rKTs

e-texts navigator

Volume

Page

3a₁ gsung dang longs spyod rdzogs pa gcig sbyor srid gsum gyis mchod sku dang sprul pa rnal 'byor te/ /shes dang shes bya gnyis med srid 'das 'byor pa 'di ni rdo rje sems dpa' rnam pa bzhi/
3a₂ rdo rje'i rnal 'byor thabs dang shes rab bdag nyid lha mi lha min gyis bstod de la 'dud/ /zhabs gcig rdo rje nor bur rdul dang nyi ma dang / /gnyis pa gtsug tor khu ba ri bong can la ni/ /rtag tu
3a₃ mi chod dbyer med 'dod par bkod gyur pa/ /'jig rten gsum gyis mchod pa'i gtso la spyi bos 'dud/ /rlung me chu dang sa yi dkyil 'khor lhun po pad+ma dang / /zla nyi dus me'i steng du dbang phyug dang ni bdud
3a₄ kyi mgor/ /zhabs ni srid pa'i yum gyi zhabs dang lhan cig bkod gyur pa/ /lha'i dbang pos btud pa'i gtso la spyi bos phyag 'tshal te/ /de ltar rdo rje'i rnal 'byor gang zhig dpag med bde gshegs rnams
3a₅ kyis bsten cing bstan pa dang / /byang chub sems dpa' rdo rje mchog 'dzin gsang sngags rig pa kun gyis yang dag brjod gyur pa'i/ /'gyur med mchog gi bde ba rnal 'byor de ni dus kyi 'khor lor blun
3a₆ po bdag brjod 'dod/ /mkha' la myur 'gro mkha' 'gro'i bdag po 'gro ste 'dab chags gzhan pa 'gro ba min nam ci/ gang du rang gi lus la srid pa mtha' dag sngags bcas pa/ /gsal bar A
3a₇ li thig le 'dzin pa rgyal ba'i dbang pos gsungs/ /chu gter chen po der ni rkyal ba'i slad du rab zhugs pa/ /de la gal te pha rol bdag phyin rgyal ba'i mthu yin no/ /gang phyir gsang bdag la gsungs
3a₈ mchog gi dang po'i sangs rgyas las/ /stobs bcu pa yis bsdus pa'i rgyud ni sngon du lung bstan pa/ /de phyir dus kyi 'khor lo bsdus pa'i rgyud 'di ka lA par/ /'jam dpal gyis ni thub pa mtha'
3a₉ pa yang dag par sdud par mdzad pa po 'jam dpal gyis bsdus pa'i rgyud las bstan pa ni bdag gis dgrol bar bya'o/ /'dir lus kyi dbus su sna tshogs tshad ni mi shes te rgyal ba skyed mdzad ces pa ni rdo rje
3a₁₀ sems dpa' shAkya thub pa sgrib pa med pa'i phung po rnams skyed par mdzad pa ni rgyal ba skyed mdzad yin pas de la bod pa ste kye rgyal ba skyed mdzad khyod kyis phyi rol du sna tshogs tshad ni gang dag bstan pa de dag lus la mi shes so/ /
3a₁₁ de'i phyir slar yang bdag ni nyan par 'tshal lo srid pa gsum po mtha' dag lus kyi dbus su ji ltar te rnam pa gang gis 'gyur zhes pa'o/ /de nas zla ba bzang po'i gsol ba 'debs pa'i tshig dag gsan nas bde bar
3a₁₂ gshegs pas zla ba bzang po la legs zhes bya ba byin nas rab tu gyur pas gsungs pa/ sems can rnams ni thar pa'i slad du mchog gi thugs rjes sna tshogs tshad rnams dag kyang lus la'o/ /kyang yig gis rgyud
3a₁₃ gzhan thams cad kyang lus la gsungs so/ /le'u gnyis pa bstan pa'i slad du gsol ba 'debs pa po dang ston pa po bsdus pa'i mdor bsdus so/ /bstan pa'i tshigs su bcad pa gsungs pa sa zhes pa la sogs
3a₁₄ pa'o/ /'dir lus kyi nang du sa la sogs pa mtha' dag rang rang gi yi ges shes par bya ste so las byung ba'i yi ge rnams kyis sa shes par bya'o/ /mchu las byung ba rnams kyis chu'o spyi bo las byung ba rnams kyis
3a₁₅ me'o/ /rkan las byung ba rnams kyis rlung ste sa dang chu me rlung rnams so/ /rdo rje ste glog ni slar yang spyi bo las byung ba rnams kyis so/ /lha'i gzhu ste 'ja' tshon ni so las byung ba rnams kyis so/ /rlung bcu po rnams ni
3a₁₆ rkan las byung ba rnams kyis so/ /khyim gyi 'khor lo ni a la sogs pa dang ka la sogs pa mtha' dag gis so/ /zla ba ni thig les so/ /nyi ma ni rnam par bcad pas so/ /sgra gcan ni dbyangs med pa'i gsal byed
3a₁₇ tshigs gsum gyi dbye bas tshigs bcwa lnga ste phyag nyi shu rtsa bzhi po rnams la sum brgya drug bcur 'gyur ro/ /de ltar stong pa drug dang me yi tshigs zhes so/ /zhabs dag gis ni zla ba nyi ma bsreg za'i dkyil 'khor rnams la bdud
3a₁₈ dang drag po zhes pa phung po dang nyon mongs pa dang 'chi bdag dang lha'i bu ni bdud do/ /'dod chags dang zhe sdang dang gti mug dang nga rgyal gyi bdag nyid ni drag po ste skrag bzhin pa dus kyi 'khor lo gang gis rol pas mnan cing srid med srid pa mnyam pa
3a₁₉ ni sgrib pa med pas mya ngan las 'das pa dang 'khor ba gcig tu 'dres par gyur pa ste de ltar dus kyi 'khor lo gcig pu de ni bsgrub par bya'o zhes pa bcom ldan 'das kyi nges pa'o/ /da ni 'di bsgrub pa'i don du gnas rnams gsungs pa skyed mos tshal
3a₂₀ zhes pa la sogs pa ste 'dir 'jig rten pa'i las bsgrub pa'i rjes su mthun pas gnas su 'gyur ro/ /skyed mos tshal du dbang dang dgug pa'i don du sngags pas bsgrub par bya'o/ /ri bor rengs pa dang rmongs pa dang phur bus gdab pa'i don du'o/ /
3a₂₁ rgyal ba mchog gi gnas te byin brlabs dang bcas pa'i mchod rten chen por dngos grub chen po brgyad kyi don du'o/ /lha yi gnas stong par bskrad pa dang dbye ba'i don du'o/ /dang gi yi ges rgya mtsho chen po'i ngogs su yang ngo / /grub pa'i gnas su
3a₂₂ las kyi phyag rgya'i dngos grub kyi don du'o/ /dur khrod du bsad pa'i don du'o/ /mtsho dang bzang po'i gnas su zhi ba dang rgyas pa'i don du'o/ /sbas pa'i sa zhes pa phug gi gnas sam sa'i khang par 'jig rten gsum gyi rgyal srid
3a₂₃ bsgrub pa'i don du'o/ /da ltar las kyi rjes su mthun pas yul gang du sems ni rab tu tshim par 'gyur ba der ni bsgrub par bya'o mi yi bdag po kye zhes pa'o/ /de bzhin du yang gsungs pa/ gang na sa skyong chos ldan zhing / /gang zhig
3a₂₄ kho nar skye dgu rnams/ /bder gnas sa 'dzin rtsod med pa/ /der ni rnal 'byor brtsam par bya zhes pa'o/ /nges par 'jam pa'i mal cha dag dang gang na la nye bar 'dug nas sngar brjod bsrung ba byas nas ni zhes pa ni dbang gi
3a₂₅ dam tshig 'di la yod pa'i phyir dam tshig ldan pa'i bla ma'o/ /dang por yang dag par bstan par bya ste bu dang chung ma la sogs pas kyang mnyes par bya'o zhes pa'i don to/ /rdo rje theg pa la lhag par gnas zhes
3a₂₆ pa la 'dir rdo rje theg pa ni yang dag par rdzogs pa'i sangs rgyas kyi theg pa ste mu stegs pa dang nyan thos dang rang sangs rgyas kyi theg pa rnams kyis mi phyed pa'i phyir rdo rje ste thar par 'dis 'gro ba'i phyir rdo rje theg pa'o/ /
3a₂₇ de la lhag par gnas pa zhi rdo rje theg pa la lhag par gnas pa'o/ /de nyid sgoms shing zhes pa la 'dir de nyid ni 'jig rten pa'i dngos grub sgrub par byed pa dang yang dag par rdzogs pa'i sangs rgyas nyid sgrub par
3a₂₈ byed pa rnam pa gnyis te lnga pa ye shes kyi le'u yi mchog tu mi 'gyur ba'i ye shes grub pa 'chad par 'gyur ba las brjod par bya'o/ /de nyid de kho na sgom pa ni 'di'i ngang tshul lo zhes pa'i don to/ /ma chags zhes pa ni bu dang chung ma
3a₂₉ la sogs pa thams cad dang rang gi lus la yang ltos pa med pa'o/ /dri ma dag dang rnam par bral zhing zhes pa la dri ma ni 'dod chags dang zhe sdang dang gti mug dang nga rgyal dang phrag dog dang ser sna'i tshogs te de nyid
3a₃₀ rnam pa mang pos bral ba gang yin pa de ni dri ma dag dang rnam par bral ba'o/ /bzod pa'i ngang tshul zhes pa la bzod pa ni 'di 'bras bu la ltos pa med pa'i rang bzhin gyis rab tu zhugs pa'o/ /lam la zhugs
3a₃₁ zhes pa la lam ni yang dag par rdzogs pa'i sangs rgyas kyi lam ste de la zhugs pa'i ngang tshul can no/ /bla ma de bsten par gyur na slob ma rnams la lam ni sbyin byed dmyal ba'i 'jigs pa 'phrog par 'gyur ro/ /
3a₃₂ de nyid las ni tshangs spyod ldan zhes pa gang zhig mchog tu mi 'gyur ba'i bde ba thob pa'o/ /bdud rnams la zhes pa phung po dang nyon mongs pa dang 'chi bdag dang lha'i bu ste bdud bzhi po rnams la rdo rje dbyug pa dang 'dra ba
3a₃₃ thug pa rnams kyis te chu rgyus rnams kyis zhes pa nges pa'o/ /g.yo ba me yi khor yug la sogs lpags pa la sogs kyis zhes pa 'dir rlung gi khor yug ni lpags pas so/ /me'i khor yug ni khrag dang drod kyi khams
3a₃₄ kyis so/ /chu'i khor yug ni rdul gyis so/ /nyi ma'i sgo rnams zhes pa sgo bcu gnyis po rnams bug pa bcu gnyis po rnams kyis te rna ba la gnyis dang sna la gnyis dang mig la gnyis dang kha la gcig dang gci ba dang bshang ba dang khu ba'i
3a₃₅ bug pa gsum dang nu ma gnyis la gnyis so/ /de ltar bug pa bcu gnyis te bug pa bcu gnyis rnam par dag pas rdul tshon gyi dkyil 'khor la mdzod cig ces pa'o/ /dkyil 'khor la nor bu'i rang bzhin bkod pa do shal la sogs pa gang yin
3a₃₆ y in pa de so yi phreng bas mdzod cig dur khrod brgyad du 'khor lo gang yin pa de rnams ni sor mo rnams kyi sen mo yis zhes pa lag pa dang rkang pa'i sen mo rnam par dag pas mdzod cig ba spu rnams kyis rdo rje me lce zhes pa ni phyi rol gyi rdo rje phreng
3a₃₇ ba dang rdo rje 'bar ba ba spu rnams kyis mdzod cig ste dkyil 'khor gyi ni mtha' ru phyogs dang phyogs bral dag la gnas pa'i rdo rje me lce ba spu rnams kyis so/ /de ltar nges par sku yi rdo rje khams drug gi bdag nyid sa la sogs pa'i dbye bas
3a₃₈ mchog gi yon tan rnam mang dkyil 'khor gyi ni rnam par gsungs zhes pa ni dkyil 'khor gyi nges pa'o/ /da ni lha'i tshogs kyi rnam par dag pa gsungs pa gsung gi rdo rje zhes pa la sogs pa ste 'dir a sogs ka sogs dbyangs dang gsal byed
3a₃₉ kyi bdag nyid ni gsung rdo rje ste dbyangs dang gsal byed yongasu gyur pa'i lha'i tshogs mtha' dag rgyal ba'i rigs dang bcas pa'o/ /des na gsung gi rdo rje ni lha yi rnam pa nyid du gsungs te de nyid rdul tshon gyi dkyil 'khor la lha'i rnam par
3a₄₀ mdzod cig ces pa'o/ /stong pa drug gis thugs kyi rdo rje zhes pa ni mig gi rnam par shes pa dang rna ba'i rnam par shes pa dang sna'i rnam par shes pa dang lce'i rnam par shes pa dang lus kyi rnam par shes pa dang yid kyi rnam par shes pa/

_{iiif viewer powered by OpenSeadragon}

2b - 3b

Texts on this page