rKTs

e-texts navigator

Volume

Page

7b₁ chom rkun pa/ /gang gis rnal 'byor ma rnams zhabs dag 'jigs 'phrog dran pa de la ring ba nyid du 'gyur/ /lag pa dag ni zhags pas bcings shing rkang pa'i pad+ma zung ni lcags sgrog dag gis gtams/ /
7b₂ dge ba'i chu dang bral bas lce dang mgrin pa mchu skams lus po skem zhing bkres pas gzir/ /nyin mtshan dus su rje bo khros pa'i bka' yis kun tu srungs ma rnams kyis srung byed pa/ /gang gis rnal 'byor ma
7b₃ rnams zhabs dag 'jigs 'phrog dran pa de yang de las grol bar 'gyur/ /chu gter bzhon pa la zhon mtha' yas drag po'i rlung gis chu'i gter ni 'khrug byed cing / /kun du 'khor bar byed la chu gter chom rkun chu srin
7b₄ nya'i rigs kyis bkag gyur te/ /me yi til mar gdug pas 'phangs pa me yi char chen kun nas rgyun du 'bab pa la/ /gang gis rnal 'byor ma rnams zhabs dag 'jigs 'phrog dran pa de yang de las pha
7b₅ rol 'gro/ /phaT ces 'jigs rung sgra sgrogs kha nas me 'bar lag na gri gug dang ni thod pa thogs/ /ro langs gdug pa'i sems ldan phyogs bcu'i dkyil 'khor dag la yang dag gnas shing 'jigs
7b₆ par byed/ /bkres pas gzir te sha dag za zhing mi khrag la dga' lus skams gos dang bral ba dag /gang gis rnal 'byor ma rnams zhabs dag 'jigs 'phrog dran pa de la bsrung ba byed par 'gyur/ /nyin
7b₇ bzhin 'khun zhing sor mo'i rtse mo po nyams te sna dang mchu dang rna ba nyams/ /gdong dang mgrin pa rkang lag dag gi rma rnams las ni rnag rul mang po rab tu 'bab/ /rul pa'i dri nga'i mthu las gnyen bshes tshogs
7b₈ kyis shi ba'i lus bzhin yongs su btang gyur pa/ /gang zhig rnal 'byor ma rnams zhabs bzang dran byed nad kyis btang zhing 'dod dang ldan par 'gyur/ /'bar bcas mche rnon gdengs can 'phrog
7b₉ mngal dang phyi rol dag tu slar yang sku'i tshogs 'di ni rnam pa bzhi ru 'gyur te 'dir ye shes kyi dbye bas mngal dang rnam par shes pa drug gi dbye bas phyi rol du ste ye shes rnam shes dbye bas zhes so/ /'dir re shig mngal du rnam shes ni kun
7b₁₀ gzhi'i rnam par shes pa ste bde ba dam pa'i ye shes so/ /zla ba nyi ma dag ni khu ba dang rdul lo/ /kyang pad mar gnas pa ni mngal rdzogs par bya ba'i don du gsum po gcig tu gyur pa ma'i pad ma la gnas pa'o/ /de ni mngal du dag pa'i
7b₁₁ skur bcom ldan 'das kyis gsungs te/ ma dang pha dang kun gzhi'i rnam par shes pa'i bde ba'i gnas skabs gcig yin pa'i phyir ro/ khams dang phung po rnams rab tu 'byung ba rnam pa bcu po gang yin pa de ni rgyal ba
7b₁₂ byang chub kyi sems rdo rje'i chos kyi sku'o/ /de nas yon tan dbang gis te nyin zhag gi dbang gis nang gi rna ba la sogs pa'i dbang po rnams dang sgra la sogs pa'i yul rnams skyes par gyur pa na longs spyod rdzogs pa'i skur
7b₁₃ 'gyur ro/ /de nas skra la sogs pa skyes te sogs pas ba spu dang bshang ba dang gci ba grub cing rab tu btsa' ba'i dus su skye gnas nas 'byung ba ni mngal du sprul pa'i skur gsungs so/ /de nas phyi rol gyi sku bzhi ni skyes
7b₁₄ par gyur pa na dbugs kyi dang po gang zhig dbu ma'i rtsa la rab tu 'byung bar 'gyur ba yon tan med pa de ni gsung rdo rje'i yul la yang dag par dag pa'i sku'o/ /dag pa'i sku de nyid ni rkang pa dang bcas pa'i dbugs lnga bcu rtsa drug gi
7b₁₅ cho gas ji srid pa de srid de dbu ma las rab tu 'bab pa'i phyir ro/ /de nas srog yang dag par rgyu ba'i dbang gis so ni rab 'byung gang zhig tshig ni gsal min dag kyang gang de 'du shes pa'i mtshan nyid de ni gsung rdo rje'i yul la chos kyi
7b₁₆ sku'o/ /de nas gnyis skyes rnams ni ltung ba ste so rnams lhung bar 'gyur ba'i bar lo brgyad kyi mthar thug pa ni longs spyod rdzogs pa'i sku ste tshig yongs su gsal ba'i phyir ro/ /so rnams dag las te lhung ba las 'chi ba'i
7b₁₇ mtshan sum bcu rtsa gnyis po rnams te zla ba'i yan lag dang mngal 'dzin pa'i khu ba'i khams la'o/ /de nas nyi ma'i dkyil 'khor la ka sogs gsal byed gcig gi bdag nyid bzhi bcu dang brtsegs pa bzhi bcu rnams te de la ha ya ra wa la dang bcas pa'i sde pa
7b₁₈ drug po rnams ni sum bcu rtsa lngar 'gyur ro/ /de bzhin du lan gnyis brjod pa'i dbang gis la wa ya Da D+ha rnams gzung bar bya ste l+la w+Wa y+Ya D+Da D+h+D+ha/ l+la w+Wa R+Ra y+Ya h+ha/ s+sa ny+p+ny+pa Sh+Sha sh+sha u0f88u0f90u0f88u0f90/ t+ta th+tha d+da d+h+d+han+na/ p+pa ph+pha b+ba b+h+b+ham+ma/ T+Ta Th+Tha D+Da D+h+D+haN+Na/ ts+tsa tsh+tsha dz+dza dz+h+dz+hany+nya/ k+ka kh+kha g+ga g+h+g+ha ng+nga /
7b₁₉ zhes pa bzhi bcu ste g.yas skor du sa la sogs pa'i dbye bas brtsegs pa rnams so/ /de nas g.yon skor gyis nga g+ha ga kha ka /nya dz+ha dza tsha tsa/ Na D+ha Da Tha Ta/ ma b+ha ba pha pa/ na d+ha da tha ta/ u0f88u0f90 sha Sha u0f89u0fa4 sa/ ha ya ra wa la D+ha Da ya wa la zhes pa gsal byed gci
7b₂₀ g gi bdag nyid bzhi bcu'o/ /de ltar nyi ma dang mngal 'dzin pa'i rdul la dpe byad brgyad bcu rnams so zhes pa ni nges pa'o/ /de ltar zla ba nyi ma la yang a sogs ka sogs rdo rje dang bcas zhes pa ni de dag las 'og tu nyi ma'o/ /nyi ma'i steng du zla
7b₂₁ ba'o/ /zla ba'i dbus su hu~M yig zla ba'i mtshan ma lta bu'o/ /de bzhin du rdul gyi steng du khu ba'o/ /khu ba'i dbus su kun gzhi'i rnam par shes pa dri za'i sems can no/ /de nas me long la sogs lnga rnams kyis zhes pa ni de la zla ba dang khu ba dbyangs
7b₂₂ dang ldan pa ni me long lta bu'i ye shes te gzugs kyi phung po skyed par byed pa rnam par snang mdzad do/ /nyi ma dang rdul gsal byed dang ldan pa ni mnyam pa nyid kyi ye shes te tshor ba'i phung po skyed par byed pa rin chen 'byung ldan no/ /dri za'i sems can hU~M yig
7b₂₃ dang ldan pa ni so sor rtog pa'i ye shes te 'du shes kyi phung po skyed par byed pa snang ba mtha' yas so/ /de rnams gcig pa nyid dang srog gi rlung hi yig dang ldan pa ni bya ba grub pa'i ye shes te 'du byed kyi phung po skyed par byed pa don yod grub pa'o/ /de nas
7b₂₄ yan lag thams cad kyi cha shas yongs su rdzogs pa dang rnam par shes pa ha~M yig dang ldan pa ni chos kyi dbyings shin du rnam par dag pa'i ye shes te rnam par shes pa'i phung po skyed par byed pa mi bskyod pa ste phyi dang nang du ye shes lnga'i bdag nyid do/ /'di
7b₂₅ nas 'ongs pa rnams btsugs pa gang yin pa des na mchod rten gyi phyi rol rgyu skar gyi rnam par dbye bas mchod rten gyi nang gi dkyil 'khor ni dpal ldan rgyu skar gyi dkyil 'khor ro/ /de bzhin du sgo logs nyi shu rtsa bzhi ni phyogs
7b₂₆ kyi cha'i dbye bas so/ /gzhan 'og gi dkyil 'khor sku dang gsung dang thugs kyi dkyil 'khor gyi bdag nyid cha bcu drug dang ldan pa ni stong pa nyid dang snying rje bcu drug rnam par dag pas so zhes pa dkyil 'khor gyi gnas
7b₂₇ nges pa'o/ /gnas der nyin zhag de nyid la de bzhin gshegs pas sangs rgyas kyi dbang byin nas lha dang lha ma yin la sogs pa rnams sangs rgyas nyid du lung bstan te des na ma 'ongs pa'i dus su nya 'di ni dus kyi
7b₂₈ 'khor lo las rdo rje slob dpon rnams la de bzhin gshegs pa'i nges par gyur to/ /nag pa'i mthar ni dkar po'i tshigs la gzhan la phan pa'i bla mas dkyil 'khor dag ni bzhengs byas nas/ /sdig pa'i dri ma
7b₂₉ ' phrog pa'i dbang bdun rnams ni bsod nams don du bu rnams dag la sbyin par bya zhes pa la 'dir dang por dbang bdun sbyin pa ni gzhug pa'i don dang sngags bzlas pa dang dkyil 'khor sgom pa'i don du ste des bsod
7b₃₀ nams kyi tshogs so/ /de'i phyir bsod nams kyi tshogs kyi rgyur dbang bdun sbyin par bya zhing mi 'tshe ba la sogs pa'i brtul zhugs nyi shu rtsa lnga sbyin par bya'o/ /de nas ye shes kyi tshogs kyi don du dbang gong ma gsum sbyin
7b₃₁ pa ni rang gi sha la sogs pa dang shin du 'dod pa sbyin pa la sogs pa'i don dang rnam pa thams cad kyi mchog dang ldan pa'i stong pa nyid sgom pa'i don dang byang chub kyi sems mi 'gyur ba'i don te des ye shes kyi tshogs so/ /de'i
7b₃₂ phyir ye shes kyi tshogs kyi rgyur dbang gong ma rnams sbyin par bya'o/ /de dag kyang dbang bzhi pa dang bcas pa ste bzhi pa ni man ngag gis brjod par bya'o/ /zhes pa bcom ldan 'das kyi dbang gi nges pa'o/ /de ltar nag
7b₃₃ yis 'khyud par 'gyur zhes pa ni de'i bag chags las rnam par shes pa'i phung po shes rab kyis 'khyud pa kA zhes par 'gyur te bzhi pa'i sbyor ba las so zhes pa nges pa'o/ /de bzhin du phung po lnga rdzogs pa ni mngal du lnga yi bdag nyid te
7b₃₄ de bzhin du lha yang lnga'i bdag nyid can kA ki k+R-i ku kl-i zhes pa'o/ /de bzhin du rus pa dang gsher ba dang dro ba dang g.yo ba'i chos skyes pa na phung po dang khams kyis byin gyis brlabs pa mngal du dgu'i bdag nyid ji lta ba de bzhin du lha yang kA ki kI
7b₃₅ k+R-i k+R-I ku kU kli klI zhes pa grub po/ /de bzhin du ngag dang lag pa dang rkang pa dang bshang lam rdzogs pa na sngar gyi phung po dang khams dang bcas pa bcu gsum gyi bdag nyid te las kyi dbang po rdzogs pa na byis pa ji lta ba de bzhin du lha yang kA
7b₃₆ ki k+'i k+'-i k+R-I ku kU kli klI k+Ya k+Ra k+Wa kla zhes pa'o/ /nang du yul skyes pa na sngar gyi phung po la sogs pa dang lhan cig mngal du bcu dgu'i bdag nyid ji lta ba de bzhin du lha yang kA ki kI k+R-i k+R-I ku kU kl-i kl-I k+Ya k+Ra k+Wa kla kA kai kAr kau kAl kaHzhes pa'o/ /de nas
7b₃₇ mig la sogs pa skyes pa na byis pa skyes pa nyi shu rtsa lnga'i bdag nyid ji lta ba de bzhin du lha yang kA ki kI k+R-i k+R-I ku kU kl-i kl-I k+Ya k+Ra k+Wa kla kA kai kAr kau kAl kiHki ke kar ko kal kaM zhes pa'o/ /de nas las kyi dbang po lnga'i sbyor bas brjod pa dang
7b₃₈ l en pa dang 'gro ba dang bshang ba dang gci ba'i bya ba skyes pa na byis pa sum bcu rtsa gnyis kyi bdag nyid te de bzhin du lha yang kA ki kI k+R-i k+R-I ku kU kl-i kl-I k+ta k+tA k+Ya k+YA k+Ra k+RA k+Wa k+WA kla klA ka kA ke kai kar kAr ko kau kal kAl kaM kaHzhes pa ste lo bcu gnyis
7b₃₉ kyi 'tshams rdzogs pa'o/ /de nas lo bcu drug gi 'tshams su ji ltar byis pa'i khu ba 'pho ba na bzhi pa'i gnas skabs su 'gyur zhing bzhi pa de nyid sku bzhi pa dang phung po drug pa dang khams drug pa dang dbang po drug pa dang yul drug pa dang
7b₄₀ las kyi dbang po drug pa dang las kyi dbang po'i bya ba drug par 'gyur te de ltar phung po/ /drug dang khams drug dang skye mched bcu gnyis dang las kyi dbang po drug dang las kyi dbang po'i bya ba drug ste de ltar khams sum bcu rtsa drug ni

_{iiif viewer powered by OpenSeadragon}

7a - 8a

Texts on this page