rKTs

e-texts navigator

Volume

Page

86b₁ gsal ba'i nyin zhag tshogs te ri klu dus kyis bgos pa yis/ nyin zhag gi tshogs de yang mig dmar gyi dkyil 'khor nyin zhag drug brgya brgyad bcu rtsa bdun gyis bgos pa'o/ /'di las mig dmar gyi yongs
86b₂ su bskor ba shes nas lhag ma skar mas bsgyur zhes pa nyi shu rtsa bdun gyis bsgyur ba las slar yang ri klu dus rnams kyis thob pa ni skar mar 'gyur ro/ /nam mkha' ro drug bcu yis bsgyur ba las kyang ri la sogs
86b₃ pa rnams kyis thob pa ni chu tshod te mig dmar gyi longs spyod la thob par 'gyur ro/ /chu srang la sogs pa ni sngar brjod pa'i cho gas so/ /'dir gza' thams cad kyi longs spyod kyi gnas rnam pa lngar
86b₄ 'gyur te/ khyim gyi gnas dang / skar ma'i gnas dang / chu tshod kyi gnas dang / chu srang gi gnas dang / dbugs kyi gnas rnams 'og nas 'og tu 'gyur ro/ /dbugs kyi gnas su
86b₅ dbugs drug las lhag pa mi gnas te drug gi chas thob pa ni chu srang la gzhug go/ chu srang ni drug bcu las lhag par mi gnas te drug bcu'i chas thob pa ni chu tshod kyi phung por gzhug go/ chu tshod
86b₆ rnams kyang de bzhin du rgyu skar gyi phung por gzhug go/ skar ma ni las gnyis la phyed dang bcas pa'i bcu gsum pas lhag par mi gnas shing khyim drug tu gnas so zhes bya ba ni nges pa'o/ /da ni mig
86b₇ dmar dag pa gsungs pa mig dmar la ni phyed bcas dgu sbyang zhes pa ste/ 'dir mig dmar gyi skar ma la sogs pa'i longs spyod tha dad du byas te mig dmar gyi longs spyod gcig la skye ba'i rkang pa gzung ba'i
86b₈ don du skar ma dgu sbyang bar bya'o/ /phyed bcas zhes pa ni chu tshod sum bcu chu tshod kyi gnas nas sbyang bar bya'o/ /tha skar la sogs pa'i skar ma'i longs spyod la gal te bu lon lhag na 'khor lo
86b₉ las gzhin pa ci/ 'dir tshangs pa'i kha las bram ze rnams skyes pa ni bden par grag go/ de'i phyir bdag gis dri bar bya'o/ /bram ze mo rnams kyang de las skyes par gyur tam ci/ gal te gyur na de'i tshe sring mor 'gyur te skye gnas
86b₁₀ gcig las skyes pa nyid kyi phyir ro/ /de bzhin du rgyal rigs la sogs pa rnams kyang ngo / /de'i phyir sring mo dang lhan cig bag ma ji ltar byed/ ci te byed na de'i tshe kla klo'i chos la zhugs so/ /kla klo'i chos la zhugs na rigs
86b₁₁ nyams te rigs nyams pa las dmyal bar 'gyur ro/ /zhes pa ni rigs pa'o/ /gzhan yang rnam par dpyad par bya ste 'dir gal te skye dgu rnams gcig gis bskyed pa yin na de'i tshe rigs bzhir ji ltar 'gyur/ dper na pha gcig
86b₁₂ gi bu bzhi bzhin te de dag ni rigs so so so so ma yin no/ /de bzhin du rigs rnams kyang ngo / /ci ste tshangs pa'i kha la sogs pa'i dbye bas tha dad na/ de'i tshe de nyid rigs pas mi 'thad de ji ltar u dum bA ra'i 'bras bu rtsa ba dang rked pa
86b₁₃ dang rtse mo las skyes pa rnams tha dad med pa de bzhin du skye dgu rnams kyang ngo / /gzhan yang dkar po dang dmar po dang ser po dang nag po'i kha dog gi dbye bas tha dad pa ni ma mthong ngo / /de bzhin du khams dang dbang po dang bde ba dang sdug
86b₁₄ bsngal dang rigs pa dang lung la sogs pa'i dbye ba ma mthong ba gang yin pa de'i phyir rigs nges pa med pa'o zhes grub bo/ /de bzhin du a shwa me d+ha la sogs pa'i mchod sbyin gyi 'bras bu shu kas sun phyung ba 'di lta ste/ mchod sdong
86b₁₅ bcad cing phyugs bsad de/ /khrag 'dam byas nas mtho ris su/ /gal te 'gro ba de lta na/ /dmyal bar gang gis 'gro bar 'gyur zhes pa shu ka'i tshig tu rab tu grags so/ /de'i phyir rig byed rang byung ma yin zhing kha la sogs pa skye
86b₁₆ bo'i skye gnas dang a shwa me d+ha las gzhan pa mchog gi chos med pa ma yin te tshangs pa'i 'dod pa thams cad rnam par dpyad na don med pa'i rab tu smra ba'o/ /khyab 'jug pa'i 'dod pa ni dbang phyug dang lhan cig sun dbyung bar bya'o/ /
86b₁₇ ma la sogs pa lha min mo rnams kyi mchog gi 'dab chags brgyad du 'gyur ro/ /de ltar sum cu rtsa drug rigs kyi dbye bas sa yi srid pa la gnas sa spyod mkha' la spyod rnams kyi rigs su gyur pa'i dam tshig ste dam tshig
86b₁₈ bdun cu rtsa gnyis po mtha' dag rnams ni mchod pa'i dus su rnal 'byor pas bza' bar bya'o/ /de rnams kyang rnal 'byor ma rnams kyis byin te rmongs pas gti mug dag las gal te tshogs kyi 'khor lo la dam tshig byin pa rnams
86b₁₉ spangs na de'i tshe myur du nyams par rab tu 'gyur te smad pa'i sems kyis so/ /da ni so dang zhes pa la sogs pas lus kyi cha shas kyi dam tshig gsungs te so dang skra dang pags pa dang sha dang chu rgyus dang rus pa dang
86b₂₀ s nying dang pad+ma zhes pa skye gnas dang shig dang ba spu dang srin bu dang glo ba dang rgyu ma dang chu so dang bad kan dang mkhris pa dang chu dang rnag dang khrag dang rdul dang tshil dang mchi ma dang mchil ma dang snabs dang dri chu dang
86b₂₁ chu ser dang zhag dang bshang ba rnams te/ sna tshogs lus la gnas pa zhes pa sems can rnams kyi lus la gnas pa'i kha dog sna tshogs dang dri sna tshogs dang / lce dang mig dang rna ba dang sna dang ri bong can zhes pa
86b₂₂ khu ba dang nyin byed ces pa rdul te dam tshig gi rdzas 'di rnams kyis lha rnams mchod par bya ste/ tshogs kyi 'khor lo la rnal 'byor pa rnams kyis so zhes pa ni nges pa'o/ /sum cu rtsa
86b₂₃ drug yi ge rnams ni de dag gi rang gi rang bzhin yon tan dbang gis zhes pa nam mkha' la sogs pa'i khams kyi dbang gis te/ nga g+ha ga kha ka /nya dz+ha dza tsha tsa/ Na D+ha Da Tha Ta/ ma b+ha ba pha pa/ na d+ha da tha ta/
86b₂₄ th+ka sha Sha sa/ ha ya ra wa la k+Sha zhes pa'o/ /'di rnams ni byang chub kyi phyogs kyi chos rnams kyang ste bcom
86b₂₅ kyi de lta bu la sogs pa'i ma rig pa'i 'jug pa ni lha'i bu'i bdud kyi tshig gis so/ /'dir gal te skye ba gzhan gyi bsod nams dang sdig pa dag ma gtogs par lha'i bu'i bdud kyi tshig rnams kyis sems can rnams kyi dge ba dang mi dge
86b₂₆ bar 'gyur na de'i tshe sngar bsags pa'i dge ba dang mi dge ba thams cad don med par 'gyur te gza' la sogs pa'i stobs dang stobs ma yin pa nye bar longs spyod pa'i phyir ro/ /de ltar yang ma yin no/ /de bzhin du 'khrul pa yang
86b₂₇ mthong ste/ dus sbyor las ni sI ta bde/ /ldan min gnam stong drin gyis ni/ /'thab dka' rnam par rgyal min te/ /'jigs sde yis ni phye mar brlags/ /'thab mo'i sar ni dpung gnas gang / /srid bsgrub la ni
86b₂₈ bsnun 'dod pa/ /de rnams srid sgrub mda' yis phug /phyogs rnams kun du brlag par gyur/ /de'i phyir sngon gyi dge ba dang mi dge ba'i las kyi 'bras bu sems can rnams kyis longs spyad par bya'o/ /de bzhin du bcom ldan
86b₂₉ 'das kyis gsungs pa/ lus dang ngag dang yid kyi las/ /dge dang mi dge gang byed pa/ /de 'bras sems can longs spyod te/ /lha gzhan 'bras bu ster ba min zhes so/ /ci ste gang zhig lha'i drin du mthong ba yang sems
86b₃₀ can rnams kyi sngon gyi bsod nams kyi stobs kyis yin gyi sdig pa'i stobs kyis ni ma yin no/ /bsod nams kyang sems can la phan btags pa las 'gyur gyi lha dang pha mes kyi bya ba la srog bcad pa las ni ma yin no/ /
86b₃₁ bcom ldan 'das kyis nang gi le'u las tshigs su bcad pa brgyad bcu rtsa dgu pas las kyi 'bras bu gsungs pa 'di lta ste/ de phyir byed po 'ga' yang srog chags rnams kyi bde dang sdug bsngal dag ni mi sbyin mi 'phrog ste/ /
86b₃₂ 'khor ba dag tu rnam pa gsum po gang byas sngon gyi las ni 'bras bu rab tu sbyin par 'gyur/ /skyed dang sdud pa'i byed pa po 'di ster zhing de ni 'phrog pa rmongs pa rnams kyi blo yin te/ /lus la dpag med dge ba 'phrog par byed pa'i

_{iiif viewer powered by OpenSeadragon}

86a - 87a

Texts on this page