe chung zla ba phyed
94b₁₃ pa'i rnam pa g.yas dang g.yas min ni kha la bstan par bya ste de ltar mche ba'i phyag rgya'o/ /lag pa g.yas kyi mtshan ma'i phyag rgya dang glang po che'i lpags pas mche ba'i phyag rgya'i nges pa'o/ /da ni lag pa
94b₁₄ g.yon pa'i mtshan ma'i phyag rgya gsungs pa de bzhin du khe Ta ka la ste phub la dpung pa g.yon pa rab tu brkyang zhing lag pa'i mthil ni steng du son pa mi 'jigs pa'i lag 'thil lta bur 'gyur te de ltar phub kyi phyag rgya'o/ /
94b₁₅ de bzhin du kha T+wA~M ga la khu tshur bug pa ste 'dzub mo dang gung mo dang ming med dang mthe bo rnams sbyar zhing phrag pa'i gnas su mthe chung steng du rab tu brkyang ba ste de ltar kha T+ra~M ga'i phyag rgya'o/ /de bzhin du thod pa la sor mo bug pa
94b₁₆ med pa'i lag pa pad 'dab lta bu gan rkyal ni thod pa'i phyag rgya'o/ /de bzhin du gzhu la rab tu brkyang ba'i lag pa gan rkyal khu tshur te de ltar gzhu'i phyag rgya'o/ /de bzhin du g.yon pa'i khu tshur gyi steng du gung mo dag ni
94b₁₇ 'jigs pa dang bral ba sangs rgyas sgyu 'phrul zhi ba chen mo spro ba dang sdud pa nyams par byed ma ste de ni zag pa med pa'i dbye bas thur sel la gnas pa'o/ /gang zhig nyi ma la gnas de ni brgyad dbye zhes pa ni srog la gnas pa
94b₁₈ rdul gyi chos can ma'o/ /de ni brgyad kyi dbye bas te sad pa dang rmi lam dang shin du gnyid log pa'i yon tan gsum dang yul lnga'i dbye bas yon tan brgyad kyi bdag nyid can no/ /de yang dkyil 'khor du pad ma'i 'dab ma
94b₁₉ brgyad po rnams la gnas so zhes pa ni brtags pa'o/ /lhag ma sngar brjod pa'i 'khor lo'i lha mo yongs su brtags pa mchog tu 'jigs par byed pa gzhan de rnams mtha' dag phyi dang lus la'o zhes pa ni rtsa la
94b₂₀ yang dag par rgyu ba'i nges pa'o/ /da ni gza' rgyu ba'i longs spyod kyi mkha' 'gro ma rnams gsungs pa spen pa zhes pa la sogs pa ste 'dir phyi rol du nyi ma'i rab tu rgyu bas zla ba gnyis kyis nyi ma'i dus so/ /
94b₂₁ du nang du dus sbyor gnyis kyis srog gi dus so/ /de yang g.yon dang g.yas kyi dkyil 'khor bcu 'bab pas 'gyur te skyed pa dang sdud pa'i dbye bas so/ /des na dus la spen par zhes pa spen pa'i longs spyod pa bug pa zhes pa
94b₂₂ chu tshod dgu khyim gyi 'khor lo la longs spyod te de rnams kyang mkha' 'gro ma'o/ /de bzhin du sgra gcan gyi longs spyod la nyin zhag ces bya zhes pa bcwo lnga'o/ /lha yi bla ma'i phyed bcas mig dang mig gi grangs zhes pa phyed dang
94b₂₃ bcas pa'i nyi shu rtsa gnyis so/ /gcig tu gyur pa ni phyed bcas drug dang rig byed du 'gyur zhes pa ste phyed dang bcas pa'i bzhi bcu rtsa drug go/ de rnams mchog gi rgyal bdag thugs kyi rdo rje las ni skyes zhes pa ni thugs
94b₂₄ kyi thig le las skyes pa'o/ /zhes pa'i don to/ /sa skyes stong pa klu zla zhes pa ni spros pa ste de'i dkyil 'khor gyis thob pa gang yin pa drug bcu'i cha yis de snyed kyi chu tshod rnams so zhes pa ni nges pa'o/ /thun mong gi

_{iiif viewer powered by OpenSeadragon}

94a - 95a

Texts on this page