| e-texts navigator |
| བོད་ཡིག |
80b1 gzhan ni mig dmar la brjod par bya'o/ /longs spyod kyis ni chu tshod bsgyur nas mda' dang yon tan zla bas cha thob longs spyod dang bcas pa/ /bgrod dang 'gro ba'i dbang gis nyi ma la ni sbyin dang dor te gzhan du dag pa
80b2 yod ma yin zhes pa'i tshig 'di ni nges pa'i don te/ ji ltar bkra shis la rgyu ba'i rkang pas chu tshod bsgyur te de las mda' dang yon tan zla bas zhes pa khyim gcig gi chu tshod kyi tshogs te brgya sum bcu rtsa lnga'o/ /cha des
80b3 thob pa ni chu tshod kyi tshogs te chu tshod kyi gnas su nor du 'gyur ro/ /bgrod pa 'gro ba'i dbang gis bu lon du yang 'gyur te bgrod pa 'gro ba'i dbang gis chu srin la sogs pa la nor dang kar ka Ta la sogs pa la bu lon du 'gyur
80b4 ro/ /gzhan du byed pa la brjod pa'i cho gas ni nyin zhag so so dag pa med do/ /'dir byed pa la brjod pa'i cho ga gsungs pa nyi ma la ni dus ro zhes pa ste kar ka Ta la bu lon ni phyogs dang po la dus zhes pa chu tshod
80b5 gsum dang ke ka Ta'i phyogs gnyis pa la ro zhes pa drug go/ de bzhin du seng ge la sbrul zhes pa brgyad dang bcu'o/ /de bzhin du bu mo la 'phrog byed te bcu gcig dang slar yang 'phrog byed te bcu gcig go/ de nas
80b6 srang la drag po zhes pa bcu gcig dang phyogs zhes pa bcu'o/ /de bzhin du sdig pa la klu zhes pa brgyad dang drug go/ de nas gzhu la me zhes pa gsum dang nam mkha' zhes pa stong pa bgrod pa'i mthar ro/ /de bzhin
80b7 du chu srin la sogs pa la nor ro zhes pa ni byed pa la ste thams cad du grub pa'i mtha' la dgongs pa ni ma yin no/ /de ltar na zla ba'i 'pho ba'i dbye ba dag las phyogs kyi dbye bas zla ba drug ni nyin mor byed pas spyod do/ /
80b8 da ni zla ba'i longs spyod gsungs pa nyi ma la byin zhes pa ni nyi ma'i longs spyod la tshes grangs byin nas 'og tu ro yis bsgyur la zhes pa ni tshes grangs de dag 'og tu drug gis bsgyur ba'o/ /gza'i longs spyod bsres pa dag
80b9 dag kyang ngo / /dri zhes pa tsan dan dang dri bzang po'i me tog dang til gyi til mar ram mar gyi me dang bkru ba dag kyang 'dab ma rnams kyis zhes pa ni a shwad tha la sogs pa shing 'o ma can lnga'i 'dab ma rnams kyis te
80b10 cung zad bskol ba'i chu dro ba dang bcas pas byis pa la khrus bya ste zhag lnga'i bar du thams cad bya'o/ /khrus kyi mjug tu byis pa la bdug pa sbyin par bya ste/ ba lang gi so dang lug gi rwa dang ri dgas kyi spu dang mi'i sen mo
80b11 dang skra dang sbrul gyi shun pa 'di dag gcig tu byas nas drag po'i sol bas spos so/ /lha'i gtor ma la ni sngar brjod pa'i dri dang spos la sogs pa sbyin par bya'o/ /phyogs bzhi dang grong gi dbus su'o zhes pa nges
80b12 pa ste byis pa zla skyes rnams ni rgyas pa'i don du mtha' dag brjod pa rnams kyang gtor ma dag la'o/ /da ni bza' ba lnga zhes pa la sogs pas lo can ma rnams kyi cho ga gsungs te 'dir zla ba bcu'i steng du zla ba
80b13 gnyis ni 'dir lor gzung bar bya'o/ /de nas lo bco lnga'i bar du lor skyes pa ma mos gzir ba rnams zhi ba'i don du lo can ma rnams la gtor ma sbyin par bya'o/ /bza' ba lnga zhes pa ni yung ba la sogs pa
80b14 rnams kyis zan ser po dang dkar po dang dmar po dang nag po dang ljang khur byas pa ste 'di dag ni bza' ba lnga'o/ /bca' ba lnga zhes pa smin pa'i zas sngar brjod pa'o/ /chu la rgyu ba nya sha dang sha dang dri la sogs pa
80b15 sngar brjod pa dang chang dang sngar brjod pa'i spos la sogs pa ste thams cad smyig ma'i snod du bzhag pa nas mar me dang bcas pa'i gtor mas lan gsum byab par bya'o/ /phyogs zhes pa nyin zhag bcur phyogs
80b16 bcu'i char te dbang po nas dbang ldan gyi mthar thug pa dang 'og dang steng du gtor ma ste grong gi dbus dang lam gyi bzhi mdor sbyin par bya'o/ /byis pa lor ni skyes pa rnams dag rab tu gsal bar sa la rgyas pa'i slad
80b17 c ha bcu drug par gnas pa ste ji srid mi 'dzag pa de srid du de ni mtha' dag yon tan gyi gter 'gyur ba med pa'i bde ba sbyin pa po rnal 'byor rnams kyis rtogs bya bzhi pa'o zhes pa ni rnal 'byor pa rnams kyi yan lag drug gi sbyor
80b18 ba kho nas rtogs par bya ba ste gzhan rnams kyis ni ma yin no/ /phyag rgya rnams las te snga ma dang phyi ma dgu po rnams las de ni legs pa'i ma skyed byed mar mngal nas skyes pa'i dus nas brtsams te 'chi ba'i mthar
80b19 'gyur ro/ /rnam bcu ni de du ba la sogs pa'i dbye bas sbyin pa la sogs pa'i pha rol tu phyin pa ste dpal ldan bla ma rdo rje sems dpa'i zhal 'di'o zhes pa ni ye shes kyi zhal bzhi pa'o zhes pa'i don to/ /de ni ngo bo nyid kyi sku'i
80b20 chos can no zhes pa nges pa'o/ /de ltar slob ma dbang bskur ba'i don du phyag rgya'i mtshan nyid rab tu bstan nas tshogs kyi 'khor lo'i slad du bla mas nges pa sbyin par bya'o/ /de la rigs sum bcu rtsa drug gi lha mo rnams spyan
80b21 drang bar bya ste/ de nas nyin mo'i dus su gzhon nu dang gzhon nu ma bcu la 'o thug la sogs pa dngar ba'i zas kyis ston mo byas te yon phul nas gshegs su gsol bar bya'o/ /de nas chu tshod bdun pa la dge slong dang dge slong ma'i
80b22 dge 'dun dngar ba'i kha zas sha dang bral ba rnams kyis yang dag par mchod cing sangs rgyas gtso bor byas nas dge 'dun la yon phul te 'phags pa'i dge 'dun chen po gtsug lag khang du gzhug par bya'o/ /de nas skye bo dang bral
80b23 ba'i khyim bug pa med par tshogs kyi 'khor lo'i tshogs dpa' bo dang dpa' bo'i dbang phyug ma rnams kyi gnas rnams bsam par bya'o/ /'dir 'byor pa dang rjes su mthun pas gtso bo bla ma shes rab dang thabs kyi bdag nyid
80b24 ni dbus dang phyogs bzhi'i char rnal 'byor ma bzhi rnams te dbus su g.yung mo dang shar du dmangs rigs mo dang lhor rgyal rigs mo dang byang du bram ze mo dang nub tu rje rigs ma ste tshogs kyi gtso bo lnga'i bdag nyid kyi'o/ /
80b25 shing de rnams kyi tshon chen po bzung nas gnas kyi phal pa nyid ni ma yin no/ /tshon des bsod nams kyi dbang las sems can gang dag la byin gyis brlab pa byed pa de rnams mngon par shes pa can du 'gyur gyi yang dag par rdzogs pa'i sangs
80b26 rgyas nyid ni ma yin te gang gi tshe lcags bskol ba rnams dngul chu dang lhan cig gcig nyid du 'gyur ba de'i tshe dngul chus phug pa'i lcags rnams dri ma med par 'gyur gyi bems po'i khams nyid med pa ni ma yin pa bzhin no/ /phan tshun
80b27 yang dag par ldan pa de'i phyir khams rnams ni khams nyid du med cing dngul chu'ang dngul chu nyid du med te sngar gyi rang bzhin yongs su btang ba'i phyir ro/ /de bzhin du sems dang lhan cig gcig tu gyur pa'i lus kyi khams rnams la khams
80b28 nyid med cing sems la sems nyid med te sngar gyi 'khor ba'i bag chags med pa'i phyir ro/ /de'i phyir bcom ldan 'das kyis sems gang yod pa'i sems de ni sems ma yin no zhes gsungs so/ /de ltar brjod pa'i rim pa 'dis
80b29 sa brgyad kyi dbang phyug dang dbang phyug la sogs pa'i lha rnams dang byang chub sems dpa' rnams la yang mngon par shes pa lnga rig par bya'o/ /bA shiSh+Tha la sogs pa'i drang srong rnams la ni mngon par shes pa lnga med de gang gi phyir rA
80b30 mA ya Na dang b+hA ra ta tshad ma yin pa'i phyir ro/ /'dir grog mkhar gyi tshig rA mA ya Na las thos pa bA shiSh+Thas byin pa'i dus sbyor la lha rA mas lha mo sI ta'i lag pa bzung ba byas so/ /bA shiSh+Thas byin pa'i dus sbyor gyi drin des rA ma ni
80b31 rgyal srid las nyams te nags su zhugs shing sI ta yang rtag tu sdug bsngal dang ldan no/ /de skad du gsungs pa/ sngon gyi las 'bras longs spyod la/ /gza' dang rgyu skar don med te/ /bA shiSh+Thas byin dus sbyor gyis/ /skyed byed ma
80b32 ni sdug bsngal sten zhes so/ /de bzhin du rgyas pa'i tshig b+hA ra ta las thos pa sgra ngan pa dang skya bseng gi bu rnams las gang dag gnam stong la ku ru'i zhing du 'jug par byed pa de rnams rnam par rgyal bar 'gyur ro zhes pa'i tshig 'di thos nas
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba