rKTs

e-texts navigator

Volume

Page

4a₁ ma 'ongs dus na rtag tu rtog ge la sogs bstan bcos la gtad sna tshogs blos/ /sangs rgyas pa yang gzhan gyi rtog ge dang phrad dbang gis log pa 'byung 'gyur te/ /rtog ge la gtad de yis 'dod
4a₂ pa'i yul la lam ni ston par byed pa gang / /de dag nyid kyi blo ngan skyon ni 'joms byed 'grel bshad bdag gis bri bar bya/ /chags bral med pa'i 'dod chags mtha' yas chu la zhe sdang sbrul dang chu srin
4a₃ dkrigs/ /gti mug klong ni rab mang 'gro 'ong nor dang dpal la brkam pa'i rba rlabs can/ /'gyod sogs gsod pa la sogs las kyi rta gdong 'khor mo sgra drag srid pa yi/ /chu gter la ni dpal ldan
4a₄ rdo rje theg pa'i 'grel bshad rtag tu mnyan pa ste/ shes rab rlung gi dar gyis myur 'gro myang 'das pha rol don gnyer chen po rnams/ /dam pa'i bde bas myur du rgal bar byed slad de ni lam gyi 'dren ma dang / /nyon
4a₅ mongs bdud tshogs 'joms pa mkhas pa'i yang dag ye shes yid bzhin nor bu ste/ /'jig rten gsum gyi bdag po nyid ster 'di ni kun tu ston par byed pa'o/ /gang zhig phung po la sogs sgrib pa rab bcom yul ni
4a₆ pra phab brgyad lta bu/ /kun mkhyen bde ster de nyid gcig pu rdo rje 'dzin pa'i phyag rgya chen mo ste/ /de bor sangs rgyas nyid slad nor la chags shing 'khyog po'i snying ldan brtags ma dag /gang gis sten byed rnam
4a₇ brtags blo can de yis de yang 'pho ba thob par byed/ /'dod chags nyams las sdig de gang phyir shin tu sdug ma las ni zhe sdang skye/ /sdang las gti mug 'di las rang gi rdo rje lhung las sems ni rtag rmongs te/ /
4a₈ mchog min ma lus bza' dang btung ba la sogs yul gzhan dag la rab tu 'jug /de yis sems la co dris bde ba nyams shing skye ba drug tu 'khor bar 'gyur/ /kun mkhyen lam don gnyer ba rnams la sgra
4a₉ dang me dang rlung dang ro'i tshogs ni nam mkha'i khams sngar brjod pa'i rdul phra rab kyi chos la 'gyur ro/ /stong ba la ni ye shes rnam par bsres pa zhes pa ni 'dir lus la khyab par bya ba dang khyab par byed pa'i
4a₁₀ 'brel ba kun rdzob kyis nges par gnas pa gang yin pa sems can thams cad kyi lus la rnam par shes pa'o/ /de nyid ni stong pa ste stong pa nyid kyi gzugs la bsgoms pa'i stobs kyis 'dzin par byed pa'i sems gzung bar bya
4a₁₁ ba sems kyi snang ba la rnam par bsres pa ni ro mnyam 'gyur med rtag par yang 'gyur te 'dir rtag pa'i sgra ni sgrib pa med par brjod do/ /de ltar 'byung ba la gnas zhi ba bde ba chen po rnam gsum srid pa la gnas rang gi lus la rnal
4a₁₂ 'byor pa rnams kyis rig par bya'o/ /'dir nang gi le'u la tshigs su bcad pa 'di ni mdor bsdus pas rnam par phye ste 'chad par 'gyur ba'i ye shes kyi le'ur mchog tu mi 'gyur ba'i ye shes grub pa las rgyas par brjod par
4a₁₃ bya'o/ /lus skyed pa la rgyu dang 'bras bu tshogs pa'i nges pa'o/ /mngal 'dzin pa la sogs pa gsungs pa sa bon zhes pa la sogs pa ste 'dir dbang po gnyis kyi sbyor ba las gsang ba'i pad mar lhung ba'i khu ba dang b+ha
4a₁₄ ga'i khrag gang yin pa de ni sa bon zhes brjod do/ /sa bon de ni 'dzin mas 'dzin te gsang ba'i pad ma la sa'i khams gang yod pa de yis so zhes pa'i don to/ /pad mar gnas pa zhes pa ni gsang ba'i pad mar gnas pa'o/ /
4a₁₅ gsang ba'i pad ma de las chu yis sdud do/ /phyi nas ni me yis smin par byed cing zhes pa ni chu yis rab tu bsdus pa'i sa bon 'di me yis rab tu smin par byed do/ /ro dang ro ni za bar byed de zhes pa ni ro drug po ma yis zos pa
4a₁₆ dang 'thungs pa gang yin pa'i ro dang ro de dag me yis za bar byed do/ /sa bon 'di yi 'phel ba rlung gis byed do/ /nam mkha' stong pa dag kyang 'phel ba'i sngon du go skabs sbyin par byed do/ /mi yi bdag po zhes pa ni bod
4a₁₇ par byas te de nas sgrub pa po yis lus dang ngag dang sems rnams dag pa yis ni gsum la skyabs su 'gro ba bya zhes pa ni nges pa'o/ /da ni sdig pa bshags pa'i mjug thogs su bsod nams la rjes su yid rang bar
4a₁₈ bya ste/ rdzogs sangs rgyas dang byang chub sems dpa' rnams dang 'phags pa'i tshogs kyis rnam mang dge ba gang mdzad pa/ /de rnams mtha' dag la ni sdig pa rnam bral byang chub spyod la rjes su gnas pa'i sngags pa rjes yid
4a₁₉ rang / /de nas gsum la skyabs su 'gro ste sangs rgyas chos dang dge 'dun srid pa'i 'jigs 'phrog la yang byang chub bar du bdag ni skyabs su mchis/ /de ltar gsum la skyabs su song ste bdag nyid kyi dngos po dbul ba byas nas de nas
4a₂₀ sems can gyi don gyi slad du smon lam bya ste/ rdzogs sangs rgyas su bdag gyur cig ces 'dir ni smon lam sems can don gyi slad du bdag bgyid do zhes pa'o/ /de ltar phyag 'tshal ba dang mchod pa dang sdig pa bshags pa dang bsod nams
4a₂₁ la rjes su yid rang ba dang de bzhin gshegs pa rnams la bskul ba dad gsol ba gdab pa dang bsod nams yongs su bsngo ba ste de ltar mchod pa rnam pa bdun bya'o/ /de nas rtsa ba gsum dran par bya ste byang chub tu sems bskyed pa dang
4a₂₂ bsam pa rnam par dag pa dang bdag tu 'dzin pa dang bdag gir 'dzin pa yongs su spong ba'o/ /de nas bsod nams dang ye shes dang tshul khrims kyi tshogs kyi don du pha rol du phyin pa bcu bsam par bya ste sbyin pa'i pha rol du phyin pa dang
4a₂₃ de bzhin du tshul khrims dang bzod pa dang brtson 'grus dang bsam gtan dang shes rab dang thabs dang smon lam dang stobs dang ye shes kyi pha rol tu phyin pa rnam par bsam par bya'o/ /de nas tshangs pa'i gnas rnams dran par bya ste
4a₂₄ byams pa dang snying rje dang dga' ba dang btang snyoms so/ /de nas bsdu ba'i dngos po bzhi bsam par bya ste sbyin pa dang snyan par smra ba dang don spyod pa dang don mthun pa'o/ /de nas mi dge ba bcu yongs su spang ba bsgom par bya ste srog
4a₂₅ bar bya'o/ /mchog gi bde ba'i gnas las sems nyams dbang ma bskur zhes pa ni dbang bskur med par rgyud 'chad pa po zhes pa ste spang bar bya'o/ /longs spyod dag la kun chags zhes pa
4a₂₆ ni phyi rol 'khor ba pa'i longs spyod rnams la kun te rnam pa kun nas yang dag par chags pa'o/ /bag med ni chang 'thungs bas te mnyam par ma bzhag pa spang bar bya'o zhes pa'i don to/ /dbang po'i
4a₂₇ don du 'dod ldan pa zhes pa ni dbang po gnyis kyi bde ba'i don du 'dod ldan yang spang bar bya'o zhes pa ni de bzhin gshegs pa'i nges pa'o/ /sngags kyi tshul las 'di lta ste/ /slob dpon yon tan blang bya ste/ /
4a₂₈ skyon ni nam yang min pa nyid/ /yon tan blangs pas dngos grub 'gyur/ /skyon brjod pa las dngos grub med ces dang / de bzhin du dbang mchog thob gang rdo rje yi/ /slob dpon la ni de bzhin gshegs/
4a₂₉ phyogs bcu'i 'jig rten khams bzhugs rnams/ /dus gsum byon nas phyag 'tshal lo zhes de bzhin gshegs pas gsungs pa ma yin nam/ de'i phyir slob dpon gyi yon tan blang bar bya'o zhes pa
4a₃₀ lam nyams pa 'ga' zhig gi tshig 'byung bar 'gyur te/ de'i phyir brjod par bya'o/ /'dir ma 'ongs pa'i dus su lam nyams pa'i byis pa'i skye bo rnams kyis/ slob dpon yon tan blang bya ste/ /skyon ni
4a₃₁ nam yang min pa nyid ces pa gang brjod par bya ba de ni ma yin te/ ci'i phyir zhe na/ gang gi phyir bla ma bsten pa'i slad du slob dpon gyi skyon dang yon tan yongs su brtag pa de bzhin gshegs pas gsungs
4a₃₂ pa 'di lta ste/ snying rje med cing khro la gdug khengs shing chags la ma bsdams dang / /rang bstod bla mar slob ma ni/ /blo bzang ldan pas mi bya'o zhes pa ste gsungs 'di'i phyir bla mar byas kyang bya ba
4a₃₃ r im pas klog pas ni slar yang nga la sogs pa rnams nam mkha' la sogs bskyed pa'i rim pas bklags pa ste de rnams kyang gsungs pa dang por zhes pa la sogs pa ste 'dir dang por re shig stong pa ni nga nya Na ma na dang de bzhin du u0f88u0f90 dang dang po'i d
4a₃₄ byangs zhes pa a yig dang de'i dbus su lhung ba ni de smos pas bzung ba'i phyir ro zhes pa'i brda skad kyis ha yig kyang nam mkha'i dbye ba'o zhes grub bo/ /de bzhin du rlung gi dbye ba i yig dang g+ha dz+ha D+ha b+ha d+ha sha rnams dang ya yig go/ me
4a₃₅ yi r-i dang ga dza Da ba da Sha rnams dang ra'o/ /chu yi u dang kha tsha Tha pha tha wa rnams dang wa'o/ /sa yi l-i dang ka tsa Ta pa ta sa rnams dang la'o/ /de ltar mchog gi rgyal ba'i rigs ni rnam pa lnga yis ka la sogs pa'i sde rnams rnam par phye
4a₃₆ zhes pa ste rdo rje dang ral gri dang rin po che dang pad ma dang 'khor lo'i rigs rnams kyis gsungs pa'i yi ge nga la sogs pa rnams rigs par bya'o zhes pa ni nges pa'o/ /da ni gtsug tor gyi rigs rnams gsungs pa gtsug tor zhes pa la
4a₃₇ sogs pa ste 'dir gtsug tor chen po'i rigs chen gang yin pa de ni stong pa lnga ste 'jig rten khams kyi le'ur brjod zin to/ /rigs gsum ni sku dang gsung dang thugs kyi rdo rje ste oM A hU~M zhes pa'o/ /a sogs zhes pa ni a i r-i u l-i ste lha'i tshogs
4a₃₈ rgyas gdab pa'i slad du phyag rgya'i rigs mi bskyod pa la sogs pa'o/ /'jig rten snang byed rigs chen dang zhes pa ni ha ya ra wa la k+Sha dang ldan pa'i ka sogs sde pa mtha' dag rnams te gsal byed sum bcu rtsa drug go/ ha ya ra wa la ra ldan dbyangs
4a₃₉ dang bcas pa'i sde pa rnams te ha la sogs pa dbyangs dang bcas pa drug bcu sngar gsungs pa rnams dang / ka la sogs pa dbyangs dang bcas pa sum brgya drug bcu dang slar yang yon tan dang 'phel ba dang ya Nar bsgyur bas phye ba stong
4a₄₀ brgyad bcu ni 'jig rten 'jig rten 'das pa'i rigs su 'gyur ro/ /gsal byed brtsegs pa ni rig sngags 'chang gi dbang por 'gyur te ka sogs mtha' dag brtsegs par gnas pa'i sde pa brgyad rnams zhes pa ni k+kh+g+g+h+nga ts+tsh+dz+dz+h+nya T+Th+D+D+h+Na p+ph+p+p+h+ma t+th+ng+ng+h+na s+ny+p+Sh+sh+th+ka l+W+R+Y+ha l+W+R+Y+k+Sha

_{iiif viewer powered by OpenSeadragon}

3b - 4b

Texts on this page