rKTs

e-texts navigator

Volume

Page

2a₁ kun mkhyen mchog gi dang po'i sangs rgyas bcom ldan gnyis med de nyid la phyag 'tshal/ /sangs rgyas seng ge'i khrir bzhugs rdo rje'i rnal 'byor rnam par dag pa srid pa gsum gyis mchod/ /
2a₂ de nyid gcig pu sku yi rab tu dbye bas rnam pa bcu drug srid med srid par gnas/ /shes dang shes bya gcig gyur rgyal ba mchog gi dam tshig yan lag rnam pa bcu gnyis kyi/ /bden don byang chub
2a₃ sems ni rgyal ba'i rdo rje'i tshig gyur dus kyi 'khor lo la phyag 'tshal/ /kun mkhyen ye shes sku ni rgyal ba'i bdag po'i lhan cig skyes dang de bzhin chos kyi sku/ /longs spyod rdzogs dang sprul pa'i sku
2a₄ yang nyin byed sku dang pad+ma'i 'dab ma rgyas pa'i spyan/ /rnam par thar dang sku gsung thugs chags srid 'das 'byor pa rnal 'byor dag pa shes rab dang / /thabs ni gnyis med gang zhig lha mi lha min gyis
2a₅ bstod dang po'i sangs rgyas de la 'dud/ /ye shes stong nyid ye shes kyis/ /legs dag rnam dag 'gyur ba med/ /sems ni mtshan med ye shes kyis/ /legs dag gnyis med chos bdag nyid/ /
2a₆ ngag ni smon med ye shes kyis/ /dag pa gsang sngags mi zad sgra/ /de bzhin mngon par 'dus ma byas/ /ye shes kyis dag dri ma med/ /shes rab thabs kyi bdag nyid sbyor/ /dbyibs sku rdzu
2a₇ 'phrul bgrod pa can/ /de bzhin gshegs pas rdo rje sems/ /byang chub sems dpa' sems dpa' che/ /dam tshig sems dpar gsungs pa gang / /dngos dang dngos med zad pa'i gtso/ /
2a₈ thog mtha' med cing zhi ba yi/ /byang chub sems de la phyag 'tshal/ /sprul pa yi ni sku gsung thugs/ /ye shes gcig sbyor sdom pa dang / /longs spyod rdzogs pa'i sku gsung thugs/ /
2a₉ (I) @#/ /dus 'khor 'grel chen dri med 'od bzhugs so/ /
2a₁₀ (黃) 秘密經時輪註五品一部
2a₁₁ /
2a₁₂ shes rab ye shes dbang bskur srid pa'i 'jigs pa 'joms pa rnal 'byor rnams kyis bgrod bya bzhi pa thob/ /slar yang rgyal ba mchog dang bcas pa sna tshogs gtso bo'i sgrub thabs yang dag par ni bdag zhu'o/ /zla ba bzang po'i tshigs
2a₁₃ gsan nas ni rgyal ba'i bdag pos rdo rje can dag gi yang bsgrub thabs gsungs zhes pa ste 'dir tshigs su bcad pa'i rkang pa gsum gyis sgrub thabs kyi le'u bstan pa'i slad du zla ba bzang pos gsol ba btab pa'o/ /de nas rkang pa bzhi pa nas brtsams
2a₁₄ te ji srid le'u yongs su rdzogs pa de srid ni bcom ldan 'das kyi lan gyi gsung ngo / /da ni zla ba bzang po'i tshig gsan nas ni rgyal ba'i bdag po bcom ldan 'das shAkya thub pa dus kyi 'khor lo'i ting nge 'dzin la snyoms par zhugs pas rdo rje can bcom
2a₁₅ l dan 'das dpal dus kyi 'khor lo'i sgrub thabs gsungs te yang yig gis mi bskyod pa la sogs pa de bzhin gshegs pa rnams dang rdo rje dbyings kyi dbang phyug ma la sogs pa lha mo rnams dang phyag na rdo rje la sogs pa byang chub sems dpa' rnams
2a₁₆ d ang sgra rdo rje ma la sogs pa yul gyi lha mo rnams dang gtsug tor la sogs pa khro bo'i rgyal po chen po rnams dang shin du sngon mo la sogs pa khro bo'i lha mo rnams dang tsa ra tsi kA la sogs pa ma mo rnams dang khyab 'jug la sogs pa lha rnams dang rgyal ba la
2a₁₇ s ogs pa klu'i rgyal po rnams dang khyi gdong ma la sogs pa rab gtum ma rnams dang gzhan rnams kyi yang so so'i sgrub thabs rgyal ba'i bdag pos gsungs te gzugs kyi sgom pas 'og min gyi srid pa'i mthar thug pa 'jig rten pa'i dngos grub sgrub pa'i ched
2a₁₈ du'o zhes pa ni bcom ldan 'das kyi nges pa'o/ /da ni dus rnam par dag pas bcom ldan 'das kyi gzugs brtags pa mdor bstan pa gsungs pa zla ba'i sku zhes pa la sogs pa ste 'dir dang po'i sangs rgyas las bcom ldan 'das kyis gsungs pa/
2a₁₉ mthar thug pa ni zla ba bzang pos gsol ba btab pa'o/ /de nas zla ba bzang po'i tshig gsan nas ni bde bar gshegs pas dus kyi 'khor lo'i dkyil 'khor rab tu gsungs zhes pa la sogs pa dbang gi
2a₂₀ le'u yi tshigs su bcad pa mtha' dag ni de bzhin gshegs pas lan gsungs pa ste le'u yi mtha'i bar du slar gsol ba btab pa med do/ /'dir zla ba bzang pos gsol pa/ bcom ldan 'das 'dir lus la
2a₂₁ n ang gi le'u las bcom ldan 'das kyis gang gsungs pa sna tshogs tshad dang nyin dang mtshan mo'i dus dang zla ba 'pho ba'i dbye ba rnams la sogs pa rig byed dang ni byed po la sogs dbye ba'i mthar thug pa bdag gis thos te
2a₂₂ thams cad shes so zhes pa'i don to/ /des na da ni sems can rnams kyis bsod nams dang ye shes thob par bya ba'i slad du bcom ldan 'das kyis dkyil 'khor bstan du gsol zhes pa ste de nyid bcu dang yang dag
2a₂₃ p ar ldan pas slob ma rnams la dbang bskur ba sbyin pa dang sku gzugs la sogs pa rab tu gnas par bya ba dang 'og min gyi srid pa'i mthar thug pa 'jig rten pa'i dngos grub sgrubs pa'i ched du ste 'jig rten pa'i bden pas
2a₂₄ so/ /don dam pa'i bden pas ni rdul tshon gyi dkyil 'khor bri ba med te bcom ldan 'das kyis bkag pa'i phyir ro/ /de skad du dang po'i sangs rgyas las bcom ldan 'das kyis gsungs pa/ /rdo rje'i thig rnams
2a₂₅ gdab pa dang / /rdul tshon dag kyang gdab pa ni/ /sngags kyi de nyid kyis mi bya/ /byed na byang chub thob par dka' zhes pa la 'dir gal te sngags kyi de nyid ni sngags zhes pa ye shes te yid skyob par gyur pa'i phyir ro/ /
2a₂₆ sngags kyi de nyid des gal te rdo rje slob dpon phyag rgya chen po'i dngos grub kyi don du thig gdab pa la sogs pa byed na de'i tshe byed pa de'i byang chub thob par dka' bar 'gyur ro zhes pa ni de bzhin gshegs pa'i nges pa'o/ /
2a₂₇ khams kyi dbye bas dkyil 'khor la sogs gsungs zhes pa'o/ /'dir tshigs su bcad pa dang pos dang po'i sangs rgyas las zla ba bzang pos gsol ba btab pa dang de bzhin gshegs pas lan gsungs pa 'jam dpal gyis
2a₂₈ d on la rton pa nyid kyis yang dag par bsdus pa de nyid rgyas 'grel gyis dgrol bar bya ste gtso bo'i zhes pa la sogs pa la 'dir sgrub thabs kyi le'u las gang zhig gtso bo dus kyi 'khor lo'i sgrub thabs de bzhin gshegs pa dang bcas pa gang
2a₂₉ z hig khyod kyis gsungs pa de ni bdag gis cung zad shes te de'i phyir slar yang bdag ni nyan par 'tshal lo kye lha mi'i bla ma shAkya thub pa lus la khams kyi dbye ba rnams kyis zhes pa rus pa la sogs pa'i khams rnam par dag pa rnams kyis
2a₃₀ d us kyi 'khor lo'i dkyil 'khor dang gzhan yang sangs rgyas rnams kyi rigs drug nyan par 'tshal te gang zhig a li ka li dag la gnas pa zhes pa ni a yig la sogs pa'i dbyangs la gnas pa dang ka yig la sogs pa'i gsal byed la gnas
2a₃₁ pa 'chad par 'gyur ba rnams so/ /de bzhin du rnal 'byor ma rnams dag gi de dag ste phung po drug po rnams kyi rigs drug ji lta ba de bzhin du khams drug po rnams kyi yang a la sogs pa dang ka la sogs pa la gnas pa'o/ /zla ba bzang
2a₃₂ po'i tshig 'di gsan nas te de nas rgyal ba'i bdag po zhes pa lhan cig skyes pa la sogs pa sku bzhi'i bdag nyid sgrib pa med pa'i phung po la sogs pa'o/ /de rnams kyi bdag po ni skyed par byed pa rdzogs pa'i sangs rgyas te dang po'i
2a₃₃ sangs rgyas so/ /khams kyi dbye bas dkyil 'khor la sogs zhes pa rigs drug la sogs pa 'chad par 'gyur ba rnams gsungs te ston pa po dang gsol ba 'debs pa po'i 'brel pa'o/ /tshigs su bcad pa 'di la rkang pa gsum gyis
2a₃₄ bzad pos gsol ba btab pa'o/ /rkang pa bzhi pa nas brtsams te ji srid le'u yongs su rdzogs pa de srid ni de bzhin gshegs pa'i lan gyi gsung ste rgyud 'di la slar yang gsol ba gdab pa med do zhes pa ni nges pa'o/ /de ni khams rnam

_{iiif viewer powered by OpenSeadragon}

1b - 2b

Texts on this page