rKTs

e-texts navigator

Volume

Page

80a₁ nor te chu tshod kyi gnasu sbyin par bya'o/ /dus kyi rgyu skar rkang pa gsum bcas bu lon dag ste nyi ma'i longs spyod dbus nas sbyang bar bya zhes pa ni 'dir nyi ma'i rkang pa rnam par dag par bya ba'i don
80a₂ du gang gis nyi ma'i longs spyod nyin zhag so so la rgyu ba'i chu tshod dang chu srang la sogs pa rnams shes par byed pa nyi ma'i skye ba'i khyim sbyang bar bya'o/ /rnam pa gzhan du na byed pa la nyi ma'i nyin zhag so so dag pa
80a₃ med do/ /de'i phyir tha skar la sogs pa'i skar ma'i longs spyod las rgyu skar drug dang rkang pa gsum bcas zhes pa chu tshod bzhi bcu rtsa lnga ste nyi ma'i rkang pa dag par bya ba'i phyir lug la sogs pa'i khyim gsum
80a₄ yongs su sbyangs par 'gyur zhing kar Ta Ta skye ba'i khyim du 'gyur ro/ /de'i phyir dus kyi rgyu skar rkang pa gsum bcas bu lon dag ste nyi ma'i longs spyod dbus nas sbyang bar bya'o/ /longs spyod ni skar ma la sogs
80a₅ pa'i longs spyod te nyi ma'i longs spyod tha dad du byas la longs spyod de'i dbus nas skar ma'i gnas nas skar ma sbyang bar bya zhing chu tshod kyi gnas nas chu tshod sbyang bar bya'o/ /bya ba lhag ma mig dmar ji bzhin zhes
80a₆ pa ni 'dir bya ba lhag ma rnams mig dmar gyi ji lta ba de bzhin du nyi ma'i yang shes par bya'o/ /'on kyang mig dmar gyi rgyu ba'i rkang pa rnams tha dad do/ /nyi ma yi ni ro dus ri bong can rnams dal ba'i las la rkang
80a₇ pa ste ro zhes pa drug go/ dus zhes pa de'i 'og tu bzhi'o/ /ri bong zhes pa de'i 'og tu gcig ste khyim gsum la phyed snga ma'o/ /phyed phyi ma ni lugs las bzlog pa ste khyim bzhi pa la gcig go/ khyim
80a₈ lnga pa la bzhi'o/ /khyim drug pa la drug ste khyim 'di dag gi las ni dal ba'i las so/ /dal ba'i las 'di la kar ka Ta la sogs pa'i khyim drug po rnams su drug po 'di dag rkang par 'gyur ro/ /
80a₉ 'dir ni rnam mang dkyil 'khor khrus dang sbyin sreg gi bya ba 'chad par 'gyur ba dag tu rab tu 'gyur zhes pa ni ma rungs pa'i nges pa'o/ /da ni mngal zhes bya ba rnams kyis gzir ba'i sbrum ma rnams kyi dman gsungs pa ru rta zhes pa
80a₁₀ la sogs pa ste 'dir gang gi tshe sbrum ma rnams kyi mngal na bar gyur na de'i tshe sman ni ru rta dang u shi ra dang / ka se ru dang rta ka ra'i rtsa ba dang ud pa la'i rtsa ba dang pad ma ge sar te rdzas 'di dag bsil ba'i chu yongs su dngas pas btags shing
80a₁₁ rdo rje yis ni bsngags pa dag kyang zhes pa la/ oM AHhU~M a mu kA yA gar+b+ha shU la~M ha ra ha ra swA hA zhes pa ni sngags te 'dis mngon par bsngags nas mngal gyi zug rngu la rab sbyin pa zhes pa ste nges pa'o/ /de bzhin du mngal ni rengs na na
80a₁₂ ku la'i spu brgyad dang gtsug phud can gyi ste rma bya'i mjug ma bzung nas bsil ba'i chus btags te mngon par bsngags nas snga ma bzhin du sbyin par bya'o/ /'o ma phrogs pa rnams 'o ma'i shing gi 'og tu khrus bya'o/ /ba'i 'o mas
80a₁₃ gang ba'i kham phor bdun dang 'o ma'i zan gyi gtor ma sbyin par bya'o zhes pa ni mngal zhes bya ba rnams kyi nges pa'o/ /da ni 'o ma zhes pa la sogs pas nyin zhag ma rnams kyi cho ga gsungs te 'dir nyin zhag bcu'i nang du bzung ba'i
80a₁₄ byis pa zhi ba'i don du 'o ma dang mar dang thug pa dang zan dang zho dang bu ram dang bcas pa'i gtor ma nyin zhag ma rnams dag la sbyin par bya ste khrus dang spos ni 'chad par 'gyur ro/ /nyin zhag ma rnams kyi mtshan mo gsum du gtor ma'i nges
80a₁₅ pa'o/ /da ni sman pa zhes pa la sogs pas zla ba zhes bya ba rnams kyi cho ga gsungs te 'dir zhag bcu'i rjes la zla ba'o/ /de nas zla ba bcu gcig gi bar du zla bar skyes pa rnams zhi ba'i don du ma mo rnams la gtor ma sbyin
80a₁₆ par bya'o/ /smin pa'i zas lnga tha dad ces pa ni mar gyi smin pa ste pU ri kA dang g+h+ri ta pU ra dang so mA li dang se bA lI dang ba Ta ka ces pa ste lnga tha dad pa'o/ /zas gzhan zho dang bu ram dang bcas pa po li ka dang mo da ka
80a₁₇ sems par byed na de'i tshe sems kyi bsam pa byas pas mar 'gyur ro/ /reg pas ni sring mo'o/ /rdo rje zhugs pas bu mor 'gyur ro/ /byed pa dang bcas shin tu dga' bas sring mo'i bu mo nyid du 'gyur ro/ /thig le
80a₁₈ lhung bar gyur na chung ma'o/ /gzhan gyi rigs la gnas pa gtum mo'i rnal 'byor mar ni 'dod chags nyams par gyur pa las te chags bral las 'gyur ro/ /'di rnams rnal 'byor phyag rgya drug ste rnal 'byor pa rnams kyi sa la sogs pa rnams
80a₁₉ so/ /'dir dang por sa'i khams 'khrug go/ de bzhin du chu dang me dang rlung dang nam mkha'i khams rnams 'khrug ste 'khrug pa rnams 'dzag go/ de'i phyir sa chu bsreg za rlung dang mkha' dang chad pa'i dngos rnams te gnas skabs drug
80a₂₀ go/ de bzhin du g.yas dang g.yon gyi dkyil 'khor lnga zad pa yang 'pho ba'i dus su rig par bya ste ma la sogs pa rnam par dag pas so/ /'khor lo dang rna cha dang mgul rgyan dang lag gdub dang ske rags dang thal ba rnam par dag pas rnal
80a₂₁ 'byor pa rnams kyi phyag rgya rnams te de bzhin du sbyin pa la sogs pa'i pha rol tu phyin pa drug rnam par dag pas so zhes pa ni nges pa'o/ /da ni chu skyes zhes pa la sogs pas sku la sogs pa'i phyag rgya gsum gsungs te 'dir rgyud thams cad las
80a₂₂ phyi rol du drang ba'i don gyis dpral bar sku'i phyag rgya dang mgrin par gsung gi phyag rgya dang snying khar thugs kyi phyag rgya'o/ /nges pa'i don gyis kyang chu skyes la ni rdo rje rab zhugs te rdo rje rtag tu langs pa ni sku'i phyag rgya'o/ /rtse mo can la rlung dang
80a₂₃ zhes pa rtsa dbu ma la srog gi rlung rab tu zhugs pa gsung gi phyag rgya'o/ /thig le mi ltung ba ni thugs kyi phyag rgya'o/ /'di rnams rnal 'byor gsum gyi ste dbu ma la rten pa'i sku dang gsung dang thugs kyi phyag rgya rnams su grangs bzhin du
80a₂₄ 'gyur ro/ /de'i steng du chags dang chags bral mthar gyur dang po zhes pa la chags pa ni dkar po'i phyogs te de'i mthar gyur pa'o/ /chags bral ni nag po'i phyogs te de'i dang po'o/ /de ltar chags dang chags bral mthar gyur dang po ni
80a₂₅ gcig gi mthar thug par lkog tu gyur pa'i don yang dag par mthong ngo / /de bzhin du stong gnyis dang stong gsum gyi 'jig rten gyi khams rnams kyi grangs kyi mtshan nyid do/ /stong gcig ces bya ba ni mi mjed kyi 'jig rten gyi khams
80a₂₆ kyi dbus nas steng dang 'og tu stong phrag re re ste 'og dang steng bzhin du shar dang nub dang byang dang lho dang bden bral dang dbang ldan dang rlung dang mer ro/ /de bzhin du stong phrag gnyis dang gsum mo/ /de nas stong chen po zhes bya ba grangs med pa chen po'i
80a₂₇ 'jig rten gyi khams rnams te de rnams su ma mthong ba'i don yang dag par mthong bar yang dag par rdzogs pa'i sangs rgyas kyis bcu gnyis pa thob pa las 'gyur gyi 'dod chags dang bral ba rnams kyis ni ma yin no/ /shes rab kyi chags
80a₂₈ pa las byung ba mi 'gyur ba'i bde ba chen po'i skad cig rnams kyis de bzhin gshegs pa'i sa 'di rnams thob ste mi 'pho ba'i skad cig brgya phrag bcwa brgyad thob pas sa dang po thob bo/ /grangs 'dis sa bcu gnyis kyi mthar thug par ro/ /mi
80a₂₉ 'gyur ba'i skad cig nyi khri chig stong drug brgya rnams kyis sa bcu gnyis thob ste yan lag bcu gnyis 'gags pa ji srid par ro/ /dus sbyor bcu gnyis 'gags pas zla ba bcu gnyis 'gag go/ zla ba bcu gnyis 'gags pas nyin zhag
80a₃₀ sum brgya drug bcu 'gag go/ nyin zhag sum brgya drug bcu 'gags pas chu tshod nyi khri chig stong drug brgya rnams 'gags te de ltar phyi rol la ji lta ba de bzhin du lus la chu tshod kyi grangs kyi dbugs rnams 'gag go/ dbugs rnams 'gags
80a₃₁ pas lus 'gag ste byang chub kyi sems 'gyur ba med pa'i skad cig rnams kyis so/ /ji ltar dngul chu bskol ba dang rin po che rnams kyis lcags zos pa ni de rnams kyi tshon chen po bzung nas gnas kyi phal pa'i khams nyid du ni ma yin no/ /
80a₃₂ tshon chen po des lcags gang la reg par byed pa'i lcags de rnams ni dri ma dang bral bar 'gyur zhing rdo rnams ni rin po cher 'gyur ro/ /de bzhin du byang chub kyi sems bsgoms pa ni phung po dang khams dang skye mched srog dang bcas pa rnams zos

_{iiif viewer powered by OpenSeadragon}

79b - 80b

Texts on this page