rKTs

e-texts navigator

Volume

Page

85a₁ zla ba nyi mas sbyang bar bya/ /zla bas dmig dmar la sogs so/ /tshigs 'tshams dkar po nag po la/ /tshes grangs gnyis ka'i dbus su ni/ /zla ba
85a₂ nyi ma rnam 'joms pa/ /sgra gcan 'jug pas tshes grangs so/ /te ltar thams cad yongs shes nas/ /grub mtha'i longs spyod rnam pa gzhan/ /rnam gzhan nyung ngu'i
85a₃ byed la sogs/ /'di las ma dag rnam par spangs/ /zhes so/ /de ltar brjod pa'i rim pas rgyud kyi rgyal po mchog gi dang po'i/ sangs rgyas las grub pa'i/ mtha'i mtshan nyid gsungs so/ /
85a₄ bsdus pa'i rgyud kyi rgyal po las/ grub pa'i mtha' rnams rnam par nyams zhes pa'i tshig gis bsdus te/ rgyud las gsal por ma mdzad do/ /de ci'i phyir zhe na/ 'dir mu stegs
85a₅ pa rnams kyis bsdus pa'i rgyud kyi rgyal po mthong ste/ nyi ma'i longs spyod rnam par dag pa mthong nas/ bdag cag gi byed pa la yang nyi ma'i longs spyod rnam par dag pa yod do/ /zhes rang gi byed pa'i
85a₆ nang du 'bri bar 'gyur te/ rgyu des na 'grel bshad la ltos nas gsal por ma mdzad do/ /da ni nyin mo dang mtshan mo 'phel ba dang 'grib pa gsungs pa zla drug 'phel dang / 'grib pa zhes pa ste/ grangs
85a₇ bzhin du 'phel ba dang 'grib pa gnyis su 'gyur ro/ /nyin dang mtshan mo dag kyang zhes pa ni nyin mo dang mtshan mo dag go/ nyi ma rab tu rgyu bas so zhes pa ni nyi ma byang du rgyu ba dang / lhor rgyu bas
85a₈ ni nyi ma rab tu rgyu bas so/ /chu gter srog dang chu srang me ni nyin zhag so so'i dus su 'phel 'grib bgrod pa'i yan lag gis/ tshad 'di ni kai la sha'i byang gi cha kha ba can gyi bar du ste nyin zhag so so la dbugs bzhi
85a₉ 'gyur ro zhes pa de ni rah+ma Na yi bstan pa ste bya ba ni sngar brjod pa'o/ /stag gzigs gi 'dod pa nges pa'o/ /da ni zad byed pa rnams kyi 'dod pa gsungs pa dus gsum zhes pa la sogs pa ste 'dir zad
85a₁₀ byed pa'i grub pa'i mtha' smra ba la rdzas dang rnam grangs dag gis rtag pa dang mi rtag pa'i tha snyad du 'gyur ro/ /de la dus gsum nyid dang zhes pa ni 'das pa dang ma 'ongs pa dang da ltar byung ba'o/ /rdzas ni drug ste zhes pa ni srog dang
85a₁₁ gang zag dang dus dang nam mkha' dang bsod nams dang sdig pa'o/ /'di dag gi nang nas srog dang dus dang nam mkha' ni rtag pa'o/ /tshig dgus bsgrubs dang zhes pa ni srog dang srog ma yin pa dang zag pa dang sdom pa dang spangs pa
85a₁₂ dang bcings pa dang thar pa dang 'gro ba dang 'ong ba'o/ /srog ni drug gi lus la cha shas so zhes pa ni sa'i lus la cha shas dang chu'i lus la cha shas dang me'i lus la cha shas dang rlung gi lus la cha shas dang nags kyi bdag po'i lus
85a₁₃ la cha shas dang 'bru'i lus la cha shas so zhes pa ste lus drug la srog rnams kyi cha shas so/ /gzhan ni yod pa'i lus lnga zhes pa ni kha zas can gyi lus dang 'od kyi lus dang rang bzhin can gyi lus dang brdzus skyes kyi lus dang
85a₁₄ mtha'i lus so zhes pa ni srog rnams kyi'o/ /brtul zhugs sdom pa 'gro dang ye shes spyod pa dag gi dbye ba rnams zhes pa la zad byed pa rnams kyi brtul zhugs ni lnga ste/ dang po 'tshe ba med pa dang gnyis pa bden par smra ba dang
85a₁₅ gsum pa byin pa len pa dang bzhi pa tshangs par spyod pa dang lnga pa yongs su bzung ba thams cad yongs su gtong ba'o/ /sdom pa ni lnga ste/ spyod lam gyi sdom pa dang / skad kyi sdom pa dang yongs su tshol ba'i sdom
85a₁₆ pa dang blangs pa mi 'dor ba'i sdom pa dang nye bar rab tu gnas pa'i sdom pa'o/ /'gro ba'i dbye ba ni lnga ste/ dmyal ba dang dud 'gro dang mi dang lha dang thar pa'i 'gro ba'o/ /ye shes kyi dbye ba ni lnga ste/
85a₁₇ mi mo ni gzugs rdo rje ma dang srin mo ni ro rdo rje ma dang klu mo ni reg bya rdo rje ma'o/ /de la bzang mo sems can phan pa byed ma brtul zhugs nges pa la dga' sdom dang bsam gtan dang tshul can/ lha mo longs spyod la ni rjes chags
85a₁₈ 'gyur te dri ma ldan zhing lhag ma la chags sha za mo/ /mi mo 'dod la rjes su chags ma srin mo mi yi khrag la dga' zhing gsod pa'i sems ma ste/ klu mo dag kyang 'o ma'i zas can rab mchog sa yi steng du rnal 'byor pa yis mchod par bya
85a₁₉ ste thams cad du gnas dang nye ba'i gnas la sogs pa rnams su'o zhes pa ni nges pa'o/ /de bzhin gzhan pa 'dres pa'i rang bzhin rnams ni rang bzhin yon tan dbang gis rnal 'byor pa yis rigs par bya ste tsa kA la sogs pa rnams dang 'dod
85a₂₀ ma dang phyir 'dod ma la sogs pa'i rang bzhin gyis sgrub thabs kyi le'u las 'chad par 'gyur ba'i cho gas so/ /de ltar sa yi steng gi gnas su mkha' spyod sa spyod rnams ni sum bcu rtsa drug dbye bas phye ba'o/ /da ni chang zhes pa la sogs
85a₂₁ pas ston pa po'i btung ba'i nges pa gsungs pa 'dir chang thams cad shes rab kyi rang bzhin te sbrang rtsi las skyes pa dang bu ram las skyes pa dang 'bras las skyes pa 'am shing las skyes pa 'am gzhan pa'o/ /phyag rgya dang bral slob dpon gang
85a₂₂ zhig 'thung byed de ni yul can du 'gyur te myos par 'gyur ro zhes pa'i don te bdud kyi tshogs kyis bskor bar 'gyur ro/ /de phyir shes rab lhag ldan sdig pa'i dri ma 'phrog cing sngags pa rnams la dngos grub sbyin par 'gyur zhes pa'o/ /phyag rgya gang su
85a₂₃ rung ba chang 'thung ba'i dus 'dir ni dkyil 'khor dang tshogs kyi 'khor lo med cing dam tshig gi rdzas dang rnam par bral yang btung ba'i slad du rab tu bya ste rdo rje mchod pa'i don du'o zhes pa ni nges pa'o/ /gang gis rnal 'byor pa rnams kyi dam tshig bzhi po
85a₂₄ bsten par gyur pa de'i yon tan gsungs te rgyal po ri bong mtshan ma gcig pu 'chi ba'i 'jigs 'phrog byed pa thams cad dus su bsten par bya zhes pa mi 'pho ba'i bde ba'o/ /shes rab chos 'byung la gnas nyin mor byed pa dang bcas pa'i
85a₂₅ rol lo zhes pa zla ba gsum gyi bdag nyid ni chen po'i chen po'i gnas skabs so/ /de ltar lus dang ngag dang sems dang ye shes kyi dbye ba ste ye shes kyi dang po chung ngu'i gnas skabs dang lus kyi bzhi par rig par bya'o/ /
85a₂₆ bcom ldan 'das kyis rgyud kyi rgyal po'i lnga pa ye shes kyi le'u las tshigs su bcad pa brgya bdun bcu pas gsungs pa 'di lta ste/ las ni nyon mongs las te de las sdug bsngal du 'gyur nyon mongs nyid ni rang gi sdug bsngal
85a₂₇ las/ /'di ni 'khor ba'i 'khor lor 'khyam pa rgyu dang 'bras bu mnyam pa dag ste sems can gzhan pa med/ /stong pa rnams las phung po'i chos rnams 'dir ni 'chi ba'i mtha' ru de rnams las kyang stong pa rnams/ /
85a₂₈ kha thon mar me chu dang me tog sgra dang me shel skyur ba sa bon rnams kyis shes par bya zhes pa ste kha thon la sogs pa'i dpe 'di rnams kyis phung po rnams kyi skye ba dang 'gag pa rig par bya'o/ /ji ltar kha thon la mkhan po'i
85a₂₉ rig pa zad pa ma yin zhing slob mas thob pa med pa ma yin no/ /de bzhin du mar me las mar me 'byung ngo / /chu la yang zla ba las zla ba dang me tog las gos la dri dang nyi ma las me shel la me dang sgra las sgra brnyan dang skyur ba las
85a₃₀ lce 'dzag pa dang sa bon las myu gu'o/ /de bzhin du phung po rnams kyi 'tshams sbyor ba ni 'gyur ba'i 'dod chags kyi bag chags kyi dbang gis so/ /bcom ldan 'das kyi gsungs 'di'i phyir 'khor ba'i 'khor lo ni 'gyur ba'i
85a₃₁ 'dod chags te ma rig pa'o/ /'dir gang gi tshe 'gyur ba'i 'dod chags nyams pa de'i tshe mchog tu mi 'gyur bar 'gyur te mchog tu mi 'gyur ba ni 'dod chags chen po'o/ /'dod chags chen po las chags bral nyams pa ste
85a₃₂ chags bral zhes bya ba ni zhe sdang ngo / /zhe sdang zad pa las zhe sdang chen por 'gyur ro/ /zhe sdang chen po las brgyal ba zhes bya ba gti mug nyams pa'o/ /gti mug nyams pa las gti mug chen por 'gyur ro/ /'dod

_{iiif viewer powered by OpenSeadragon}

84b - 85b

Texts on this page