| e-texts navigator |
| བོད་ཡིག |
91b1 gnas pa dag ni g.yas kyis zhes pa la 'dir g.yas la gnas pa ni gang zhig g.yas kyi lam nas nyi ma'i dkyil 'khor la nub par 'gyur ba ste bkra shis dang phur bu dang spen pa'o/ /drag po ni zhi ba'i gza' rnams kyi g.yas nas 'gro ste g.yas
91b2 kyi yan lag tu yang dag par byung ba'i phyir lus kyi dbye bas zhi ba'o/ /phur bu ni g.yas kyi yan lag tu yang dag par byung ba'i phyir lus kyi dbye bas drag po'o/ /de bzhin du slar yang gsal bar 'dir ni phan tshun 'thab ste dgra yin phyir zhes pa ni zhi ba
91b3 dang drag po gza' lag dang bkra shis dag dang / phur bu dang pa sangs dag dang / spen pa dang mjug rings 'di dag phan tshun 'thab par 'gyur te dgra nyid yin pa'i phyir ro/ /rang gi zhing la yang dag gnas rnams gal te de la dgra dag gyur na nges
91b4 par 'thab pa'o zhes pa ni mig dmar gyi rang gi zhing lug gi khyim dang sdig pa'i khyim ste zhing de la mig dmar yang dag par gnas pa de'i tshe gal te zhing de la gza' lag longs spyod par gyur na de'i tshe nges par 'thab bo/ /de bzhin du gza' lag
91b5 gi zhing 'khrig pa dang bu mor gal te mig dmar rgyu ba'i dbang gis longs spyod par gyur pa de ltar na yang 'thab bo/ /de bzhin du phur bu'i zhing gzhu dang nya la gal te pa sangs gyur na de'i tshe phur bu dang pa sangs 'thab bo/ /de bzhin du pa ba sangs kyi zhing
91b6 glang dang srang la yang ngo / /de bzhin du spen pa'i zhing chu srin dang bum pa la gal te mjug rings gyur na de'i tshe 'thab bo/ /de bzhin du ri bong can gyi zhing kar ka Ta la gal te spen pa gyur na de'i tshe mjug rings dang lhan cig brtsod te mjug rings
91b7 g.yon gyi yan lag tu skyes pa'i phyir ro/ /skar ma la ste gzhan la 'thab pa min par zhes pa ni 'dir slar yang gza' rnams kyi skye ba'i skar ma la ltos nas skar ma la'o/ /rang gi zhing gi khyim 'ba' zhig la 'thab pa ma yin te skye ba'i skar ma la
91b8 yang dgra dag 'thab par 'gyur te pa sangs skar ma nab so la'o/ /bkra shis skar ma mchu la'o/ /shas sar ma ma cha/ /phur bu skar ma me bzhi la'o/ /gza' lag skar ma lha 'tshams la'o/ /spen pa skar ma snrums la'o/ /mjug rings skar ma chu smad la'o/ /
91b9 ri bong gi rwa la yang 'gyur ro/ /ci ste skyes pa las gnas shing gnas pa las 'jig ste zhig pa las skye ba de ltar na/ gnas pa dang 'jig pa dang skye ba rnams gcig nyid med te mtshan nyid tha dad pas rtogs par bya'o/ /
91b10 'dir gang gi dus na gnas pa yod pa de'i dus na skye ba dang 'jig pa med do/ /gang gi dus na 'jig pa yod pa de'i dus na skye ba dang gnas pa med do/ /gang gi dus na skye ba yod pa de'i dus na gnas pa dang 'jig pa med do/ /dus zhes pa
91b11 ni skad cig go/ gal te dus gcig la yin na skye ba dang rga ba dang 'chi ba rnams gcig pa nyid do zhes pa las gzhan pa ci/ 'dir gang du skad cig gcig la chos kyi skye ba dang 'jig pa de ci/ chos snga ma 'gags pa las sam
91b12 'on te ma 'gags pa'i chos las chos phyi ma skye/ gal te 'gags pa'i chos can las skye na de'i tshe 'gags pa'i mar me las mar me gzhan skye'o/ /ci ste ma 'gags pa las skye na de'i tshe ma 'gags pa'i mar me las
91b13 mar me skye ba bzhin du de las gzhan skye'o/ /de ltar skyes pa las skye bas na mar me'i phreng ba bzhin du rnam par shes pa'i phreng bar 'gyur ro/ /de'i phyir rnam par shes pa snga ma ma 'gags pa las gzhan skye ba brjod par mi
91b14 nus te 'gags pa las kyang ngo / /'dres pa las kyang ma yin te de dag phan tshun 'gal bas gcig pa nyid med do/ /de'i phyir dbu ma pas smras pa/ rnam par shes pa don dam yod/ /de yang mkhas rnams mi 'dod de/ /
91b15 gcig dang du ma'i rang bzhin dang / /bral bas nam mkha'i pad+ma bzhin/ /yod min med min yod med min/ /gnyis ka'i bdag nyid min pa 'ang min/ /mtha' bzhi rnam par grol ba yi/ /de nyid dbu ma pa yis rig
91b16 ces so/ /gang zhig phyogs nyams de ni ma nyams par 'gyur ro/ /de gang zhe na/ gang zhig snying rje stong nyid gnyis su med pa smra bo ste 'dir gang gi snying rje dmigs pa med cing rnam par rtog pa dang bral ba dang stong pa nyid rnam pa
91b17 brgyad du 'gyur ro/ /de bzhin du khro mo lnga ni stobs rnams dag ste 'dir dad pa'i stobs ni shin tu sngon mo dang brtson 'grus kyi stobs ni shin tu stobs ma dang dran pa'i stobs ni rdo rje lcags sgrog ma dang ting nge 'dzin gyi stobs ni nga
91b18 rgyal ma dang shes rab kyi stobs ni tsun dA ste nye ba'i 'dus pa'o/ /de bzhin du rab tu gsal zhing nges par dbang po rnams ni lnga nyid do zhes pa ste de bzhin du dad pa'i dbang po ni rengs byed ma dang brtson 'grus kyi dbang po ni rmugs byed ma dang
91b19 dran pa'i dbang po ni 'od zer can dang ting nge 'dzin gyi dbang po ni khro gnyer can dang shes rab kyi dbang po ni drag spyan ma'o zhes pa 'dus pa ste de ltar bcu'o/ /yang dag yan lag brgyad kyi lam ni mi yi bdag po lha min dag las skyes
91b20 p a brgyad du 'gyur zhes pa la 'dir yang dag pa'i lta ba ni khyi gdong ma dang yang dag pa'i rtog pa ni bya rog gdong ma dang yang dag pa'i ngag ni stag gdong ma dang yang dag pa'i las kyi mtha' ni 'ug gdong ma dang yang dag pa'i 'tsho ba ni
91b21 l te spyang gdong ma dang yang dag pa'i rtsol ba ni mkha' lding gdong ma dang yang dag pa'i dran pa ni phag gdong ma dang yang dag pa'i ting nge 'dzin ni bya rgod gdong ma ste de ltar na sum bcu rtsa bdun rab tu dbye bas srid pa gsum gyi gnas
91b22 su byang chub phyogs kyi chos gang yin pa de rnams mtha' dag rnal 'byor ma rnams sa yi steng gi gnas su rnal 'byor pa yis rig par bya ste g.yung mo la sogs pa'o/ /de ltar byang chub kyi phyogs kyi chos sum bcu rtsa bdun
91b23 gyis rnam par sbyangs pa'i gnas la sogs pa ni chos kyi sku'i mtshan nyid du 'gyur te/ mi yi bdag po phyi dang lus la yang de bzhin zhes pa thams cad du nges pa'o/ /da ni sangs rgyas pa zhes pa la sogs pas 'di rnams
91b24 b sten pa'i slad du rnal 'byor pa rnams kyi spyod pa'i cho ga gsungs pa 'dir rgyud kyi rgyal po dus kyi 'khor lo'i dkyil 'khor du dbang bskur ba ni dkyil 'khor thams cad du dbang bskur ba ste mu stegs pa rnams kyi lha dang
91b25 spros pa chen po 'di ni mang ba nyid kyi phyir ma bris te mchog gi dang po'i sangs rgyas kyi rgyas 'grel zla ba bzang pos mdzad pa'i stong phrag drug bcu pa las shes par bya'o/ /gang gis rab tu 'bad par bya ba 'dis 'jig rten
91b26 las 'das par byed pa ni cung zad kyang yod pa ma yin te a sogs ka sogs 'di ni ba spu dang skra'i grangs ji snyed par 'byung ngo / /da ni phyed dang bcas pa'i bdun po rnams kyi phyi ma brgyad pa'i phyed gang yin pa de gsungs pa/
91b27 phyi rol zhes pa la sogs pa ste 'dir phyi rol du ni zhes pa 'jig rten gyi khams su gang zhig chu tshod brgyad pa'i phyed kyi dbyangs su gyur pa sgra gcan longs spyod dag las gzhan du gnas zhes pa ste 'dir sgra gcan gyis zla ba so so'i
91b28 d us la yul lnga'i mtshan nyid chu tshod lnga dang de bzhin du snying stobs dang rdul dang mun pa'i mtshan nyid gsum ste khyim gyi 'khor lo'i dbus nas de rnams longs spyod cing de rnams las phyed dang bcas pa'i bdun ni longs
91b29 spyod do/ /chu tshod phyed ni longs spyod par mi nus te de ni sgra gcan longs spyod dag las gzhan du gnas pa'o/ /de ni rang gi lus la dbugs byed te ma skyes pa'i byis pa'i lte ba dang dpral ba dag gi dbus su dbyug
91b30 pa'i rnam pa'o/ /phyi rol du 'byung ba med pa'i phyir dbugs phyed du brjod do/ /sngags kyi dbye bas ni dbyangs phyed do/ /de ni nges par mun pa dang bral 'jig rten thams cad snang ba ste mngal gyi zla ba drug la mngon par shes
91b31 pa lnga'i phyir ro/ /snga ma phyed ni mun pa dang bcas srid pa gsum po mtha' dag stong pa gang du thim pa'o/ /shi ba'i mthar bzhi pa bor nas shin tu gnyid log pa la zla ba drug gi bar du 'jug par byed do/ /
91b32 de nas rmi lam gyi gnas skabs thob pa'i mngal ni phyi ma'i dbyangs phyed la 'jug go/ de'i phyir de mun pa'i gnas skabs phye nas snying por 'jug la mun pa bral ba lte ba'i 'khor lo la gnas pa ni dus kyi 'khor
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba