rKTs

e-texts navigator

Volume

Page

79a₁ 'dir zla ba'i rkang pa rnams ni 'byung dang 'byung ba mda' dang rig byed me lag ri bong can ni snga ma'i cha dang gzhan la yang zhes pa ste 'byung dang zhes pa lnga'o/ /slar yang 'byung ba zhes pa de'i 'og
79a₂ tu lnga'o/ /mda' zhes pa de'i 'og tu lnga'o/ /rig byed ces pa de'i 'og tu bzhi'o/ /me zhes pa de'i 'og tu gsum mo/ /lag pa zhes pa de'i 'og tu gnyis so/ /ri bong can zhes pa de'i 'og
79a₃ tu rkang pa gcig ste de ltar gnas bdun po dag tu rkang pa rnams so/ /gzhan gnas bdun po rnams su gcig la sogs pa lugs las bzlog pa ste gnas bcu bzhi po rnams su rkang pa lnga'i
79a₄ bar du'o/ /de ltar gnas bcu bzhi po rnams su zla ba'i rkang pa rnams dgod par 'gyur ro/ /tshogs kyi cha la chu gter zla bas mnyam dang mi mnyam thob la rgyu ba rnams ni sbyin dang dor zhes pa
79a₅ ni/ 'dir yang cha bcu bzhi'i lhag ma mthong bar gyur pa na mnyam par thob pa la rgyu ba lnga la sogs pa rnams sbyin no/ /mi mnyam pa thob pa la dor ro zhes pa ste cha bcu bzhi'i lhag ma gcig mthong na
79a₆ chu tshod lnga gzung bar bya'o/ /gnyis pa la gnyis pa'i gnas na gnas pa dang lhan cig bcu'o/ /gsum pa la gsum pa'i gnas na gnas pa dang lhan cig bcwa lnga'o/ /bzhi pa la bzhi pa'i
79a₇ gnas na gnas pa bzhi dang lhan cig nyi shur gcig gis dman pa'o/ /lnga pa la lnga pa'i gnas na gnas pa gsum dang lhan cig nyi shu rtsa gnyis so/ /drug pa la drug pa'i gnas na gnas pa gnyis dang
79a₈ lhan cig nyi shu rtsa bzhi'o/ /bdun pa la bdun pa'i gnas na gnas pa gcig dang lhan cig nyi shu rtsa lnga'o/ /de nas zla ba'i rkang pa 'phel ba bzlog ste brgyad pa mthong bar gyur pa na rkang pa brgyad pa snga ma
79a₉ gdungs na gla rtsi'i til mar du 'gyur ro/ /'od ma'i dong par smin pa ni nyi ma'i smin par 'gyur te de ltar byug pa la sogs pa ni 'od ma'i dong par smin zhing lte ba la sogs pas phug pa mchog gi byug par 'gyur ro/ /de ltar
79a₁₀ cho ga sna tshogs pa dri'i bstan bcos las gsungs pa'i dri la sogs pa'i sbyor ba bya ste 'dir ni bcom ldan 'das kyis mdor bsdus pa gsungs so/ /dri'i rigs pa nges pa'o/ /da ni sbrum ma rnams btsa' ba'i don du thams cad sum
79a₁₁ b cu rtsa bzhi'i 'khrul 'khor gsungs pa sa 'dzin zhes pa la sogs pa ste 'dir gang gi tshe sbrum ma rnams btsa' ba'i dus phyi rol gyi pho nya mo'i skyon gyis mngal rengs par gyur na de'i tshe 'khrul 'khor 'di tshad kyi rgyab tu bri bar bya ste tshad
79a₁₂ ces pa ni bre'o/ /de'i rgyab tu re mig bcu drug byas nas re mig dang po la sa 'dzin te bdun no/ /gnyis pa la nyi ma ste bcu gnyis so/ /gsum pa la zla ba ste gcig go/ bzhi pa la ma nu ste bcu bzhi'o/ /lnga pa la mig ste
79a₁₃ gnyis so/ /drug pa la 'dod pa ste bcu gsum mo/ /bdun pa la nor te brgyad do/ /brgyad pa la drag po ste bcu gcig go/ dgu pa la rgyal po ste bcu drug go/ bcu pa la me zhes pa gsum mo/ /bcu gcig pa la phyogs zhes pa
79a₁₄ bcu'o/ /bcu gnyis pa la 'byung ba zhes pa lnga'o/ /bcu gsum pa la bug pa zhes pa dgu'o/ /bcu bzhi pa la drug ces pa drug go/ bcwa lnga pa la tshes zhes pa bcwa lnga'o/ /bcu drug pa la chu gter dag ces pa ni bzhi ste mtha yi
79a₁₅ re mig bcu drug pa la gzhag par bya'o/ /re mig bzhi pa la gnas pa yi a~M ka 'di rnams kyi grangs gcig tu bsdus pa ni chu yi gter dang rtse mo can zhes pa sum bcu rtsa bzhi'o/ /thams cad du dpal ldan 'khor lo mtha' dag ni tshad kyi
79a₁₆ rgyab tu bris nas 'khrul 'khor 'dir rab tu btsa' bar 'gyur ba'i dus su sbrum ma rnams la bstan par bya zhes pa ste mngal 'gro ba'i nges pa'o/ /da ni mngal la sogs pa byis pa'i rgyud gsungs pa rnal 'byor ma rnams zhes pa la
79a₁₇ phyir gang ba nyid du 'gyur ba ste gnyis pa mchog dga'o/ /gang ba yan lag mchog las ri bong 'dzin pa khu bar byas nas thig le 'dzag pa ni 'khrig pa la 'bar ba'i gnas skabs te gsum pa khyad par dga' bar byed do/ /
79a₁₈ de nas oD+Da'i gnas skabs ni thig le 'pho ba'i dus su sku dang gsung dang thugs kyi thig le rnams kyi mthar thig le bzhi pa 'byung ba'i dus na lhan cig skyes pa'i dga' ba byed do/ /de ltar tshes gcig la sogs pa'i cha lnga lnga po nam
79a₁₉ mkha' dang rlung dang me dang chu dang sa'i rang bzhin dga' ba dang bzang po dang rgyal ba dang stong pa dang rdzogs pa'i ming can a i r-i u l-i ka / a e ar o al tsa/ /ha ya ra wa la Ta ces pa'i dbyangs 'di dag gi chos can rnams
79a₂₀ kyis te de ltar lnga pa ni dga' ba rdzogs pa'o/ /bcu pa ni mchog dga' rdzogs pa'o/ /nya ni khyad par gyi dga' ba rdzogs pa'o/ /lhan cig skyes pa'i dga' ba zhes pa ni cha bcu drug pa ste khams thams cad bsdus pa dang tshogs pa dang 'dus
79a₂₁ pa dang sdom pa'o/ /de ltar byang chub kyi sems kyi chags pa ni dkar po'i phyogs te chags bral ni nag po'i phyogs so/ /de bzhin du mtshan yang dag par brjod pa las bcom ldan 'das kyis gsungs pa/ chags bral dang po chags pa che/ /
79a₂₂ kha dog sna tshogs 'bar ba'i 'od/ /rdo rje rdzogs sangs rgyas pa'i gnas/ /sangs rgyas brjod pa'i chos 'dzin pa zhes pa dang de bzhin du/ rnam pa kun ldan rnam pa med/ /bcu drug phyed phyed thig le 'chang / /cha med cha las 'das pa po/ /bsam gtan bzhi pa'i rtse mo 'chang zhes pa ni
79a₂₃ bcom ldan 'das kyi nges pa'o/ /de ltar don dam pas le'u lnga pa las phyag rgya chen po'i ye shes rgya cher brjod par bya ste des na 'dir rgyas par ma byas so/ /da ni 'dod pa zhes pa la sogs pas dga' ba bcu drug po rnams kyi sbyor ba bzhi gsungs pa 'dir sems can thams cad kyi
79a₂₄ sad pa dang rmi lam dang shin tu gnyid log pa dang bzhi pa'i dbye bas sku dang gsung dang thugs dang ye shes kyi sbyor ba ste de dag kyang dga' ba la sogs pa'i dbye bas bcu drug go/ de la 'dod pa zhes pa ni sku'i dga' ba'o/ /dga' ba zhes pa ni
79a₂₅ dpa' dang phrad pa med pa'i phyir ro/ /'dir byang chub sems dpa' rnams kyis sngon du byang chub kyi sems shin tu brtan par byas so/ /byang chub kyi sems 'di la bcing ba rnam pa gnyis te shes rab kyi chags pa dang bral ba dang
79a₂₆ shes rab kyi chags pas so/ /ji ltar dngul chu bcing ba bzhin te gcig ni bdug pa dang dgod pa'i sbyor bas te gnyis pa ni lcags la sogs pa bskol ba dang mes bsreg pa'i sbyor bas so/ /de dag las bdug pa dang dgod pa'i sbyor bas
79a₂₇ bcings pa'i dngul chu gang yin pa de ni me drag pos bzhu bar gyur na cung zad gnas te 'bros par byed do/ /lcags thams cad bskol ba las me drag pos bcings pa gang yin pa de ni me drag pos bzhu bar gyur pa na nam yang mi 'bros so/ /
79a₂₈ de nyid ni zas dang bskol ba gzhan gyi dbang gis gnas skabs gzhan du 'gyur ba 'di lta ste/ du ba dang ni tseg tseg nyid/ /sbal pa mchong ba nyid dang ni/ /'dar dang mi 'dar ba nyid de/ /dngul chu yi ni gnas skabs lnga/ /de bzhin du
79a₂₉ sgom pa goms pa'i dbang gis byang chub sems kyi gnas skabs gzhan du 'gyur te dman pa dang 'bring dang mchog dang ches mchog gi rab tu dbye ba las so/ /bdug pa dang dgod pa'i sbyor bas bcings pa gang yin pa de ni byang chub sems kyi bcing
79a₃₀ ba ste de ni gang zag mi rtag pa bsgom pa'i stobs dang sa la sogs pa'i zad par mngon sum du byed pa dang shes rab kyi chags pa dang bral ba yis so/ /ji ltar dngul chu'i bdug pa dang dgod pa'i sbyor ba la yang dus gzhan gyi dbang gis lcags
79a₃₁ kyi zas za ba yod te zas zos pa des gnas skabs gzhan du 'gyur ro/ /de bzhin du gang zag mi rtag par sgom pa dang sa la sogs pa'i zad par sgom pas bems po'i phung po dang khams dang skye mched zad pa las gnas skabs gzhan du
79a₃₂ 'gyur te gnas skabs gzhan zhes bya ba ni sa thob pa'o/ /'dir sa ni rnam pa gnyis te 'dod chags dang bral ba'i sa dang yang dag par rdzogs pa'i sangs rgyas kyi sa'o/ /sa'i dbang gis rdzu 'phrul te rnam pa gcig pa'i rdzu 'phrul dang rnam

_{iiif viewer powered by OpenSeadragon}

78b - 79b

Texts on this page