rKTs

e-texts navigator

Volume

Page

8b₁ gnas rdo rje'i zhabs dag bsgoms pa yis/ /de dag rnams kyi de yang rab zhi 'chi ba nyid 'gyur slar yang skye ba ldan pa min/ /gang dag nyin dang mtshan mor bud med 'grogs la rnam par chags pas
8b₂ nor kun nyams 'gyur zhing / /skye ba gzhan gyis bag chags bsgos pa'i sems las de ni slar yang mang po rab 'byung bas/ /shes rab rnal 'byor ma rnams dag gi mi mnyam mnyam pa'i zhabs
8b₃ ni sna tshogs gzugs can gang / /rgyal ba mchog gis mchod cing bstod pa bsgoms pas de ni nor kun nyams par mi 'gyur ro/ /ser skya lug dang kun dar ma ste nyi zla sgra gcan lam gsum bgrod
8b₄ rnams rnal 'byor ma/ /dngos dang dngos med rab nyams mnyam bgrod zhabs de dag ni de dag rnams kyi ye shes sku/ /de yi lhan skyes bde ba'i go 'phang 'gyur med gcig 'di de dag de nyid gang gis dran/ /
8b₅ de yi skye ba 'di la ma lus 'jigs 'phrog 'dir brjod 'bras bu myur du 'byung bar 'gyur/ /dpal ldan rnal 'byor ma rnams dag gi gnas ni rdo rje nor bu'i khyim te der 'jug lam/ /nyon mongs med cing bdud
8b₆ nyams sngon du rgyal bas gsungs pa'i stod pa bdag gis 'dir brjod do/ /skyes bu gang dag bdud kyi grogs kyis rtag tu mi bden mun par song zhing lam nyams pa/ /de dag rnams kyis lam 'di thob nas rdo rje
8b₇ nor bu'i khyim dang ring min 'ong gyur cig / du ba la sogs lam gyis lhan skyes bde ba'i go 'phang bsgoms na de ni dus 'khor lo/ /sum bcu rtsa gnyis mtshan gyis yang dag 'gro ba'i bla ma chos kyi 'khor lo
8b₈ 'di la gnas/ /lha rnams mgo yi gtsug gi nor bu'i 'od zer tshogs kyis zhabs kyi pad ma la gtugs shing / /dam pa'i lam ni ston byed nyin mor byed pa bzhin du mun pa thams cad 'joms par 'gyur/ /
8b₉ rig par bya'o/ /sku dang gsung dang thugs dang ye shes rdzogs pa brjod pa'i phyir ro/ /rten dang rten pa'i 'brel ba gsungs pas zhes pa la sogs pa ste sa'i snying po dag ni bsreg za mer 'gyur ro/ /
8b₁₀ de'i rigs can ni ma yin te sa'i yon tan gyi rang bzhin med pa'i phyir ro/ /'dzin ma dang rlung dag ni nam mkha'i snying po stong pa'i dbus na gnas pa'o/ /de'i rigs las skyes pa ni ma yin te nam mkha'i yon tan med
8b₁₁ pa'i phyir ro/ /de bzhin du rlung gi snying po dang sa'i snying po dag ni chu yin no/ /rlung gi snying po de nyid ni rang bzhin med pa rjes su 'thun pa'i gzugs kyis gnas pa ste gang dang gang du rlung yang dag par rgyu ba de dang der de dang lhan
8b₁₂ cig 'gro'o/ /sa'i nang na gnas pa gang yin pa de ni rang bzhin te sa la rko bar byed pa na gsher ba'i ngo bor mthong ngo / /'dir slar yang nam mkha' ni sa la sogs pa thams cad kyi rten te sa la sogs pa'i 'byung ba rnams ni rten
8b₁₃ pa'o/ /'dir rten dang rten pa ni rim pa bzhin du 'gyur te sa yi rten ni chu ste phyi rol du sa yi dkyil 'khor gyi rten chu yi dkyil 'khor yin pa ji lta ba de bzhin du lus la yang ngo / /'bar byed dag kyang ste me'i dkyil 'khor ni chu yi zhes pa chu'i dkyil
8b₁₄ 'khor gyi rten no/ /rlung zhes pa rlung gi dkyil 'khor ni dag par byed pa me'i dkyil 'khor dag gi'o/ /rlung gi zhes pa rlung gi dkyil 'khor gyi rten ni stong pa ste nam mkha'o/ /de ltar stong pa ni sa la sogs pa 'byung ba thams cad gyi rten du 'gyur ro/ /
8b₁₅ tshogs pa'i rten dang rten pa gsungs pa phung po zhes pa la sogs pa ste 'dir lus la phung po lnga po rnams kyi rten ni 'byung ba rnams te sa la sogs pa'i 'byung ba'i tshogs su 'gyur ro/ /de ci'i phyir zhe na/ 'dir sa la sogs pa'i rang
8b₁₆ bzhin med na ma rig pa la sogs pa'i rkyen med par 'gyur ro/ /ma rig pa dang 'du byed dang rnam par shes pa'i rkyen med na gzugs la sogs pa'i phung po med de gang gi phyir 'byung ba bzhi'i bdag nyid kyi gzugs dang khams drug
8b₁₇ bzhin du dbus kyi mgrin pa 'thon 'thing dang g.yas pa nyi ma dang mtshungs pa dmar po dang g.yas min te g.yon pa ni zla ba'i mdog can dkar po ste de ltar mgrin pa gsum mo/ /sngar gsungs pa'i rnam pas shar gyi zhal ni nag po
8b₁₈ mche ba gtsigs pa drag po dang g.yas pa ni chags pa dang bcas pa dmar po dang g.yon pa ni rab tu zhi ba dkar po dang nub ni ting nge 'dzin la gnas pa ser po'o/ /ral pa'i cod pan la sna tshogs rdo rje dang zla ba phyed pa dang rdo rje sems
8b₁₉ dpa'i dbu rgyan can rdo rje nor bu dang rdo rje rna rgyan dang rdo rje mgul rgyan dang rdo rje gdu bu dang rdo rje ska rags dang rdo rje rkang gdub dang rdo rje dar dpyangs dang rdo rje phreng ba dang stag gi lpags pa'i gos 'dzin pa'o/ /de bzhin du g.yas kyi phrag pa dang po
8b₂₀ 'thon 'thing dang gnyis pa dmar po dang gsum pa dkar po ste de bzhin du g.yon du yang ngo / /de bzhin du g.yas dang g.yon du yang dpung pa gnyis 'thon 'thing dang gnyis dmar po dang gnyis dkar po'o/ /de bzhin du g.yas dang g.yon
8b₂₁ du yang phyag bzhi nag po dang bzhi dmar po dang bzhi dkar po ste de rnams kyang 'chad par 'gyur ba'i mtshon cha dang bcas pa'o/ /de bzhin du phyag re re la sor mo lnga ste mthe bo ser po dang 'dzub mo dkar po dang gung mo dmar po dang ming med
8b₂₂ nag po dang mthe chung ljang gu'o/ /de rnams re re la tshigs gsum ste phyag gi mthil nas sor mo thams cad kyi tshigs kyi phreng ba dang po nag po dang gnyis pa dmar po dang gsum pa dkar po'o/ /de ltar phyag gi pad ma ri bong can so so la
8b₂₃ kha dog lnga ste de dag sor gdub rnams kyis 'phro ba'o/ /de ltar ma rig pa dang 'du byed dang rnam par shes pa rnams rab tu zhugs pa'i nges pa ste mngal gyi zla ba gsum pa dang gnas skabs dang po'o/ /da ni nag ces pa la sogs pas
8b₂₄ mtshon cha'i tshogs gsungs te nag po'i phyag gi 'thil bzhi la dang por rdo rje dang gnyis par ral gri dang gsum par rtse gsum dang bzhi par gri gug go/ de bzhin du dmar po'i phyag gi 'thil bzhi la dang por me yi mda' dang gnyis par rdo rje
8b₂₅ n yid gsungs te tshigs su bcad pa 'dir sa la sogs pa gang smos pa de mtha' dag 'chad par 'gyur ba las brjod par bya'o dge ba dang mi dge ba'i las kyi 'bras bu'i don du zhi ba la sogs pa bya'o zhes pa ni rdo rje slob dpon
8b₂₆ gyis so/ /slob ma rnams ni bsdu ba dag dang gang yang dkyil 'khor bri ba dag shes nas bya'o zhes pa ni nges pa'o/ /gdug pa'i slob dpon pha rol slu ba po rdzas la chags pas yongs su shes pa med par byed na dmyal
8b₂₇ bar 'gro bar 'gyur ro zhes pa ni slob dpon la rjes su bstan pa'i tshigs su bcad pa'o/ /dbang gi don du sa ni yongs brtags ces pa la sogs pa ni go sla'o/ /da ni sa yi zhes pa la sogs pas sa'i mtshan
8b₂₈ nyid gsungs te 'dir 'jig rten gyi tha snyad kyis dngos po rnams kyi rigs rnam pa bzhi'o/ /de yang kha dog bzhis rig par bya ste dmangs rig+sa la sogs pa rnams kha dog nag po la sogs pas so/ /'dir 'jig rten kun rdzob kyis kha dog nag po'i sa ni
8b₂₉ dmangs rigs so/ /ser po ni rje rigs dang dmar po ni rgyal rigs dang dkar po ni bram ze'i rigs so/ /de bzhin du dri las te rmag gi dri ni dmangs rigs so/ /lan tshwa'i dri ni rje rigs dang pad ma'i dri ni rgyal rigs dang mchog gi dri ni bram ze'i
8b₃₀ rigs te rim pas so/ /de bzhin du ro las te skyur ba dang lan tshwa'i ro ni dmangs rigs so/ /mngar dang tsha ba zhes pa la mngar ba'i ro ni rje rigs dang tsha ba'i ro ni mi bdag gi rigs te rgyal rigs dang gzhan pa'i ro kha ba rang
8b₃₁ ska ba dag ni gnyis skyes kyi rigs so zhes pa ste ro las rigs nges pa'o/ /da ni zhi ba la sogs pa'i don dus gsungs pa dkar po zhes pa la sogs pa ste 'dir zhi ba dang rgyas pa sa la dkar po dang bsad pa dang bskrad
8b₃₂ pa la kha dog nag po dang dbang dang dgug pa la dmar po dang rengs pa dang rmongs pa la ser por 'gyur ro/ /yang yig las dug gzhil ba la sogs pa la yang rim pa ji lta bas te nges pa'o/ /'dir las kyi cha ni
8b₃₃ bzhin gyi sems kyis sna tshogs pa spro bar byed pa ji lta ba de bzhin du gtso bo'i yang khams drug gi dbye ba'o/ /dag par zhes pa dpral ba'i 'khor lor yang dag dag pa'i chu las zhes pa sgrib pa med pa chu'i khams dang
8b₃₄ ' du shes kyi phung po las lha'i tshogs ri bong 'dzin pa ltar dkar pad ma'i mtshan ma can spro ba ni 'di lta ste 'od dpag med dang mA ma kI dang pad ma mthar byed dang mi g.yo ba dang nga rgyal ma dang tsun dAs 'jig rten dbang phyug dang
8b₃₅ g zugs rdo rje ma dang drag mo dang dpal mo dang rgya mtsho dang tshogs kyi dbang po dang klu mtha' yas dang rigs ldan dang stag gdong ma dang 'ug gdong ma ste de ltar lha 'di rnams g.yon gyi zhal nas zhes pa sku'i zhal dkar
8b₃₆ po nas mchog gi snying rje yis ni spros pa'o/ /zhes pa ni bcom ldan 'das dus kyi 'khor lo'i nges pa'o/ /'dir snang ba mtha' yas la rnam par shes pa dang lha'i tshogs la snang ba mtha' yas kyis rgyas btab pa pad ma'i
8b₃₇ mtshan ma can zhi ba dang rgyas pa'i las kyi dngos grub ster ba chu'i kha dog las dkar po ste de ltar snang ba mtha' yas kyi rigs kyi lha spro ba dang bsdu ba ni so sor rtog pa las so/ /da ni don yod grub pa'i rigs spro ba gsungs pa
8b₃₈ c hos la zhes pa la sogs pa ste 'dir snying kha chos kyi 'khor lor yang dag dag pa'i rlung gi khams dang dag pa'i 'du byed las ral gri'i mtshan ma can lha'i tshogs kha dog nag po ni 'di lta ste don yod grub pa dang sgrol ma dang bgegs mthar
8b₃₉ b yed dang dbyug sngon can dang shin du stobs ma dang rdo rje lcags sgrog ma dang nam mkha'i snying po dang reg bya rdo rje ma dang tsar tsi kA dang khyab 'jug ma dang rlung lha dang bden bral dang pad ma dang stobs kyi rgyu dang bya rog gdong ma dang khyi gdong
8b₄₀ ma ste 'di rnams ni byams pa'i thugs kyis srid pa gsum gyi bdag pos shar gyi zhal nas zhes pa thugs kyi zhal nas spros pa'o/ /'dir don yod grub pa la rnam par shes pa dang lha'i tshogs la don yod grub pas rgyas btab

_{iiif viewer powered by OpenSeadragon}

8a - 9a

Texts on this page