rKTs

e-texts navigator

Volume

Page

81b₁ bdun pa la ga ra dza~M dang ba ni dza~M mo/ /brgyad pa'i phyed snga ma la biSh+Ti'o/ /brgyad pa'i phyed phyi ma la ba ba~M mo/ /dgu pa'i phyed snga ma dang phyi ma la bA la ba~M dang kau la ba~M mo/ /bcu pa'i phyed snga ma dang phyi ma la tai ti la~M dang ga ra dza~M mo/ /
81b₂ bcu gcig pa'i phyed snga ma dang phyi ma la ba ni dza~M dang biSh+Ti'o/ /slar yang bcu gnyis pa'i phyed snga ma dang phyi ma la ba ba~M dang bA la ba~M mo/ /bcu gsum pa la kau la ba~M dang tai ti la~M mo/ /bcu bzhi pa la ga ra dza~M dang ba ni dza~M mo/ /
81b₃ zla ba nya ba'i phyed snga ma la biSh+Ti'o/ /phyed phyi ma la ba ba~M mo/ /nag po'i tshes gcig gi phyed snga ma dang phyi ma la bA la ba~M dang kau la ba~M mo/ /gnyis pa'i phyed snga ma dang phyi ma la tai ti la~M dang ga ra dza~M mo/ /gsum pa'i phyed snga ma
81b₄ dang phyi ma la ba ni dza~M dang biSh+Ti'o/ /de bzhin du bzhi pa la ba ba~M dang bA la ba~M mo/ /lnga pa la kau la ba~M dang tai ti la~M mo/ /drug pa la ga ra dza~M dang ba ni dza~M mo/ /bdun pa'i phyed snga ma la biSh+Ti'o/ /phyed phyi ma la ba ba~M mo/ /brgyad
81b₅ pa la bA la ba~M dang kau la ba~M mo/ /dgu pa la tai ti la~M dang ga ra dza~M mo/ /bcu pa'i phyed snga ma dang phyi ma la ba ni dza~M dang biSh+Ti'o/ /de bzhin du bcu gcig pa la ba ba~M dang bA la ba~M mo/ /bcu gnyis pa la kau la ba~M dang tai ti la~M mo/ /bcu gsum
81b₆ pa la ga ra dza~M dang ba ni dza~M mo/ /bcu bzhi'i phyed snga ma la biSh+Ti ste byed pa bdun yongs su longs spyod do/ /de nas nag po'i bcu bzhi'i phyed phyi ma la sha ku ni'o/ /gnam stong gi phyed snga ma la rkang bzhi'o/ /phyed phyi ma la klu'o/ /
81b₇ dkar po'i tshes gcig gi phyed snga ma la ki~M stu g+h+na~M ngo / /phyed phyi ma la slar yang ba ba~M mo/ /de ltar na byed pa bcu gcig ste yan lag lnga'i rim pa'o/ /tha skar dang bra' nye dang smin drug gi rkang pa gcig ni lug la'o/ /de bzhin du
81b₈ rkang pa dgu dgu ni lug la sogs pa'i khyim bcu gnyis por rig par bya'o/ /mig dmar dang pa ba sangs dang gza' lag dang zla ba dang nyi ma dang gza' lhag dang pa ba sangs dang sa skyes dang bla ma dang spen pa dang nyi ma'i bu dang /
81b₉ ' khyog por 'gyur ba dang kha 'am gsang ba 'am bshang lam dag las khrag 'dzag par 'gyur ba te 'di 'dra ba'i mtshan nyid mthong nas yul de la mchod pa bya ba min te gal te byed na de'i tshe sngags pa rmongs pa rnams chags
81b₁₀ pa las chung ba nyid du 'gyur ro/ /ci'i phyir zhe na gang gi phyir de ni 'chi bar 'gyur te nges par lha dang mi dang lag 'gro rnams kyis bsrung bar nus pa min pa'i phyir ro/ /'chi ba'i mtshan ma'i nges pa'o/ /da ni dkyil
81b₁₁ ' khor la mchod pa byas pas bde ba byed pa gsungs pa klu zhes pa la sogs pa ste 'dir klu la sogs pa rnams kyis gzir ba rnams ni klu la sogs pa rnams 'chad par 'gyur ba'i dkyil 'khor la mchod par
81b₁₂ byas pas bde ba byed par 'gyur ro/ /'di dag gis mtshan nyid du ma 'byung po'i rgyud las brjod pa shes par bya ba dag ni 'di nyid du 'chad par 'gyur ba'i phyag rgya bcing pa las ji snyed cig go/ da ni ma rungs pa rnams
81b₁₃ mchod pa'i don du dkyil 'khor dang dkyil 'khor gyi gnas gsungs pa ma rungs pa rnams zhes pa la sogs pa ste 'dir ma rungs pa rnams mchod pa'i don du dkyil 'khor ni grong gi phyi rol du 'gyur ro/ /de nyid du
81b₁₄ shing gcig gi gnas dang dur khrod dang ni lha mchog khang pa dag gam ste lha khang stong pa dang chu bo 'dus pa rnams su'o/ /khru gang dag gam gnyis dang bzhi zhes pa ni 'dir 'byor pa dang rjes su 'tsham par dkyil
81b₁₅ 'khor khru gcig pa 'am khru gnyis pa 'am khru bzhi pa nas brtsams te khru stong pa ji srid pa de srid du slob dpon gyis bri bar bya'o/ /dgu dang bcu gsum mi bdag ces pa ni 'dir lha dgu rnams kyi dkyil 'khor gyi
81b₁₆ tshad ni khru gcig go/ bcu gsum rnams kyi khru gnyis so/ /mi bdag ces pa bcu drug rnams kyi khru bzhi'o zhes pa nas brtsams te nyi shu lhag pa'i brgya phrag bcu drug rnams kyi khru stong gi mthar thug par bri bar bya ste
81b₁₇ gdan rnams ni bse'i lpags pa dang stag gi lpags pa dang dom gyi lpags pa dang ne'u le'i lpags pa dang 'bri'i lpags pa dang ce spyang gi lpags pa dang sram gyi lpags pa dang byi la'i lpags pa rnams so/ /de nas zlum skor
81b₁₈ l nga pa dur khrod kyi gnas la shar du kla klo ma dang lho ru 'phyag pa mo dang nub tu gtum mo dang byang du stag gzig ma dang mer bsnyon thabs ma dang bden bral du ro sreg ma dang rlung du b+hil+lI dang dbang ldan du ri khrod ma ste rab gtum ma
81b₁₉ brgyad do/ /'di rnams kyi gdan rnams ni go d+hA'i lpags pa dang byi ba'i lpags pa dang sA la dzA ta ka'i lpags pa dang spre'u'i lpags pa dang ri bong gi lpags pa dang gzungs mo byi dur gyi lpags pa dang I shu ka pa shu'i
81b₂₀ lpags pa dang rtsangs pa'i lpags pa rnams so/ /lpags pa 'di rnams med na shar dang mer khyi'i lpags pa dang lho dang bden bral du rta'i lpags pa dang nub dang rlung du glang po'i lpags pa dang byang dang dbang ldan du ba lang gi lpags
81b₂₁ pa ste dbus su mi'i lpags pa'o/ /de ltar gdan rnams bkod nas rnal 'byor ma rnams bzhugs su gsol bar bya'o/ /lpags pa 'di rnams kyi sder sbyin par bya ste de bzhin du skyogs rnams ni shar du nya phyis kyi snod te
81b₂₂ me ru yang de bzhin no/ /lho dang bden bral du nA ri ke la'i skyogs dang nub dang rlung du kham phor dang byang dang dbang ldan du mi'i thod pa dang dbus su shing gi snod do/ /de nas chang la sogs pa phul nas bza' ba dang bca'
81b₂₃ ba la sogs pa sgron ma dang bcas pa 'chang bar 'gyur ba chu dang mchod yon la sogs pa rnam pa bcu po phul te maN Dal byas nas slob mas las kyi rdo rje can dang lhan cig tu mchod pa'i rdzas dbul bar bya'o/ /de ltar na
81b₂₄ tshogs kyi 'khor lo la gnas dang rigs nges pa'o/ /de nas le'u lnga pa las gsungs pa'i cho gas kun du spyod pa dang 'khrig pa yang bya'o/ /kun du spyod pa de la shes rab yum gyi nang nas tshogs kyi gtso mo de ni mchog
81b₂₅ de nyid mngon par 'dod pas an+d+ha ka bsad par gyur to/ /nag po brtsegs pa byung ba de nyid ni bden pa ma yin te rgyal po stobs ldan gyi dus su nag po brtsegs pa'i dug zos pa'i phyir sngar dbang phyug mgrin sngon ma yin par 'gyur ro/ /
81b₂₆ de bzhin du sa srung dang mthor thos dang dpal mo dang kaustu b+ha dang bdud rtsi rnams byung ba de nyid ni bden pa ma yin te gang gis na an+d+ha ka'i g.yul la lha thams cad rang rang gi mtshan ma dang rang rang gi bzhon pa la gnas zhes pa'o/ /ci ste
81b₂₇ drang srong gdug pa rnams kyis smras pa dur bA sa yis dmod pa btab pas dbang po'i 'byor pa rgya mtshor zhugs so zhe na/ de nyid ni bden pa ma yin te dbang po'i dmod pas lha gzhan rnams kyi 'byor pa nyams par mi 'gyur ro/ /de ltar brjod
81b₂₈ pa'i rim pas lo rgyus kyi chos thams cad brdzun par 'gyur ro/ /bcom ldan 'das kyis le'u lnga pa las tshigs su bcad pa brgya brgyad bcu rtsa gnyis pas lo rgyus kyi chos rnams brdzun par gsungs pa 'di lta ste/ dpal mo mthor
81b₂₉ thos lha yi ljon pa glang po'i bdag dang lha mo kaustu b+ha dang zla ba dang / bdud rtsi stobs ldan rgyal srid dus su chu gter bsrub las lha yul mkha' la gal te byung gyur na/ /an d+ha ka nyid rgyal srid la ni zla ba med pas gza' tshes
81b₃₀ dus kyi tshogs kyang med par 'gyur/ /de yang dbang phyug zla phyed la chags pa sad par gyur te stobs ldan de ni de yi phyi nas so zhes pa ste rigs pa 'dis rnam par dpyad na 'jig rten gyi lo rgyus rnams ni mi bden no/ /ci ste tshangs
81b₃₁ pa'i drang srong gdug pa rnams kyis smras pa 'dir sngon du rig byed kyi chos ni lhan cig skyes pa ste phyi nas thams cad mkhyen pas bstan pa'i chos ni bcos ma'o/ /de'i phyir rig byed kyi chos ni phu bo'o zhe na/ de nyid brjod par bya ste
81b₃₂ rig byed kyi chos phu bo dang phyi nas thams cad mkhyen pa'i chos yin du chug mod 'di la 'gal ba ci zhig yod/ sngon du mun pa chen po lhan cig skyes pa lam thams cad gsal bar byed pa ma yin pa dang phyi nas de gzhom pa'i

_{iiif viewer powered by OpenSeadragon}

81a - 82a

Texts on this page