rKTs

e-texts navigator

Volume

Page

4b₁ dang sgra min rnam dpyad chen po med/ /sna tshogs yul skad ngan pa yis kyang chen po rnams kyi lam la rtag tu 'jug /sems can rnams kyi mos pa'i sems kyi dbang gis thams cad mkhyen pa'i gsung gzhan
4b₂ la/ /lung ston dag la lha klus bkod pa'i sgra sogs rtsod pa don gnyer rnams kyi gzhan/ /yul gyi skad dang zur chag sgra las kyang / /rnal 'byor ldan pas don ni 'dzin byed te/ /chu la 'o ma nges par zhugs pa de/ /
4b₃ ngang pas rab tu phyung nas 'thung bar byed/ /don dam de nyid yul la rtag tu ni/ /chen po rnam dag tshig la rtogs pa min/ /yul gyi ming rnams kyis ni don shes la/ /bstan bcos sgra dag gis ni ci zhig
4b₄ bya/ /gang zhig zur chag sgra dang sgrar gyur pas/ /brjod pa de nyid ye shes ma yin zhing / /gang zhig 'gro ba dag la nyi tshe ba/ /de ni thams cad mkhyen pa'i gsung ma yin/ /mchog tu mi
4b₅ 'gyur bzhi pa de nyid ni/ /sangs rgyas rnams kyi shes rab ye shes te/ /gang zhig de ni slar yang de bzhin 'di/ /rang gi phyag rgya chen mor rgyal bas gsungs/ /shes rab 'grogs las gang gi dkar po zag /
4b₆ de yis bde ba ci yis 'phel bar 'gyur/ /dpyid dang 'grogs la me tog ma rgyas pa/ /ltung ba tsu ta'i 'bras bu ci yis 'byung / /gang gis 'gyur med ma thob sdug bsngal can/ /de ni 'gyur ba dang bcas
4b₇ bde ba tshol/ /thams cad chu ni tshol byed tswa ta ka /skom par gyur kyang sa la gnas pa min/ /'khor ba yi ni bde ba mi rtag pa/ /'thob pa min yang rmongs chen tshol bar byed/ /yang dag rgyal srid
4b₈ bde ba thob pa yang / /thar pa'i don du mkhas pas 'dor bar byed/ /ji ltar lo yi mtshamasu rgyal ma na/ /ri dgas zas can 'khrig pa'i bde ba tshol/ /rdo yi phye ma dag gi kha zas can/ /
4b₉ pa'o/ /dus las de ltar 'grub pa ste de ltar rim pa de dag gis nya la sogs pa grub ste mngal rdzogs par 'gyur ro/ /lha yi gnas skabs rnams byed do zhes pa la du ba la sogs pa lha yi gnas skabs bcu po de dag byed pa
4b₁₀ ni mngal dang byis pa dang gzhon nu la sogs pa'i gnas skabs bcu po rnams te btsa' bar 'gyur ba'i dus dang byis pa la sogs dus dag tu yang ngo zhes pa ni mngal 'dzin pa'i nges pa'o/ /sa bon gyi rang gi khams kyi bya ba gsungs
4b₁₁ pa sa bon dag gi zhes pa la sogs pa ste 'dir sa bon khu ba dang khrag gis gang yin pa des gsang ba'i pad ma la gnas pa'i ro drug po rnams zos nas lus skyed pa la gsal bar lci zhing sra ba nyid byed do/ /chu ni de bzhin
4b₁₂ gsher ba nyid byed do/ /me ni zos pa'i ro rnams smin par byed do/ /rab mchog rnam pa bcu'i rlung srog la sogs pa dag ni sa bon 'di yi lus la 'phel bar byed do/ /'phel ba dag la slar yang nam mkha' nyid ni
4b₁₃ go skabs sbyin byed dus las de ltar sngar brjod pa'i cho gas skyed pa ste sna tshogs dngos po du ma dag gis lus bcas sgra dang yid dang zhes pa ni lus dang ngag dang sems so/ /nus pa rnams ni du ba la sogs pa ste lus dang ngag
4b₁₄ dang sems kyi chos can rnams spro bar byed do zhes pa ni sa bon gyi khams kyi bya ba brjod pa'o/ /gsang ba zhes pa la sogs pas nang gi sems rdo rje 'dzin pa khyab 'jug gi gnas skabs bcu gsungs te 'dir gsang ba'i
4b₁₅ pad mar khrag gi nang du gang tshe lhung ba'i byang chub sa bon zhes pa ni khu ba ste srog dang bcas pa ni kun gzhi'i rnam par shes pa dang bcas pa dag gang gi tshe gsang ba'i pad mar lhung ba de'i tshe gnas skabs bcu'i mtshan nyid du 'gyur ro/ /
4b₁₆ de rnams las mngal gyi nang du nya dang rus sbal dang phag gi gnas skabs gsum du 'gyur ro/ /de bzhin du btsa' ba'i dus su gcig ste mi yi seng ge'i gnas skabs so/ /byis pa'i dus dag tu yang rnam pa gnyis te
4b₁₇ gcod pa dang ma byin par len pa dang 'dod pa log par g.yem pa dang brdzun du smra ba dang tshig rtsub dang phra ma dang tshig 'khyal pa dang brnab sems dang gnod sems dang log lta'o/ /de bzhin du 'gyod pa dang rmugs pa dang gnyid dang rgod pa dang
4b₁₈ the tshom ste sgrib pa lnga yongs su spang bar bya'o/ /de bzhin du 'dod chags dang zhe sdang dang gti mug dang nga rgyal te nyon mongs pa rnams yongs su spang bar bya'o/ /de bzhin du 'dod pa'i zag pa dang srid pa'i zag pa dang ma rig pa'i zag pa dang lta
4b₁₉ ba'i zag pa spang bar bya'o/ /de nas rnam par thar pa bzhi bsgom par bya ste/ stong pa nyid dang mtshan ma med pa dang smon pa med pa dang mngon par 'dus ma byas pa bsgom par bya'o/ /rgyu ba dang mi rgyu ba dang bcas pa'i khams gsum po tshigs
4b₂₀ su bcad pa 'dis rnam par dpyad par bya ste/ dngos po med la bsgom pa med/ /sgom pa sgom pa nyid ma yin/ /de ltar dngos po dngos min pas/ /sgom pa dmigs su med pa'o zhes pa'o/ /'di'i don ni 'chad par 'gyur ba las
4b₂₁ brjod par bya'o/ /da ni stong pa zhes pa la sogs pas yang srid pa gzung ba'i slad du stong pa nyid kyi mtshan nyid gsungs te stong pa dngos po'i ngo bo'i rang bzhin 'gro ba mtha' dag 'di ni dngos po dag gis rnam par dman pa gang yin pa'i stong pa
4b₂₂ chen po de las kyang sangs rgyas byang chub med cing gzhan phan snying rje dag kyang med do/ /de bzhin du 'gro ba la phan pa'i phyir sangs rgyas su bya'o zhes pa mtshan ma'i dam bca' med pa ste mtha' dag de ltar shes nas sangs rgyas nyid kyi slad du
4b₂₃ de lta na yang mi yi bdag po sku gsung thugs kyi rdo rje ni/ /dpag med yon tan dkyil 'khor dbang po dkyil 'khor la ni byang chub sems dpa' rnams kyis bsgom par bya zhes pa ste 'jig rten pa'i 'bras bu bsgrub pa dang sems can
4b₂₄ thams cad la yang dag par bstan pa'i slad du sku gsung thugs kyi dkyil 'khor la gtso bo sku gsung thugs kyi rdo rje bsgom par bya'o zhes pa ni bcom ldan 'das kyi nges pa'o/ /da ni 'jig rten las 'das pa'i phung po gzung ba dang
4b₂₅ ma yin pa byed pa ni thar pa don du gnyer ba'i slob mas spang bar bya ba nyid do/ /de bzhin du dang po'i sangs rgyas las gang zhig khyim pa bsti gnas spyod/ /g.yog po zhing pa tshongs pa dang / /dam chos 'tshongs pa'i rmongs pa de/ /
4b₂₆ sa la rdo rje 'dzin pa min zhes pa la sogs pas so/ /bla ma rnam pa gsum slob dpon yongs su brtag pa las gsungs pa/ de nyid bcu ni yongs shes pa/ /gsum las dge slong mchog yin zhing / /'bring ni dge tshul
4b₂₇ zhes bya ste/ /khyim gnas de las tha ma'o/ /zhes dang de bzhin du sa thob ma gtogs khyim pa ni/ /rgyal pos bla mar mi bya ste/ /de la thos pa yongs shes pas/ /gang zhig rtags can bya ba nyid/ /sa thob
4b₂₈ ma gtogs slob dpon ni/ /khyim gnas gang tshe mchod byed pa/ /de tshe sangs rgyas chos dang ni/ /dge 'dun rnams la gus med 'gyur zhes dang / de bzhin du lha khang sogs kyi rab gnas sogs/ /rtags can
4b₂₉ gyis ni rtag tu bya/ /gnas gcig dag na gsum yod na/ /khyim pa gos dkar ldan pas min zhes pa ste/ de ltar rnam pa du mas slob dpon yongs su brtag pa las bcom ldan 'das kyis gsungs pa'i bla ma
4b₃₀ slob ma rnams kyis bsten par bya ste sngar gsungs pa'i nges pa ni skyon dang ldan pa spang ba'i slad du'o/ /de bzhin du yon tan las kyang gsungs pa 'di lta ste/ brtan zhing dul la blo gros ldan/ /bzod ldan drang la g.yo
4b₃₁ sgyu med/ /sngags dang rgyud kyi sbyor ba shes/ /snying brtser ldan zhing bstan bcos mkhas/ /de nyid bcu ni yongs su shes/ /dkyil 'khor 'bri ba'i las la mkhas/ /gsang sngags 'chad byed slob dpon te/
4b₃₂ dang ba'i bdag nyid dbang po thul zhes pa la sogs pas so/ /'on kyang tshigs su bcad pa gzhan gyis gsungs pa'i tshig ci ste rnam par mi dpyod ce na/ dbang mchog thob gang zhes pa la sogs pa'i tshig ni mkhas pa
4b₃₃ zhes pa'o/ /da ni ka la sogs pa'i yi ge so so re re la rgyud so so re re gsungs pa ka sogs zhes pa la sogs pa ste 'dir ka la sogs pa'i gsal byed sum bcu ha ya ra wa la k+Sha dang bcas pa ni sum bcu rtsa drug nyid te de rnams ni yi ge zhes
4b₃₄ bya'o/ /yi ge de rnams dbyangs kyi rnam par 'gyur bsu phye ba zhes pa la dbyangs ni a yig la sogs pa thung ngu dang ring po bcu gnyis dang yon tan dang 'phel bar bzhag par bya ba bcu gnyis dang / ya Nar bsgyur ba thung ngu dang ring po
4b₃₅ bcu gnyis te dbyangs kyi rnam par 'gyur ba 'di rnams kyis drug drug gis phye bar gyur pa na ro yis bsgyur ba'i ro zhes pa sum bcu rtsa drug ni 'khor lo'i mgon po rnams su 'gyur ro/ /yi ge so so re re la sum bcu rtsa drug gi dbye bas ba
4b₃₆ phye bar 'gyur te de ltar na thams cad la sum bcu rtsa drug go/ rgyud sum bcu rtsa drug po rnams la gsal byed sum bcu rtsa drug gi rang bzhin gyis 'khor lo'i mgon por yang 'gyur ro/ /dang por gsal byed ka gtso bos ka rdo rje'i rgyud
4b₃₇ gsungs te de la dkyil 'khor du gtso bo sku ni gcig pa dbyangs gcig gis phye ba ste dpa' bo gcig pa ni a yig dang bcas pa'i gsal byed ka'o/ /'khor dang bcas pa gnyis zhes pa a yig gnyis dang ldan pa ni gtso bo shes rab ma
4b₃₈ yis 'khyud par 'gyur te kA'o/ /lnga yi bdag nyid lnga yis 'gyur te zhes pa ni kA ki k+R-i ku kl-i zhes pa'o/ /'khor dang bcas pa dgu ni 'khor lo'i mgon po dgu bdag nyid ces pa ni kA kI kI k+R-i k+R-I ku kU kl-i kl-I zhes pa'o/ /dbyangs kyi
4b₃₉ g rangs kyi bdag nyid bcu gsum dgu dang phyogs rnams kyis kyang zhes pa ni bcu gsum gyis bcu gsum gyi bdag nyid de sngar brjod pa rnams k+Ya k+Ra k+Wa kla ya Nad bsgyur ba 'di rnams dang ldan pa ni sgo skyong rnams dang bcas pa bcu gsum gyi

_{iiif viewer powered by OpenSeadragon}

4a - 5a

Texts on this page