| e-texts navigator |
| བོད་ཡིག |
94a1 rtsa bdun gyi mthar 'gyur ro/ /de la bgrod pa ni dbus su 'khor lo phyed kyi ri mo nyi ma'i bgrod pa dag kyang zhes pa ste kyang gi sgra las gza' thams cad kyi 'khor lo phyed kyi dbus kyi ri mo bgrod pa ni rang rang gi mnyam
94a2 pa la mtshan mo gcig yin gyi dus thams cad du ni ma yin no/ /phyi nas g.yas dang g.yas min dag tu rgyu ste zhes pa ni phyi nas mnyam pa'i dus kyi nyan zhag las lhor bgrod pa la lhor rgyu'o/ /byang du bgrod pa la byang du rgyu'o/ /
94a3 g.yas dang g.yas min dag ni srang la sogs pa dang lug la sogs pa la'o/ /nyin dang mtshan mo rgyu skar dbye bas rim pa yis/ lam rnams mkha' klu zla ba zhes pa ni lam rnams kyi grangs brgya brgyad bcu ste 'dor zhing nyin dang mtshan
94a4 mo dag kyang ji srid bgrod pa dag gi mthar zhes pa ni byang du bgrod pa nas lhor bgrod pa'i bar dang lhor bgrod pa nas byang du bgrod pa'i bar du'o/ /nyi ma ri bong can gyi nyin mtshan chu tshod drug bcu dag las 'grib dang 'phel ba drug chas so/ /
94a5 zhes pa ni 'dir drug chas 'grib par 'gyur zhing 'phel bar 'gyur te chu tshod drug bcu'i drug cha chu tshod bcus chu srin nas 'khrig pa'i mthar thug pa'i bar du mtshan mo 'grib cing nyin mo 'phel lo/ /kar ka Ta nas gzhu'i mthar thug pa'i bar du nyin mo
94a6 'grib cing mtshan mo 'phel te nges par nyi ma ri bong can ni 'grib dang 'phel zhes pa drug chas so/ /'dir kai la sha'i dum bu la grib mas nges pa ni 'phags pa'i yul du byang du bgrod pa nas lhor bgrod pa'i mtha' dang lhor bgrod pa nas byang du bgrod
94a7 mtha' pa'i mthar grib ma'i nges pa'i dbang gis bcu'i chas 'grib cing 'phel lo/ /de bzhin du bod dang li dang rgya nag la sogs pa'i yul rnams su dgu cha dang brgyad cha dang bdun cha dag gis sham b+ha la'i yul la thug pa'i bar du grib ma'i dbang
94a8 gis 'grib cing 'phel bar rig par bya'o/ /da ni steng du nyi ma 'khor ba'i dbang gis dub bu bcu gnyis la sa'i 'go la gsungs pa gang phyir ri la skye bo rnams kyi nyin mtshan mnyam par 'gyur te lug nyi srang gi nyi ma la'o zhes pa ste sa'i
94a9 chos ni sems can phan pa yul dang rnam par bral ba dag ste chos min dag kyang gnod pa'o/ /'tshe ba'i rig byed tshad ma can ni bde ba'i 'bras bu mi ster dus kun du ni sdug bsngal ster/ /dam pa'i
94a10 byams ldan rmongs pa'i tshig las mchog gi bde ba byed cing sems can de la rjes su chags/ /de phyir sems can don ni gcig pu dag dang mi bdag yid kyis rang bzhin med pa bsgom par bgyis/ /lha mi'i
94a11 bla ma nga ni mtho ris 'jig rten dag tu dbang po sa steng du ni 'khor los sgyur/ /sa 'og dag tu klu'i rgyal po gdengs can rigs kyis btud dang kun du 'gro dang mchog pa ste/ /ye shes sangs rgyas thub dbang 'gyur med mchog
94a12 dang khyab bdag rnal 'byor rnams kyi rdo rje rnal 'byor dang / /rigs byed oM gyi yi ge gtsang ma dag ste rgyal po kun gyis bdag la skyabs su song zhes pa ni skyabs kyi nges pa'o/ /da ni nyi ma'i shing rtas phyag byas pa/ /khyod ni ma
94a13 dang khyod ni pha ste khyod ni 'gro ba'i bla ma khyod ni gnyen dang grogs bzang yang / /khyod ni mgon po khyod ni byed po phan dang sdig 'phrog khyod ni go 'phang phun sum tshogs pa yang / /khyod ni 'ba' zhig gnas dang khyod ni yon tan mchog gi
94a14 gnas te skyon rnams bcom pa khyod nyid do/ /khyod ni dman pa rnams kyi mgon dang yid bzhin nor bu rgyal ba'i dbang po khyod la bdag skyabs mchi/ /zhes te nyi ma'i shing rtas bla ma'i phyag gis bcom ldan 'das 'jam dpal
94a15 la bstod nas zhabs gnyis po spyi bor byas te slar yang rang gi stan la 'khod do/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las rang
94a16 dang gzhan gyi lta ba rigs pas rnam par dpyad pa'i mdor bsdus chen po ste bdun pa'o/ / //nang gi le'u yi 'grel bshad rdzogs s+ho// //
94a17 phyag rgya ste de ltar g.yas su bskor bas kyang rig par bya'o/ /da ni mthe bo zhes pa la sogs pas mtshan ma'i phyag rgya gsungs pa 'dir rdo rje rtse lnga pa'i phyag rgya la lag pa sbyar ba byas nas mthe bo dag sbyar
94a18 z hing mthe chung gnyis sbyar la de dag pad ma'i 'dab ma dang mtshungs la gung mo gnyis mnyam par dbus su brkyang ste 'dzub mo gnyis gung mo dag gi rgyab kyi char phyed 'khyog pa zla ba phyed pa'i rnam pa dang ming med 'og tu bskum pa
94a19 rang gi lag mthil son gyur pa de ltar phyag rgya 'di ni rdo rje can gyi rdo rje rtse mo lnga par 'gyur te bstan par bya ba'o zhes pa ste sngar gsungs pa'i mchog gi phyag rgya yang 'di'o/ /de bzhin du rtsibs kyi rnam pa sor mo rnams te lag
94a20 pa gnyi ga la gnas mthe bo la sogs mtha' dag rnams zhes pa ni rdo rje'i phyag rgya gzhan te shes rab la 'khyud pa'i don du'o/ /de bzhin du lag pa gnyis ni rdo rje bcings pa snga ma bzhin du rdo rje'i khu tshur gyis rdo rjer 'gyur te
94a21 g.yas pa steng du byas shing g.yon pa gang yin pa 'og tu khu tshur gyis dril bur 'gyur ro/ /de bzhin du khu tshur phyed pa ming med dang mthe chung gi khu tshur gyi nang du mthe bo'o/ /de ltar khu tshur phyed par 'dzub mo dang ni gung mo sbyar
94a22 ba mda' dang mtshungs pa dag kyang ral gri rnon por 'gyur zhes pa steng du ral gri'i phyag rgya'o/ /de bzhin du mthe bo khu tshur phyed pa dang 'dzub mo la sogs zhes pa 'dzub mo dang gung mo dang ming med rtse gsum gyi rnam pa slar yang
94a23 bkram pa dag ste khu tshur phyed pa yis ni rtse gsum gyi phyag rgya ste thams cad du yul gyi don la bdun pa'o/ /de bzhin du dpal ldan gri gug khu tshur bcings shing mthe chung zla ba phyed pa'i rnam pa gdul dka' rnams 'jigs
94a24 par byed par 'gyur zhes pa gri gug gi phyag rgya'o/ /de bzhin du rna ba'i steng du khu tshur bcings shing gung mo'i steng du mthe bo dang 'og tu 'dzub mo ste mda' yi mchog gi phyag rgya la zhes pa ni mda'i phyag rgya'o/ /
94a25 gnyis ni rten du gyur pa'o/ /'di nyid kyi mkha' 'gro ma rnams rten pa'i chos can ma ste thur sel gyi rlung dang yang dag par sbyor ba las so/ /'di rnams kyi sum bcu rtsa gsum gyi bdag nyid he ru ka 'am
94a26 'dus par 'gyur te gsang ba'i rgyud kyi phyir ro/ /de'i nyis 'gyur ni sprul pa'i 'khor lo la rnal 'byor ma drug bcu rtsa bzhi'i bdag nyid kyi 'khor lo ste dkyil 'khor lnga 'bab par byed pa'o/ /gza' rnams kyi yang brgyad
94a27 kyi dbye ba la ste slar yang snying kha'i pad mar gza'i rtsa gau rI la sogs pa brgyad do/ /dpral bar bdag med ma la sogs pa bcu drug go/ de bzhin du du ma'i tshigs kyi phyogs la zhes pa sum brgya drug bcu'i tshigs kyi
94a28 phyogs la lo'i nyin zhag gi grangs kyi rtsa rnams te de rnams kyi rten par gyur pa'i rnal 'byor ma rnams so/ /de ltar rnal 'byor ma stong phrag bdun bcu rtsa gnyis po rnams kyi rten dang rten pa'i dbye bas rtsa rnams ji snyed pa de snyed
94a29 kyi mkha' 'gro ma rnams te srog dang thur sel rab tu rgyu ba'i phyir ro zhes pa ni bcom ldan 'das kyi gsung spros pa med pa'o/ /da ni bcom ldan 'das kyi phyag rgya gsungs pa rig byed dus zhes pa la sogs pa ste 'dir
94a30 rig byed dus zhes pa ni drug bcu rtsa bzhi'o/ /de'i mthar 'khor ba pa rnams kyi zla ba'i cha nyams pa gang yin pa de'i chos mi mthun pas zla ba'i cha ma nyams pa ni dbugs kyi lhag ma ste dbugs drug bcu rtsa bzhi rnams kyi mtha'
94a31 ma dbugs kyi chos can ma srid gsum skyed par mdzad ma mkha' 'gro ma ni sna tshogs gzugs so/ /zla ba'i dbus su dman pa gang de mchog gi rgyal ba'i bdag po'i zhes pa byang chub sems kyi rang gi phyag rgya rnam gnyis
94a32 'gyur te gcig ni kun rdzob kyi chos can ma sgyu 'phrul chen mo drag chen mo/ /'byung dang sdud par byed pa mo'o/ /gnyis pa ni byang chub sems kyi shes rab chen mo sangs rgyas rnams kyi shes rab kyi pha rol du phyin ma skye ba dang
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba