| e-texts navigator |
| བོད་ཡིག |
90a1 longs spyod mig dmar bzhin te de bzhin du chu srang la sogs pa'i longs spyod ni myur ba'i las la ste pa sangs kyi yin no/ /pa sangs kyi dal ba'i las la yang rgyu skar dus ni zhes pa rgyu skar drug go /
90a2 nyi ma la sbyang zhes pa nyi ma'i longs spyod la ste thams cad du lnga pa'i don la bdun par rig par bya'o/ /mda' dus ri bong can ni dal ba'i las la rkang pa ste zhes pa ni snga ma bzhin du khyim gyi gnas drug la mda' zhes pa lnga'o/ /
90a3 dus zhes pa bzhi'o/ /ri bong can zhes pa gcig ste phyed snga ma la'o/ /de bzhin du phyed phyi ma la lugs las bzlog pas so/ /myur la ste myur ba'i las la de nyid la sogs dbye bas zhes pa ni nyi shu rtsa
90a4 lnga la sogs pa'i dbye bas te de nyid la sogs dbye bas zhes so/ /rab gsal ma nu'i gnas dag la ste zhes pa rgyu skar gyi rkang pa'i gnas bcu bzhi la'o/ /sbyin dor mig dmar bzhin zhes pa ni bkra shis la ji lta ba
90a5 de bzhin du rgyu ba'i rkang pa sbyin pa dang dor bar yang 'gyur ro/ /pa sangs dag pa'o/ /da ni spen pa gsungs pa mkha' mig klu dang rig byed kyis dman gsang ba'i nyin zhag tshogs ni zhes pa ste/ sngar gyi nyin zhag gi
90a6 tshogs gsal ba la bzhi stong brgyad brgya nyi shus dman pa ste dman pa zhes pa ni byed pa la ltos pa yin gyi grub pa'i mtha' la ltos pa ma yin no/ /drug ro ri mkha' zla ba yis bgo zhing zhes pa ni dkyil 'khor gyi nyin zhag
90a7 khri bdun brgya drug bcu rtsa drug gis bgo ba'o/ /lhag ma skar mas bsgyur ba las dkyil 'khor gyi nyin zhag gi chas thob pa ni skar mar 'gyur te de bzhin du chu srang la sogs pa'i longs spyod du 'gyur ro/ /spen pa yi ni dor bya dag
90a8 kyang bcwa brgyad do zhes pa ni spen pa'i longs spyod las rgyu skar bcwa brgyad dor bar bya bar 'gyur ro/ /bu lon lhag na 'khor lo byin nas sbyang bar bya bar 'gyur ro zhes bya ba ni snga ma'i nges pa ste skye ba'i skar ma rgyu ba'i don du'o/ /'di'i
90a9 mi 'gyur 'dir dper na gdon gyis bzung ba'i gyad kyis gdon las grol ba'i gyad gzhom par mi nus so/ /de bzhin du rnam par rtog pa'i gdon gyis bzung bas rnam par rtog pa'i gdon las grol ba
90a10 gzhom par mi nus so/ /bdag med pa la sogs pa grub pa'o/ /'di ni mdor bsdus pas gsungs pa ste rgyas par lung rgya chen po las shes par bya'o zhes pa ni nges pa'o/ /da ni bye brag smra ba dang mdo sde pa dang rnal
90a11 'byor spyod pa'i 'dod pa sun dbyung ba gsungs pa gang zhig de nyid ces pa la sogs pa ste 'dir mu stegs sangs rgyas pa gang dag phyogs yongs su 'dzin to/ /rang gi phyogs 'dzin pa des gzhan gyi phyogs 'dzin par
90a12 byed par 'gyur te byis pa'i blo can de dag rnams kyis de'i chos kyis sam de'i chos mi mthun pas so/ /'dir bye brag smra ba gang zhig de nyid gang zag ces bya lus la gnas par smra ba de ni rang bzhin dag gis nyams zhes pa ni 'dir
90a13 gal te gang zag gi nang du 'dus pa skye ba'i cha shas can gyi gang zag yod na de'i tshe rang bzhin brjod par bya'o/ /ci shes pa'i rang bzhin nam mi shes pa'i rang bzhin yin/ gal te shes pa'i rang bzhin yin pa
90a14 de lta na mi rtag ste 'dir bum pa'i shes pa 'gag pa na snam bu'i shes pa 'byung bar 'gyur ro/ /de'i phyir mi rtag go/ ci ste mi shes pa'i rang bzhin yin na de'i tshe mi shes pa la bde ba dang sdug bsngal la sogs
90a15 pa rig pa med do/ /des na bye brag smra ba de ni de'i rang bzhin rnam par dpyad na nyams so/ /'dir khur khur ba'i gang zag yod de rtag par yang bdag mi smra zhing mi rtag par yang bdag gis mi smra'o zhes pa bcom ldan
90a16 'das kyi gsung gang yin pa de ni ye shes kyi le'u las rgya cher brjod par bya'o/ /kun rdzob dag gis don ni smra ba po yang don dam ma rig med pa dag tu 'dod pa'o/ /'dir kun rdzob kyis sngon po la sogs pa'i
90a17 pa yod do/ /de nyid ni bsdus pa'i rgyud gzhan du ma bstan to/ /yul thams cad dang grong thams cad du gnas la sogs pa gsungs pa ni gnas ni sgrol ma la sogs khyim ste rnam pa bzhi'o/ /
90a18 de bzhin du sgra rdo rje ma la sogs pa'i khyim ni zhing rnam pa drug go/ tsar tsi kA la sogs pa'i khyim ni tshan do ha rnam pa brgyad do/ /rmugs byed ma la sogs pa'i khyim ni 'dus pa rnam pa bcu'o/ /khyi gdong ma la sogs pa'i
90a19 khyim ni dur khrod rnam pa brgyad do/ /mchog gi sar gnas rtsa ba'i gnas dang gsad par bcas pa ni yum gyi khyim rnam pa gnyis te de dag rab tu gsal bar sa la mthar skyes ma dang mthar skyes ma zhes pa g.yung mo dang gtum
90a20 mo'i khyim ste de ltar dmangs rigs la sogs pa'i khyim ni gnas la sogs pa'i ming gis rnal 'byor pas rig par bya'o zhes pa ni thams cad du nges pa'o/ /da ni gnas zhes pa la sogs pas nang du gnas la sogs
90a21 pa'i ming gsungs te 'dir dam tshig 'dus pa la gnas ni thams cad du bud med kyi pad ma'o/ /nye ba'i gnas kyi sgras skyes pa'i rdo rjer 'gyur ro/ /de bzhin du bud med rnams kyi skye mched drug ni zhing ngo / /skyes pa rnams kyi ni
90a22 nye ba'i zhing ngo / /de bzhin du bud med rnams kyi mnyam gnas la sogs pa'i rlung brgyad ni tshan do ha'o/ /skyes pa rnams kyi ni nye ba'i tshan do ha'o/ /de bzhin du bud med rnams kyi lce dang lce chung dang lag pa gnyis dang rkang pa
90a23 pa gnyis dang bshang lam gyi g.yas dang g.yon gyi rtsa gnyis dang gci ba dang khu ba'i rtsa gnyis te las kyi dbang po bcu po 'di rnams ni 'dus pa'o/ /skyes pa rnams kyi ni nye ba'i 'dus pa'o/ /sna gnyis dang rna ba gnyis
90a24 dang mig gnyis dang kha dang bshang lam las dri ma 'byung ba ste de ltar bud med rnams kyi dur khrod brgyad do/ /skyes pa rnams kyi ni nye ba'i dur khrod do zhes pa ste mtha' dag go/ de bzhin du gnyi ga'i lus la so sor
90a25 bud med skyes pa'ang skyes pa bud med min/ /gang zhig kun gyi rten gcig b+ha ga bzang mo mchog gi b+ha ga khyod la 'dud te khyod la 'dud ces pa/ /sems dpa' ni pad ma dang shes rab ste de ltar rdo rje sems dpa'o/ /
90a26 bcom ldan 'das kyis rtsa ba'i rgyud kyi rgyal po'i ye shes kyi le'u las gsungs pa/ chu skyes rdo rje shes rab thabs/ /rten dang rten par brjod pa ste/ /de dag gnyis ni snyoms zhugs pa/ /gnyis med mi 'gyur rdo rje'i sbyor/ /rdo rje rnal
90a27 'byor rnam bzhi pa dus 'khor de la phyag 'tshal bdag / /ka lA par ni sprul pa'i rgyal/ /pad dkar chu skyes 'dzin rang nyid ces pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong
90a28 phrag bcu gnyis pa dri ma med pa'i 'od las mchog tu mi 'gyur ba'i ye shes grub pa zhes bya ba'i mdor bsdus chen po ste gsum pa'o/ / / // stong pa chen po 'gyur med lnga dang / /thig le stong pa 'gyur med
90a29 drug la/ /btud nas a sogs ka sogs rnams kyi/ /dbugs kyi grangs ni dgrol bar bya'o/ /l-i sogs zhes pa la sogs pa la 'dir l-i yig la sogs pa dbyangs brgyad po gang dag dbyangs phyed kyis ni rnam par dman pa
90a30 rnams yul dang yon tan du gyur pa ste/ l-i ni dri'i yon tan du gyur pa dang u ni gzugs kyi yon tan du gyur pa dang r-i ni ro'i yon tan du gyur pa dang i ni reg bya'i yon tan du gyur pa dang a ni sgra'i yon tan du gyur pa dang a~M ni snying stobs
90a31 kyi yon tan du gyur pa dang aHni rdul gyi yon tan du gyur pa dang AM ni mun pa'i yon tan du gyur pa ste shin tu ring po'o/ /gzhom du med pa phyed kyi dbyangs ni ha zhes pa ste 'dis dman pa rnams ni phyed dang bcas pa bdun no/ /
90a32 de ltar dbyangs phyed kyis ni rnam par dman pa de rnams phan tshun dbye bas phye ba zhes pa ni so sor phyed dang bcas pa bdun gyi dbye bas phye ba ste kun 'byung gi bden pas bsgyur ba de rnams thams cad rkang pa dang bcas pa lnga bcu rtsa drug tu
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba