rKTs

e-texts navigator

Volume

Page

6a₁ 'phrog par byed/ /rang nyid kyis ni yongs su ma brtags par/ /rin thang chen por gyur pa yin ma yin/ /shes par bya phyir g.yon can gzhan la ston/ /de yi tshig gis
6a₂ rin chen 'dor bar byed/ /gang dag rin chen bzang po rig pa rnams/ /rin chen chen po yongasu rtog tu gzhug /de dag rnams kyi rnam dag tshig gis ni/ /rang gi rin chen rnam par shes par bya/ /
6a₃ rdzogs sangs rgyas dang byang chub sems rnams dang / /pha dang ma dang bu mo sring mo dang / /bu dang spun zla 'dod pa'i chung ma yi/ /gzugs rnams dag gis bdud ni bgegs byed do/ /de phyir bla ma
6a₄ dam pas gnang ba yi/ /lam bzang rin chen dag ni slob ma yis/ /chom rkun rtsa lag yongs su btang byas te/ /'bad pas shin tu legs par sba bar bya/ /dpa' bo'i rim pa bdag byin brlab pa yi/ /
6a₅ rim pa dag kyang thar pa'i lam ma yin/ /shin tu rnam dag rim pa gcig pu ni/ /thar pa'i slad du sangs rgyas rnams kyis bstan/ /'tshams med lnga po dag ni byas pa rnams/ /dbang don bde ba nyid ni gang zhig gis/ /thabs
6a₆ dang shes rab bdag nyid rgyud dag la/ /rgyal ba'i dbang pos yang dag bzung bar gyur/ /dpa' bo'i rim pa phyi rol la min te/ /lus la srog zad nyid la 'di gsungs so/ /bdag byin brlab pa dag
6a₇ ni stong pa la/ /khams gsum po ni mthong bar gyur pa'i mtshan/ /'khor ba snying po med de zad gyur pa/ /de las skyes bu'i sangs rgyas nyid 'bras te/ /chu shing gi ni 'bras bu smin pa dang / /chu shing nyams
6a₈ pas yang dag 'byung ba bzhin/ /sdig pa dang ni shing srin sems can rnams/ /gang las byung ba de dag de nyams byed/ /de bzhin rnal 'byor dag gi sems de ni/ /sgyu ma rnam par nyams par byed pa yin/ /
6a₉ gi mtshon pa cung zad do/ /'dir dang po nya'i gnas skabs kyi nyin zhag 'das par gyur pa rus sbal gyi gnas skabs la gdong dang rkang pa dang lag pa'i gnas rnams su 'bur po lngar 'gyur ro/ /lag pa rkang pa
6a₁₀ mgrin pa dag gi mgo bo mnyam par 'gyur te rus sbal lo/ /phra mo'i rtsa gzhan rnams ni zla ba bzhi pa rdzogs par gyur pa na rkang lag gdong dang mgrin pa dag gi phyogs su rkang pa dang lag pa rnams kyi tshigs drug dang gdong gi
6a₁₁ mgrin pa la lhan cig skyes pa dang longs spyod rdzogs pa'i rtsa shin tu phra ba rnams su 'gyur te rus sbal gyi gnas skabs so/ /zla ba lnga pa la ni phag gi dngos po la sha dang khrag dang rus pa mkha' ro bsreg za zhes pa ni rus pa
6a₁₂ sum brgya drug bcu ste tshigs rnams kyang de snyed do/ /zla ba drug pa la yang ste yang yig gis phag pa'i dngos po la sha dang khrag tu 'gyur ro/ /tshor bar 'gyur te bde ba dang sdug bsngal yang rig go/ mngon par shes
6a₁₃ pa'i stobs kyis sngon gyi gnas rjes su dran par yang 'gyur te rang gi sems kyi chags pa dang bral bar byed do/ /srid pa'i sdug bsngal smod par byed do/ /sangs rgyas kyi lam la bsngags par byed do/ /de nas smin
6a₁₄ ma skra dang spu dang bug pa mig la sogs pa rnams kyang phag gi dngos po la thub pa mchog la ste zla ba bdun pa rdzogs par gyur pa na skye mched rnams yongs su rdzogs par 'gyur ro/ /'dir mngal gyi zla ba'i mjug tu
6a₁₅ nyin zhag so so'i dus la stong pa stong pa mig gi grangs te nyis brgya'i grangs kyi rtsa rnams su nyin zhag so so la 'gyur ro/ /de nas sum brgya drug bcu'i gnad rnams dang rus pa rnams te de'i nang du rkang du 'gyur ro/ /ro 'dzin ni lce
6a₁₆ ste lce yi dbang po bskyed pa'i slad du'o/ /sngar gyi mig la sogs pa rnams sra ba nyid du 'gyur ro/ /ro 'dzin skyes pa'i dus de nas 'dir gci ba bshang ba ni zla ba brgyad pa dag la yang phag gi dngos po la 'gyur ro/ /
6a₁₇ ldan 'das kyi pad ma bzhin no/ /bshang ba dang gci ba dang khu ba 'bab pa'i rtsa gsum ni zla ba dang nyi ma dang sgra gcan gyi dkyil 'khor te gsang ba'i pad ma'i lte bar de rnams 'dus pa'o/ /de bzhin du de'i steng du khang pa brtsegs
6a₁₈ pa kun nas dri med 'od zer 'phro ba 'am rdo rje las skyes te hU~M yig las skyes pa'i rdo rje gur ni yum gyi skye gnas su ste rdo rje dang bcas pad ma zhes pa'i shes par byed pa las so/ /de nyid kyis na yang na rdo rje'i rang bzhin gyi gur ro/ /de'i dbus su rdo rje'i
6a₁₉ s a la b+h+ru~M yig yongs su gyur pa'am oM yig yongs su gyur pa las nor bu'i tshogs kyi dkyil 'khor 'od zer rnam par 'phro ba ste oM yig ye shes las skyes rgyal ba mchog gi pad ma zla ba dang ni nyi ma dag gi gdan zhes pa sa'i dkyil 'khor
6a₂₀ gyi mthar thug par thugs kyi dkyil 'khor ro/ /de'i phyi rol du ni gsung gi dkyil 'khor rgya mtsho'i dkyil 'khor gyi mthar thug pa ste nor gyi pad ma zhes pa pad ma brgyad po 'di ni zla ba nyi mas rnam par dman pa'o/ /de nyid kyi phyi rol du sku'i dkyil
6a₂₁ 'khor rlung gi dkyil 'khor gyi mthar thug pa ste nyin mor byed pa'i pad ma zhes pa pad ma bcu gnyis zla ba nyi mas rnam par dman pa dang de bzhin du sgo bzhir shing rta rnams so/ /de ltar sku'i dkyil 'khor ni zheng du dpag tshad bzhi 'bum mo/ /de'i phyed ni
6a₂₂ gsung gi dkyil 'khor dang de'i yang phyed ni thugs kyi dkyil 'khor dang de'i yang phyed ni bde ba chen po'i 'khor lo dang de'i yang phyed ni bcom ldan 'das kyi pad ma'o/ /pad ma'i sum cha ni lte ba ste de bzhin du zla ba dang nyi ma dang sgra gcan gyi dkyil 'khor
6a₂₃ rnams so/ /de bzhin du nang du ni snying kha nas 'og dang steng du gsang ba'i pad ma dang spyi bo ji srid par ro/ /yang na snying kha nas dpung ba dang nye ba'i dpung ba dang sen mo'i mtha' ji srid par te ma'i lus la rnam par brtags pa bsgom pa'i phyir ro
6a₂₄ zhes pa ni nges pa'o/ /de ltar dkyil 'khor re re la sgo bzhi bzhi ste de ltar sgo bcu gnyis rnams ni nyi ma'i sgo rnams su ste rgyal po zhes pa bod pa'o/ /nor bu dang gser gyi rang bzhin rta babs rnams dang sku'i dkyil 'khor gyi phyi rol du dur khrod
6a₂₅ rnams kyis bsten par mi bya ste rgyal pos kyang rnam pa thams cad du bsten par mi bya'o/ /de bzhin du slob dpon yongs su brtag pa las/ slongs mo dang ni gos dmar gyis/ /ngan pa'i bdag gang ngo tsha nas/ /g.yem
6a₂₆ bcas phyag dang mchod byed pas/ /sangs rgyas pa rnams la ma nyams par/ /'gyur ro zhes 'brel lo/ /de bzhin du gang tshe gos dmar mthong gyur nas/ /sdig can rnams ni zhe sdang 'gyur/ /kla klo'i chos dga'
6a₂₇ sangs rgyas pa/ /de tshe dkar po'i gos la mos/ /zhes so/ /'dir sangs rgyas pa'i bstan pa ni dus thams cad du gos dkar po ma yin te/ de ltar yang 'jam dpal gyi yul gyi gtsug lag khang du dge slong dang /
6a₂₈ dge tshul pham par gyur pa de'i tshe gos dkar po byin zhing ngur smrig blangs te gtsug lag khang nas nges par 'byin par byed do/ /rdo rje slob dpon yang sngags pa'i gtsug lag khang nas rgyal po'i nges pas so/ /'phags
6a₂₉ pa'i yul 'dir yang khyim na gnas pa gos dkar po 'dzin pa ni ngur smrig 'dzin pa rnams kyi bla ma dang gtsug lag khang la sogs pa rab tu gnas pa byed pa po ci ltar yin/ gang zhig dge slong rdo rje 'dzin pa yod kyang gnod
6a₃₀ pa'i gnas skabs thob pa dag sten par bya na 'di ni dge 'dun la brnyas pa chen po ste nges par 'di ni bde bar gshegs pa'i rnam par dbye ba rnam par nyams par byed pa'o/ /de'i phyir rnam pa kun du yongs su brtags nas skyon
6a₃₁ dang bral ba'i bla ma bsten par bya zhing skyon dang ldan pa spang bar bya'o/ /slob dpon yongs su brtag pa gsungs pa'i nges pa'o/ /da ni zab cing zhes pa la sogs pas shes rab ye shes la sogs pa'i dbang gi don du slob
6a₃₂ ma dam pa'i mtshan nyid gsungs te/ 'dir sngags kyi tshul la slob ma rnam pa gnyis te gcig ni phyag rgya chen po'i dngos grub sgrub pa don du gnyer ba dang gnyis pa ni 'jig rten pa'i dngos grub sgrub pa don du gnyer ba'o/ /
6a₃₃ mtha' yas pa'i bsam pa'i dbang gis so zhes pa ni rgyud kyi nges pa'o/ /da ni sngags kyi lha rnams kyi nang gi dag pa gsungs pa phung po zhes pa la sogs pa ste 'dir phung po lngas lnga'i bdag nyid dag par 'gyur ro/ /phung po lnga dang 'byung ba rnams
6a₃₄ dgu'i bdag nyid dag par 'gyur ro/ /las kyi dbang po bzhi dang bcas pas bcu gsum gyi bdag nyid dag par 'gyur ro/ /yul drug dang bcas pas bcu dgu'i bdag nyid dag par 'gyur ro/ /dbang po drug dang bcas pas nyi shu rtsa lnga'i bdag nyid dag par 'gyur ro/
6a₃₅ las kyi dbang po'i bya ba lnga dang / /bcas shing las kyi dbang po lnga po rab tu zhugs pa na rang 'od kyi shes rab dang bcas pa sum bcu rtsa gnyis kyi bdag nyid do/ /las kyi dbang po drug pa dang las kyi dbang po'i bya ba drug pa
6a₃₆ dang ldan pa ni sum bcu rtsa bzhi'i bdag nyid do/ /phung po dang khams drug pa dag dang ldan pa ni sum bcu rtsa drug gi bdag nyid do/ /de ltar phung po drug dang khams drug dang dbang po drug dang yul drug dang las kyi dbang po drug dang /
6a₃₇ las kyi dbang po'i bya ba drug ste khams rnams ni dkyil 'khor pa rnams so/ /de rnams la khyab par byed pa thugs dang ye shes ni thams cad du gtso bo ste de ltar dbyangs kyi dbye bas mtha' dag tshogs kyi rigs ni sbyang bar bya
6a₃₈ zhes so/ /stong pa gzhom med la sogs zhes pa ni 'dir ye shes la sogs pa stong pa drug ste mtha' dag rgyal ba'i rigs phung po drug rnam par dag pa rnams kyis lha rnams rgya yis gdab pa ste/ gtsug tor nas ni chu
6a₃₉ skyes mtha' ru mi mnyam mnyam pa'i rigs la 'khor lo'i dbus kyi gdan la'o zhes pa ni 'dir gtsug tor gyi 'khor lor thig le la mi bskyod pa a'o/ /de bzhin du snying gar sgra gcan gyi dkyil 'khor la don yod grub pa i'o/
6a₄₀ dpral bar zla ba'i dkyil 'khor la snang ba mtha' yas u ste mi mnyam pa'i 'khor lo la mi mnyam pa'i rigs so/ /de bzhin du lte bar dus kyi me la rnam par snang mdzad l-i'o/ /mgrin par nyi ma la rin chen dbang mo'i r-i 'o

_{iiif viewer powered by OpenSeadragon}

5b - 6b

Texts on this page