rKTs

e-texts navigator

Volume

Page

87a₁ bsres la rnam par sbyang zhes pa ni/ 'dir skar ma'i longs spyod tha skar la sogs pa la gdon mi za bar bu lon sbyang bar bya ste gal te bu lon gyi phung po lhag pa dang bcas shing longs
87a₂ spyod kyi phung po dman par gyur na/ de'i tshe 'khor lo bsres la rnam par sbyang ngo / /'khor lo ni skar ma nyi shu rtsa bdun gyi tshogs te/ de dag bsres la bu lon rnam par sbyang ngo zhes pa'i don to/ /'khor
87a₃ lo phyed ni dor bar bya ste zhes pa ni 'dir gal te sbyangs pa'i lhag ma 'khor lo phyed du gyur na/ de'i tshe dor bar bya ste phyed pas lhag par gyur na'ang 'dir lhag ma gang yin pa/ phyed pas lhag par gyur na'o/ /
87a₄ dor ba'i lhag ma de ni rim pa min par 'gyur ro/ /gza' thams cad kyi dal ba'i las la rim pa min pas nor du 'gyur te rim pas ni bu lon no/ /skar ma drug bcus bsgyur te chu tshod dag dang
87a₅ rab ldan par gyur pa zhes pa ni chu tshod kyi tshogs kyi don du rgyu skar gyi tshogs drug bcus bsgyur bar gyur pa la 'og na gnas pa'i chu tshod kyi tshogs steng du ldan par 'gyur ro/ /'byung me zla bas
87a₆ bgo khyim gyi rkang pa'i don du chu tshod kyi phung po la brgya sum bcu rtsa lngas bgo ste gang thob pa de khyim gyi rkang par 'gyur ro/ /dal ba'i las dag la yang nor dang bu lon dag ni rim pa
87a₇ min dang rim pas so/ /grangs bzhin du rig par bya'o/ /'dir khyim rgyu ba'i rkang pa ni de nyid ces pa skye ba nas khyim dang po la nyi shu rtsa lnga'o/ /gnyis pa la bcwa brgyad do/ /
87a₈ gsum pa la ri zhes pa bdun te khyim snga ma gsum la'o/ /de nas 'khor lo phyed kyi phyed gzhan la ni khyim bzhi pa la bdun no/ /lnga pa la bcwa brgyad do/ /
87a₉ da ni dbang phyug gi 'dod pa sun dbyung ba gsungs pa gal te zhes pa la sogs pa ste 'dir gal te thams cad byed po dbang phyug yod par gyur na de'i tshe longs spyod pa po yang gzhan ma yin te ji ltar gzhan gyis khur ba zos pas gzhan
87a₁₀ skom pas 'chi bar 'gyur/ de ltar yang ma yin no/ /gang gis byed pa de ni byed pa po ste gang bya ba de ni las so/ /las byas pa de'i 'bras bu longs spyod pa po ni las byed pa po'o/ /las med na byed pa po mi 'grub ste dper na
87a₁₁ bum pa byed pa'i phyir bum pa mkhan no/ /de bzhin du gang gis las byed pa de ni byed pa po zhes rigs so/ /smras pa/ dbang phyug rang dbang du las kyi byed pa po min te rab tu sbyor ba po yin no zhe na/ smras pa/ 'dir gal te las byed pa
87a₁₂ po ma yin na de'i tshe kun nas thams cad byed pa po zhes pa don med par 'gyur ro/ /'dir gal te byed pa po bskul bar gyur pa na las byed na de'i tshe byed pa po'i gzhan dbang nyid do/ /gang gi gzhan dbang nyid du gyur pa des 'gal ba'i las
87a₁₃ byas par gyur na rab tu sbyor ba pos ji ltar tshar gcod par byed/ rang dbang nyid med par rang dbang nyid du dbang phyug gis khyab pa'o/ /de ltar byed pa por smra ba rnams la las kyi 'bras bu med par grub ste de ltar yang ma yin no/ /de'i
87a₁₄ phyir dge dang mi dge'i 'bras ster byed po dbang phyug 'ga' yang med de srog chags las ni dor nas so zhes pa ste byed pa po med par rang gi las kyi 'bras bu la nye bar longs spyod pa grub bo/ /da ni rang dbang gi byed po gzhan
87a₁₅ la ltos pa nyid du gsungs pas zhes pa la sogs pa ste 'dir ni gal te mkha' la ste nam mkha' la sa la sogs pa'i rdul phran rnams byed po'i dang por yod pa min no/ /de'i tshe rdzas dag med pa la ni sna tshogs mi byed te yul dang
87a₁₆ rnam par bral ba cha med pa la thams cad byed po ji ltar yod/ yul dang rnam par bral ba byed po 'di yi sgrub byed kyi tshad ma mngon sum dang lkog tu gyur pa med pa gang yin pa de'i phyir rdzas yang dag par sbyor ba nyid las rgyu ba dang mi
87a₁₇ ldan 'das ma dang bcas pa sum bcu rtsa bdun no/ /de bzhin du sum bcu rtsa drug khams kyi dbye ba ste a A i I r-i r-I u U l-i l-I a~M aH a A e A+ai ar Ar o au al Al a~M aH ha hA ya yA ra rA wa wA la lA
87a₁₈ haM haH zhes pa sum bcu rtsa drug ste/ 'di rnams ni mtha' dag srid pa la gnas rigs rnams dang mtshan ma sum bcu rtsa drug dang phyag rgya sum bcu rtsa drug go/ de bzhin du dbyangs dang bcas pa'i yi ge so sos bskyed pa rnams ni rnal 'byor
87a₁₉ gyi rgyud sum bcu rtsa drug go/ de bzhin du rnal 'byor ma'i rigs kyi rgyud rnams te/ bcom ldan 'das ma dang bcas pa thams cad sum bcu rtsa bdun gyi bdag nyid du rig par bya'o/ /zhes pa ni sa gzhi dag la gnas pa rnams zhes pa
87a₂₀ ste nges pa'o/ /lhag ma rnams ni dag pa'i rigs su mi 'gyur te/ gsal byed sna tshogs kyi chos can nyid kyi phyir ro/ /de ltar rigs sum bcu rtsa drug gi dkyil 'khor bri ba dang rnal 'byor ma rnams mchod pa ni nya so so la bya'o zhes
87a₂₁ pa de bzhin gshegs pa'i nges pa'o/ /da ni chu dang zhes pa la sogs pas 'khor lo 'dus pa la mchod yon la sogs pa gsungs te/ chu'i snod dang mchod yon gyi snod dang dri'i snod dang spos kyi snod dang me tog gi snod dang
87a₂₂ 'bras bu'i snod dang 'bru ma nyams pa'i snod dang mar me'i snod dang lha bshos kyi snod dang gos kyi snod te de ltar mchod pa'i rdzas rnam pa bcu ni tshogs kyi 'khor lo la 'dus pa dang dkyil 'khor gyi 'khor lo la mchod pa'i don du'o/ /
87a₂₃ de bzhin du nang gi rdzas rnam pa bcur 'gyur te khu ba dang gci ba dang rkang dang bshang ba dang sha dang mchin pa dang mkhris pa dang khrag dang rgyu ma dang lpags pa ste rnam pa bcu ni 'khor lo 'dus pa la lha mo rnams mchod pa'i don du 'gyur ro/ /
87a₂₄ rgyal po zhes pa ni bod pa'o/ /da ni sgrol ma la sogs pa'i rigs las skyes pa rnams kyi mtshan ma sum bcu rtsa drug gsungs te 'dir tshogs kyi 'khor lo la zhugs pa rnams sam/ grong ngam grong khyer du gnas pa'i
87a₂₅ bug pa rang gi dbang po rnams kyis mthong ma yin zhes pa'o/ /de bzhin du lha'i bu'i bdud kyang le'u lnga pa'i tshigs su bcad pa brgyad bcu rtsa drug pas gsungs pa/ srid pa gsum gyi bdag pos drag po'i las
87a₂₆ kyis rang bzhin du ma'i sngags rnams rab tu gsungs pa gang / /de rnams thams cad bdud kyi phyogs nyams 'jigs pa skyed byed yin gyi srog chags rnams la nam yang min/ /gang zhig dran pa rnams dang byed po g.yul gyi
87a₂₇ yul la dga' zhing gsod byed gzhan yang mu steg pa/ /de rnams la ni mchog gi rgyal sras rnams kyis srog chags bsrung ba'i don du de rnams sbyar bar bya zhes pa ste bcom ldan 'das kyi gsung 'di'i phyir bdud kyi tshig rnams
87a₂₈ kyis ma rig pa'i 'jug pa ni rnal 'byor pas mi bya'o/ /de bzhin du sems can rnams kyi rang gi sems kyi bag chags la so sor snang ba ni bcom ldan 'das rdo rje sems dpa' ste 'di ltar sems can rnams kyi so so'i snang ba la
87a₂₉ bcom ldan 'das nyid bsod nams kyi phung po dang sdig pa'i phung por ro/ /bcom ldan 'das kyis ye shes kyi le'u yi rnam pa lnga'i bstod pa las tshigs su bcad pa bzhi pas gsungs pa 'di lta ste/ sems tsam sngags kyi ngo lha
87a₃₀ bo lha yis yongs su bskor ba sdug bsngal dang ni bde ba'i rang bzhin te/ /dam pa rnams la zhi ba'i gzugs ni rang gis byas pa'i nyams myong mi bzad rnams la mi bzad pa/ /gang gis las gang rab byas rang gi sems la
87a₃₁ cho ga bzhin du de yi 'bras bu de skyed pa/ /'jig rten dbang po sna tshogs gzugs can srid gsum skyed mdzad rdo rje sems dpa' la yang phyag 'tshal lo zhes pa'o/ /de'i phyir sems can rnams kyi rang gi sems kyi bag
87a₃₂ chags kyi snang ba ni rdo rje sems dpa' dang bdud te bcom ldan 'das la bdud med do/ /lus dang ngag dang sems dang ma rig pa'i bdud sngar brjod pa 'di rnams kyi skyed par byed pa ni 'gyur ba'i skad cig ste 'dod pa'i lhar mngon par

_{iiif viewer powered by OpenSeadragon}

86b - 87b

Texts on this page